MILLAU DÉFEND SES RÉCOLTES

foguasses et de flausons 1, et aussi de gambons que les paisans lur aportoient des environs, aussin tout lur autre baguatge quitèrent ; de sorte [qu/'ils feürent bien batus : car ili en eüst plusieurs de blessés, et de morts, 18. Et cant à ceus de la Religon, n’en i eùst nul de mort ni de blessés.

495. — La ville de Millau demande du secours aux Princes et aux Vicomtes, fait fondre deux canons et empéche le pillage des récoltes (juin-juillet) —* En ce dit temps, Milhau se voient estre opressé fort des Papistes, estans desnués de gens, ne aïant dens la ville sinon les habitans de ladicte ville : car mossur Du Ram en avoit menés les soldats, pensant qu'il s'en alasse au secours au camp des Princes, nonobstant que dens ladite ville i avoict assès de gens, si touts eüssent voleü faire leur devoir, de faict, voiant ladite ville que les Papistes ne lur laisoibt recullir les bleds ni autres fruits de la tere, sens le danger des personnes, ils se delibèrarent de envoier au camp des Princes et aus biscontes per avoir secours et un guoverneur. Dont, per ceste cause, la ville i manda deus merchans, habitans de ladite ville, de sorte que ledit secours et guouverneur feüst octroïé. Dont, per l'attente de la prommesse lesdits Princes ballèrent incontinent, per guouverneur, le capitaine Moreau, lequel ariva le 10 de julhet 1569 Tellement que incontinent que ledit guoverneur feüst veneü, il fist remmasser grant abondence de cuivres, sà et là, per les vilages et dens la ville ; dont, il en feïst faire deus canons pesens chescun environ 40 quintals ; lesquels furent commencés le 20 de julhet 1569 et furent fondeüs le 8 de octoubre, an Susdit, un digmenche matin sur l’aube du jorn?

En ce dit mois, les bleds estant en maturité per toute ceste Haute-Marche de Rouergue ; et mesmes, en ceste valée, estants prests à recullir, les guarnisons de Creiselh que estoient les plus prochaines de Milhau, les volsirent

1. Flans, v. Vayssier, Dict. patois, au mot : Floüzou. 2. Au mois de juillet, les consuls de Millau avaient fait confectionner des Canons en bois (Artillerie de boys). Arch. comm. de Millau, CC 4° (2 invent.},

1” juillet, * Fol, 85 re.

prendre, aïant double guarnison, per voloir affamer Milhau ; tellement que la ville balha et donna tout come en un pillatge, qui en prirent qui voleüt ; de sorte que lesdits habitans se misrent en leur devoir. de les culhir ; telement que sens contrediction de personne, l’on les print et encores du leur. Dont, jamais les guarnisons de Creiseilh ni autres ne ausarent boger nullement.

496. — Le capitaine Moreau assiège Saint-Georges (16-18 Juillef). — Le 16 de jullet 1569, la ville estant advertis que mossur de Seinct-Genieis 1 avoict receù mandement et prinse la charge de soi mectre dedens Seinct-George, per le rebastir : car il avoict esté desmantelé peravant ?; lequel Seinct- Genieis se mist dedens *. Estant guoverneur dudict vilage, il le fist rebastir aus despens des païsans, nonobstant que ce dit vilage apertient à l’avesque de Roudés. Or, le capitaine Moreu estant adverti du faict, lequel estoibt guouverneur dudit Milhau, il i ala, avec deus o trois compaignies de gendarmerie, avec dus gros mosquets, mais ne i peürent entrer. Toutesfois, dens ledit vilatge en i eust de blessés, desquels ledit Seint-Genieis en feüst un des blessés. Dont, seuls dedens, perdoient queur, vous asseürant que ils i fussent entrés si ne feust mossur de Mostuégols et son frère, qu’estoient cosins dudit Seint-Geniès, les priarent, ledit Moreau, de s’en aler ; joinct aussi qu'il en receüt corruption, come le bruit estoibt tel, come est à présumer : car ledit Moreu estoibt homme affamé, lequel estoibt aussin homme couvart, tellement qu'il s’en ala avec les compaignies, desquels en i eüst x blécés et 11 de morts. Dont, ne demeura devant que dus nuits et un jorn.

497. — La compagnie du capitaine Moreau reçoit l'ordre de se rendre au camp de Montgomery (20 juillef). — Le 20 dudit mois, les compaignies, qu'estoient veneües avec le guouverneur Moreu, feürent mandés per le mandement de mossur de Monguonmeri, dit Lorge *, per s’en venir droict al camp,