Canton de Cassagnes, arr. de Rodez

* Fol. 130 ve.

qu'ils en tuèrent 15 des assigens, entre lesquels i avoict 4 grans seigneurs ; et si en i eüst de blecés abondement, et des huict soldats en i eüst 2 de blecés ; tellement que les autres six se défendirent très bien, non poinct que en (?) la fin, la force des Papistes entrèrent dedens, de sorte qu'ils copèrent la guorge à cinq soldats et l'autre, qu'estoibt de Milhau, fut mené à Roudés prisonnier et la demaiselle du chasteau et son enfant. De faict, pillèrent ledict chasteau, incontinent, i misrent le feu.

329. — « Les Ribes du Cailar prins » (2 juillet). — Le 2 de julhet 1574, les Ribes, près du Cailar 1, fust prins per seuls de la Religon per escalade; de sorte qu’il n'i eüst que catre dels habitans des Ribes et nul des assallans. De piller le lieu je ne vous en dirai rien, vous asseürant que en ce pais, ne iavoict plus gran briguandage qu'en selui lieu, tellement que lur fin feüst aussi malvaise.

330. — « Estats de ruine à Millau » (15 juillet). — Le 15 dudit mois, la nosblesse du Rouergue tindrent uns estats particullers à Milhau, touts faits per la ruine du pays et de Milhau, car voloient que la ville leur contribuesse, selon lur apetit, sertaine somme ; tellement qu'il i eùst grans disputes, tant per le proie (?) de Milhau que per autres choses ; de sorte que paillardise guoverna l’action per le profit de deux habitans de Milhau, car ces deus personnages se particularisèrent fort contre l’Esglise et toute la ville ; tellement que per le guaing de ceste cause, ils mostrèrent un insturmen faulx ; et cant l'on leur dist de coi la ville norriroipt les ministres, ils respondirent qu'ils ficent comme porroient ; comme je vous ai dict, l’exès feüst guaigné ?.