ÉTATS DE VILLEFRANCHE ET DE RODEZ

299. — « Estats tenus à Villefranche et Roudés » (janvier). — En ce dit mois, 1574, à Villefranche-de-Rouergue, apelèrent ungs estats per ledit païs, entre les Papistes. Or, eslans teneüs, la nosblesse de Rouergue, Papistes, firent, à Roudés, uns autres estats particullers, lesquels se assemblérent dens l'évesché. Or, aïant discoreü de plusieurs néguosses, mossur de l’Estang comensa à discorir son arengue disent voirement : « C'est chose pitieuse à voir que nous ne puissions mectre quelque fin à ces Uguenaus, per lesquels nous voions ce roïaume en trobles, veù que ce sont gens de peu de valeur, mécaniques ; joinct aussi que ne sont que une poignée de gens et peu de nombre et sens moiïen. Or donques, Messieurs, puisqu'il est einci que le Roi s’en veult faire creindre et en veult faire une fin, donques per ceste cause, il est besoin nécesairement que chescun de nous se mecte à son devoir per aider et secourir à Sa Magesté per touts moiïens, per exterminer ceste gent. » Telement que per ce faict, ledit de l’Estang fist incontinent promesse per ladite cause de setse cens bales, tant per grosses piesses que petites, comme la necesité le requerra. — J{em, mossur de Bonneval 1 presenta trois cens harcabosiers, païés per six mois, per le servisse du roi à ladicte cause. — Jitem, les gens de l'Esglise romaine promisrent de faire se que ïls avoient promis et encores plus qu'ils n'ont dict beucoup devantage. — Jlem, le tiers estats promist selon la puissence du peubple de faire son devoir sens spargner rien. — Îlem, mossur de Vesin eslant en l'assemblée sens jamais dire mot, se pensent bien qu'il seroipt des empreunctès aussi bien comme un des autres, comme lui estant un gentilhomme des grans come l’on le présumoict, non point per ses grans reveneüs, car il avoict enguatgé la plus part de ses rentes et reveneüs, joinct que se qu’il avoict guaigné estoibt tout veneü des larsins de la guerre ou trhaïsons, comme en plusieurs articles apert ; joinct * qu'il craignoit de despendre se qu'il avoict desrobé aus tro-

1. Jacques de Castelnau de Calmont. Affre, Dictionnaire..., 52.

* Fol, 123 vo

bles pacés; de faict, estant son rang à desduire ses raisons, dist et propose devant l’assemblée qu’il a grant désir de veoir un repaus public et desrompre le désir de ces Uguenaus, trobleurs de la république de toute la France ; « et comme einsi soipt que je demeure chès moi sens faire semblant de rien, si esse que j'ai une chose en mein, laquelle je veus parfaire secretement, qu'est de grant conséquence et aprofitable non tant sulement en ceste province, mais aussi à tout le païs de la Guienne, laquele chose je ne puis faire sans grant fraix et despence. Tellement que aïant concleü ledict afaire, je me mectrai à mon devoir de faire comme un dels autres. » De faict, la compaignie coneüt bien et entendit que ce que ledit Vesin disoipt estoibt contre Milhau. Tellement que plusieurs lui promisrent de lui aider et secourir et, avec serement, faire leur devoir, se promectens de entrer dedens à corps perdeü. De faict, la compaignie feurent countens.

300. — « Le baron de Montagut murtri ». — En ce temps mesmes, le baron de Montagut feüst murtri mesmes dens son chasteau 1, per ses serviteurs. Il estoibt homme malicieus, plein d’ambition, car despuis les trobles seguons, il ne s’estoipt enploïé en aucune sorte per le faict de la Religon. Tellement qu’estans dedens, sortirent sa feme dehors le chasteau. De faict, estans maistres, ils donnèrent deus cens scuts à la guarnison de Seincte- Frique afin qu’ils ne fussent molestés, car ce dit baron possedoibt grant avoir.

304. — Prise de Cassagnes (27 février). — Le pénultime de février 1574, Cassaignes 2 fust prins per seus de la Religon. De faict, incontinent i misrent un ministre. Dont, l’on i preschoibt l'Evangille et ce fut mossur de Ri-

1. Comm. de Gissac (2?) arr. de Saint-Affrique. — EL. de Pérussis, Hist. des Guerres..., 159 (d'Aubais, D) : « Le sieur de Montagut en Roucrgue fut tué dans son château avec sa femme, par ceux qu'il nourrissait. »

2. Arr. de Rodez, — Cf. Arch. comm. de Millau, EE 75 (1* invent.), fol. 8.