LE ROI DE NAVARRE PRISONNIER

le camp demeura à seus de la Religon ; tellement qu'ils entrèrent soubs le clocher, mais quelque défence qu'ils fices, furent costreints de soi rendre, lesquels furent tous mis au trenchant de l’espée. La putain dudit Varalhe estoipt dedens. De faict, este-làa fust niée dens la rivière, un frère dudit Varalhe lui copèrent les aurelhes. Dont,.incontinent, le pendirent tout vif. Este-là que avoict trhaï ledit lieu le trevèrent mort al plus aut du clocher, que fust le premier que tuèrent per le premier coup d’erquebosade que fust lachée. Il i eüst de murtris, de soldats dudit Varalhe, carante sept ; l’on fist prisonnier un mossur de Calluc, compaignon dudit Varalhe, mais avant qu'eschaper falheüt que randise al dit vilage ou habitans tout ce que leur avoict esté volé 1,

313. — « À Lion pleut sang » (avril). — " En ce mois d’apvril 1574, dens Lion, il pleust grosses guotes de sang pur, puis après pleüst fort aue meslée avec sang. Mais à Lion les uns prenoient sela per une chose veneüe à l'aventure ; plusieurs autres en furent fachés, disent que s’estoibt un miracle, perce que dens ladite ville avoient respendu beaucoup de sang ignosent des gens de la Religon, cruellement, comme trovarés à l’article des massacres de Lion.

314. — Les politiques assemblés. Le roi de Navarre prisonnier. — Notés que en ce dict temps, touts les Poliliques estants assemblés per demostrer au Roi qu'ils n'estoient pas assemblés per nuire à lui ni au roiaulme, mais qu'ils cstoient assemblés per lui baller faveur, aide et secours, protestant qu’ils ne faisoient per autre moïen sinon per mectre ledit roiaulme en paix, « vous requérant justicie contre les estrangers que vous avés en vesire maison, les quels sont cause des trobles que sont en vostre roïaulme per les cruels massacres qu'ils ont commis et perpelrés dens vostre maison ; lesquels guovernent maleureusement la maison ct consels du roi, qu'est cause qu'ils se sont

1. Arch. conun. de Millau, CC 466 (1 invent.), fol. 328 (21 avril). — N° 298. * Fol. 126 ve.

mis dens ledit roialme, non poinct per le profit d’isselui, sinon per le ruiner et soi enrichir, come de tout temps ils on faict, et les domestiques de la couronne en sont chassés, comme l'on peult veoir et tocher à la main, come je vous puis asseürer qu'ils lui firent de belles et notables remonstrances, de sorte que le Roi ne feüst pas per sela milheur. Tellement que ce dit Roi fust plus endurci, car il fist come Faraon: d'autant plus Moïse le admonnestoibt de laiser aler le puple de Dieu, tant plus il affligeoit plus fort ; tellement que se Roi fust si indigne qu'il fist faire nouveus massacres en aucuns lieus ; de sorte que, incontinent, il fist faire prisonnier le roi de Navarre et le duc d’Alanson son frère, mossur de Monmorenci et le meréchal de Coussé. De faict, le Roi s’en ala avec les prisonniers au bois de Vinsenne, lequel doubla sa sauveguarde ct rière-guarde 1.

315. — « Suile contre le prince de Condé. » — * En ledit temps, le Roi voiant qu'il avoict affaire avec pleusieurs autres, les quels ils ne tenoipt pas encores comme à sa volenté il voldroit bien faire, de faict, il manda en Picardie, en poste, aus eschevins de la ville là ont se tenoipt le prince Condé, en son guovernement ; de sorte que ledit prince vit la poste que venoipt, lui se jouent avec ses gentilshommes dehors la ville, à la raquete. De faict, il dist aus postes : « ['a-t-il ren pour moi ? — Nenni, Mossur, sinon aus eschevins de la ville. » Tellement que ils se assemblèrent incontinent per entrer en conselh per résoldre du conteneü du mandement. De faict, le prince feust averti secretement que le roi avoict mandé aus eschevins de la ville de le faire prisonnier, avec bonnes et sures guardes ; de sorte que incontinent, ledit prince

1. La cour s'était réfugiée à Vincennes le 26 mars. Le duc d'Alençon et le roi de Navarre après avoir subi un interrogatoire (13 et 24 avril) furent étroitcment surveillés. Montmorenci, frère de Damville, et le maréchal de Cosse apparenté aux Montmorenci, furent arrêtés et enfermés à la Bastille (4 mai). D'Aubigné IV, 231 et suiv. ; de Thou, VIT, 50 et suiv.; Letires missives de Henri IV, 1, G0 et suiv.; .fém. de l'Estat de Fr..., 111, 296,

* Fol. 127 ro,