LES RÉFORMÉS CHASSÉS DE TOULOUSE

bes et Du Ram ; tellement que ils tuarent touts les prestres que trevérent dedens et plusieurs habitans.

302. — Les consuls de Millau font percer les maisons voisines des muralhes (2 février). — Le seguont du mois de février, 1574, les consuls de Milhau firent pertuiser les maisons de la ville joignentes contre la muralhe de la ville, afin de veoir les muralhes.

803: — Saint-Beauzély pris par les Papistes (13 février). — * Le 13 dudict mois, Seint-Bauséli, fust prins per les Papistes, estant chef le cappitaine Brinel, lesquels entrèrent per un petit pertuis dens le chasteau, sens jamais estre descouverts de personne. Dont, trovèrent seuls du chasteau dens le lict. Ils ne tuarent personne. Verai est qu'ils firent prisonnier Combeles, guoverneur dudit casteau ; il fust pilhé tout son bien, lequel eschappa avec renson; vous assurant qu'il en estoipt cause, car nonobstant qu'il levoict sus toute la terre boletes per 25 soldats, il n'en tenoipt que quelque sept: qu'est la cause que l'avaricie soventes fois faict perdre les hommes.

304. — « Trhaïson à Madières » (10 mars). — Le x de mars 1574, le capitaine Varalhe il eüst intelligence à Madières, près du Viguan, avec quelques habitants dudit lieu. De faict, ledit Varalhe, Papiste, homme cruel, se mist à son devoir de entrer par escalade, tellement que seuls de Madières estans advertis, se tindrent en leurs guarde, de sorte qu'ils tuèrent des gens de Varalhe environ carante et plusieurs de blecés ; et si n’entrèrent pas.

805. — a Seuls de la Religon sorlis de Tolose » (mars). — En ce dit mois de mars, à Tholose, sortirent hor de la ville touts ceuls que avoient estés de la Religon, s’estens révoltés ; mais nonobstant qu’ils ficent profecion de Papisme, ils les dobtoient et ne s’en fioient pas et lur femme aussi et aussi les femmes de ceus qu'’estoient de la Religon, fugifs ,et per peu que un homme feüst soubsonné de la Religon, lui et sa feme falloipt qu’ils s’en alassent. Per lors,

ils ne tuèrent ni batirent, * Fol. 124 r°.

306. — « Le chasteau de Lusignan prins ». — En ce mesmes temps, le chasteau de Lusignan fust prins per ceus de la Religon, per finece. De faict, estans assemblés 20 hommes, fesant semblant de chasser deus larrons, aïant intelligence avec deus hommes de lur compaignie. Or, de faict, ces deus hommes s’en alèrent au vilage comme s'ils voloient banqueter, de sorte que estans au lugis, la troupe vindrent. Dont, les firent prisonniers, tellement que les aïaut estachés bien extroictement, ils les menérent au chasteau disent au capitaine : « Mossur, comme estant guoverneur en ce pais vous nous devés juslicie, vous priant que d'autant que nous avons treuvés ces deus briguans, les bien * et extroictement (les) guarder, car les avons persuivis jusques ici, les quels vous ballons en guarde ; mais d'autant qu'il en i a encores deus autres, compaignons de ceux-ci, que sont en fuicte, nous vous requérons de nous baller aide et faveur et secours per les apréhander, car per la persuicte que nous lur avons balhé de bien près, ils sount bien lacés, lesquels seront bien tost prins, mais avant que ce faire, mectons seuls-ici plus tost dedens, bien extroictement, et puis les suivrons ». Or, ce cappilaine ne pensant pas à leur reüse, il les mist touts dedens ; tellement que incontinent qu'ils furent dedens, ils se rendirent tousts maistres dudict chasteau. Ils destachèrent les prisonniers. De faict, ils sortirent le cappitaine dehors le chasteau. C’est un chasteau bien fort, dens lequel estoibt toute l’artilherie et canons, qu’estoient devant La Rouchèle 1.

307. — « Bergerac prins ». — En ce mesmes tems, le jorn de Caresme entrent, que les ventres saouls font la principalle feste de houche de toute l’année 2, seus de la Religon estant masqués faisant le fou, avec taborizs,

1. Lusignan fut pris la nuit du mardi gras (24 février). Brisson, Chroniques Fontenaisiennes, 241; d'Aubigné, IV, 311.

2. La Nouc avait décidée la prise d'armes pour le mardi gras « qu'on cstimoit, comme l'effect le prouva, propre, à cause des desbauches qui se font le soir ». D'Aubjgné, IV, 218; de ‘Thou, VII, 44. — Les principaux historiens du temps ne disent rien de la prise de Bergerac.

* Fol. 124 vo,