Canton de Laissac (arr. de Millau

* Fol, 82 ve

assiger. De faict, ceste guarnison de Palmas estans advertis et aussi voians qu’il i avoict un grant nombre de gendarmerie, tant à pié que à chival, le queur lur fauta. Dont, ils se rendirent sens qu'ils fussent en rien efforcés. De faict, les leissarent aler à vies salves, avec leur espée et dague sulement, vous assurant qu’ils ne se fussent pas rendus, si ne feust mais per le moiïen d’un soldat qu'estoibt au milieu d'eus, que se disoibt estre de la Religon, toutesfois il n’en estoibt pas, lequel se nomoit Brosane, lequel parlementoit avec les Papistes. Dont, laïssérent dens ledit fort abondence de bleds, farines, armes et grans munitions de guerre.

Or, les Papistes s’estans rendus maistres dudict Palmas, ce dict Brosane, de Laissac, faisant du sufisent comme traistres communement savent bien faire, il se rendit à Bertolène!. De faict, les Papistes aïant mis ledit Palmas en lur obéissence, aïant laisées guarnisons dedens, ils se acheminèrent tout droit à Bertolène. De faict, l’aïant assigé de touts costés, ils sommèrent ceus dudit Bertolenne s'ils se voloient rendre sous l’obéissence du Roi, à eus, leur promectent faire bon traictement : per guarder Jurs vies, il * seroit bon que se rendicent à eux. De faict, la domaisele que estoit dedens, seigneuresse dudit lieu, lur fist responce que toutchant à la maison qu'’ele tenoit, se appartenoit à ele, d'autant que c’estoibt sa maison paternele ; que l’on lui fasoibt tort de venir einsi agreder 2, veü que naturelement à ele s'apertenoit ; joinct aussi qu'ele la tenoibt soubs l’obéissence du Roi; d'autre part, que les gens que estoient dedens sont gens de bien et ces amix o parens, et que ele les avoict remis dedens, tant per la préservation de sa persone, que aussi de la maison, « car se ne sont point lerons ni briguans que alhent piller le peuple comme vous faictes » ;

1. Canton de Laissac (arr. de Millau). Sur le château dont les ruines dominent la vallée de l'Aveyron, v. Proces-verbaux des séances de la Soc. des Lettres, XII, 3; J. Artières, notice (dans le Messager de Millau, 28 juin 1909); Biblioth. nat., Estampes, V° 18, plan du château (1671).