MILLAU ET LES GARNISOYS VOISINES

avoict faict ruiner son chasteau. ! Dont, ledit Saliès entra audit Compierre, le sabmedi ; et le digmenche, ils comensérent de bastir et trevalher, nuict et jorn, avec abondance de maçons et force populace. Et cant ïls feürent renforcés, ils leisarent dedens guarnisons, lesquels lur faisoient mille ennuits et facheries ; nonobstant qu'ils fussent touts papistes, si esse qu’ils traictoient fort rudement les abitans dudit Compierre, et mesmement aux femes : car cant ils n’en povoient joir, les tormentoient à force de coups jusques à la mort, tellement qu'il i eüst de femmes que en moreüent o de coups o de facheries ; de sorte qu'ils estoient desontés comme de bestes : car les eussiès veüs aler per les rues tenens leur nateüre honteuse aus mains, de sorte que la chose estoibt abomminable à Dieu et aus hommes.

493. — Les habilants de Millau demandent du secours aux Vicomtes. — Escarmouches contre les garnisons voisines (juin). — Or Milhau, en ce temps, se voiant traictés si rudement de touts les environs — car n'i avoict ville ni vilatge, tant fust petit ou grant, que ne fussent bandés contre ladite ville — de faict, ladite ville assembla tout le corps de la ville per résouldre coment l'on se doit guoverner per la saulveguarde de la présent ville, joinct aussi que de Roudés sont sortis avec le canon. De faict, fust conclu et aresté que d’autant que les biscontes ne avoient poinci marché au camp des Princes 2, que l’on leur manderoiïibt homme exprès per nous donner secours, d'autant que la ville est environnée de nous ennemix Papistes. Tellement que lesdits biscontes estans advertis, incontinent sens délai, furent prests à partir avec lurs compaignies. De faict, serteins abitans de Milhau, remplis

2. Sur les Vicomtes, v. p. 82, note 1. — Aprés la batuille de Jarnac, les Religionnaires de Languedoc commandés par les Vicomtes firent plusieurs tentatives pour rejoindre le cnmp des Princes, mais ils finirent par abandonner cette entreprise et continuèrent d'occuper le Montalbanais, le pays de Castres et le Quercy, sous les ordres de Foucault de Gontaut,s. de Biron. Hist, de Lan- Quedoc, XI, 517-519: Courteault, 525-526 ; La Popelinière, II, 151 et suiv.

d’avarissie, ne soi socient de la perde des abitans, tornèrent renvoier ausdits biscontes disent qu’il n’i avoict lieu qu’ils se pennassent plus per venir à Milhau, car l'ennemi s'est retiré, avec le canon, dens Roudés ; vous assurant que seste chicheté costa beucoup de corps des habitans * de Milhau; tellement qu'il ne passoibt jorn qu'il n'i eüst scaramosches per les Papistes, contre la ville. Dont, les grevoient fort; de sorte que il i avoict jorn qu’il i avoict iii. ou. iii. scaramosches, tant de Compierre, Creissels, Pierrelade, Seinct-Bausille, Sainct-Genieis 1 et autres lieus sirconvoisins ; lesquels ne laissoient jamais en repaus ladite ville ; de sorte que jamais ne se balhoibt scaramosches que d’une part ou d'autre n’i eùst de murtris et blessés ; mais à la vérité, les Papistes en aportoient les coups, non point que de Milhau en fussent exents.

494. — Les Papistes assiègent Cantobre ; ils sont mis en fuite par les Huguenots (30 juin). — Le dernier jorn du mois de juin, les Papistes assigèrent le fort de Cantobre, que per lors la Religon tenoibt ; telement que les Papistes, jornelement, faisoient grants eforts per entrer dedens. Dont, seuls du fort se défendoient vallemment, en faisant murtres jornellement. De faict, ils mandarent à Milbau que l’on leur mandesse secours, car les Papistes les tenoibt assiégés. Dont, ledict Milhau lur manda per leur secours 80 homes, tant à pié que à chival. Mosseür de Beaufort aussi vint d'autre part, avec seus de Mairueis?, de sorte que touts se adjoindrent avec seus de Milhau, à demie ou environ de lieue dudict fort. Or, les Papistes les aïant descoverts, incontinent et sens délai, se misrent en fuicte et se misrent en desroute et quictarent la plasse, laissans lurs armes, tant corselès, morions, arquebouses et autre sorte d'armes, la plus part ; de sorte que les femes sortirent dudit Cantobre voient l'ennemi que fuioibt et les prindrent tout, et des vivres aussi, que en i avoict abondentement, aussi force