MORT DU FILS DU ROI D'ESPAGNE

314. — « Le fils au roi Filipe d'Ispaigne, per arrest, empoisonné ». —* Notés que en ce temps, de grans cruautés en toutes sortes s'exersoient per toute la Guaule, voire en Spaigne, faisoient de grans percéculions contre seuls de la Religon. Tellement que le roi Philippe d'Espaigne avoict un enfant nommé seignor Dan Johan, lequel enfent estoibt aprins et enseigné per un François de naturel, lequel on nommoict mossur Lafon, qu'estoibt un des savants hommes de l’Europe per lors ; lequel fust prisonnier, mais il schapa, car quelque cardinal d’Espaigne le fist eschaper, per la siense qu'il avoict. Or, ledict Filipe sachant comme estant adverti que son dict ffils| esloibt réalement de la Religon réformée, non le povent destorner per aulcun moïen, il fist faire prisonnier avec bonnes et sures guardes. De faict, aïant faict enquérir diligement contre son dit fis, de sorte que voïant qu'il ne povoit le faire morir per la main d’un exécuteur de aulte justicie, sens grant désonneur du roi, il [le] fist compdanner per le cours de justicie, à estre enpoisonné ; lequel arrest lui fust prononcé ; tellement qu’il beüst le poison comme un paure rée. De faict, ce dict Dan Johan estant dens son lict, malade, estant près de la mort, car le venin du poeison le tenoict de près et le picoit, le roi Filipe, son père, le vint voir, entendent qu’il s'en aloipt morir. Selui que le servoict dict : « Voilà le Roi, vostre père, que vous vient veoir. » De faict come ledict roi mectoit le pied à la chambre, il respondoit à selui que lui avoict dict: « Voila vostre père le Roï ! » l'enfant dist à haulte voix : « Non point mon père, oui bien mon roi », récitant la seinteté de l’Escripture disent que : si l’enfent deinende du pain, le père ne lui ballera pas une pierre, et que s’il lui demande du peisson, ne lui ballera pas un serpent ; aussi si l'enfent demande à son père à boire, sera le père si cruel que lui balhe de poison ? » Tellement que incontinent que l'enfant vict ledit roi, l’enfent tourna son visatge vers la paroi et rendit incontinent l'esperit à Dieu. De sorte que ce dit roi voloit faire morir le maistre dudict enfent ; mais un cardinal Spaigno]l le lui demanda et le lui donna,

* Fol. 125 vo.

lequel schappa du danger ; car je l’ai veü despuis en sà, à Milhau 1.

312. — « Varalhe assigé » (6 avril). — * Le 6 de apvril 1574, le cappitaine Varalle s’en estant sorti, un jorn, de Senct- Jehan-du-Bruelh, car il l’avoict prins per trhaïson ; or, estant alé en quelque part per faire quelque butin, pendant sela le cappitaine Guasquet s’enbuscha avec ses gens dens les faus-bourcx dudict Seinct-Jehan secrétement ; de sorte que ledit Varalhe venant joïieusement avec le butin qu’il avoict faict, incontinent ledit Guasquet lui donna dessus Varalhe, de sorte que lui tua de ces gens estant meslés pesle-mesle, 22 ; de sorte que ledit Guasquet lui aïant tué une partie des soldats dudit Varalhe, lui print son baguatge et ces chevaus ; mais ledit Varalhe se salva dens le fort et se mist dens le temple que en avoict faict une sitadelle, là ont lui et ces soldats se tenoient et touts vivres et munitions ; de sorte que incontinent ledit Guasquet le assiga, ensemble tout le paiïs dels environs. De faict, ils mandèrent à Milhau que l’on leur mandasse secours. De faict, Milhau leur manda cent arcabossiers avec munitions de guerre. Mosseür de Beaufort s’i treva, mossur de Gramien aussi et plusieurs cappitaines de la Religon, que furent en tout mille arcahosiers, sens les hommes à chival que batoient l'estrade. Or, estant ledit Varalhe assigé, deus jorns après, le queur leur comensa de falhir, tellement que per pleusieurs fois s’essaïèrent de sortir à corps perdu. Mais touts les soldats ne le volsirent pas suivre. De faict, un soir il eschapa per un pertuis qu'’estoibt au font de la tour de la sitadelle, qu'estoibt noir et plevoit ; lequel se salva per une trenché et se rendit dens la rivière, laquelle passa et laissa son corselet au bort de la rivière. Mais touts les soldats demeurèrent dens ledit fort, de sorte que

1. Le récit rapporté par les Mémoires est en grande partie inexact. Don Carlos mourut peut-être empoisonné, mais Philippe II le fit enfermer pour mettre fin aux extravagances de son fils et soustraire ses immenses états à la domination d’un fou et il refusa de revoir son fils. H. Forneron, Jist. de Philippe II, 11, 103-128,

* Fol. 126 re.