PRISE DU CHATEAU DE TAURINES

chose estoipt faulce, car lui et ces compaignons l'avoient faict per anbition el un profit particulher et per le conseilh d’un nommé Le Rein, estant sergent de la compaignie ; tellement que ledict Le Rein se penca que ce fort seroipl bon per lui; de sorte que le 22 de juin 1574, le susdit Conducher s’en estant alé jusques non guières loin, tellement que en son retorn, que ledit Conducher voloipt entrer, le susdit Rein dist qu’il n'entreroipt poinct et qu'il se retiresse ; de Ja sorte que mossur d’Arpajon entendent que ce fort de Compierre estoibt en division et que ledit Le Rein estoipt jà prest à se révolter et qu'il le voloipt rendre entre les mains de Belhargua, ledit seigneur d'Arpajon si trensporta, comme estant guoverneur, per la Religon, de la Haute-Marche. De faict, ledict d’Arpajon sortist Le Rein dudict Compierre, tellement qu'il se révolta, lui e quelque quinsaine de soldats avec lui; car voiant qu'il ne peült venir en son enprinse, il se retira avec Belhargua, à Pierrelade, soldats soubs l’obéiscence dudit Belhargua ; de sorte qu'ils firent mille extortions, despuis, à Milhau et à Compierre. Dont, il i en avoict d'atjoints des enfens dudit Milhau, lesquels ne vesquirent pas guières après, car furent murtris.

328. — « Le chasleau de Taurines assigé et prins» (juin). — * En ce dict mois de juin, sus la fin, les Papistes de Rouergue se assemblarent environ de catre mille hommes. De faict, ils s'en vindrent per assiger le chasteau de Taurines 1, fort chasteau, car le seigneur dudit chasteau en son vivent l'avoict forlifié, car despuis il moreüt per Ja Religon, au camp des princes, à Dreus ; de sorle que dens ledit chasteau, ne i avoict que huict soldats, la domaisele et un enfent et chambrières ; car per avant en i avoict 16 ou 18, mais s'en estoient alés. De faict, ledict chasteau feüst batu de six coups de canon; tellement que aïant faicte berche, ils donèrent l'assaul ; tellement que ces huict soldats se défendirent valhemment, de sorte