SIÈGE DE SAINT-LÉONS
ne i voloit consentir ni aussi pleusieurs soldats, lesquels avoient faict estat de se bien défendre. Or donc, voiant ledict Guodal et un Maurisse et un Daurelli, lesquels ses trois voiant qu'ils ne se voloient rendre, se Guodal dist : « Si ferai bien moi,et si la plus part des soldats me suivront. » Tellement, [que] incontinent que se traistre Guodal eüst dist sela, touts les soldats d’un coup perdirent coeur, de sorte que vous ussiés dict qu'ils estoient morts, comme, à la vérité dire, ils l’estoient aussin : car se voiïants estre si maleureusement trhaïs de leurs compaignons mesmes, sela leur estoit un crévement de cœur. Bien est verai qu’il en i avoit quelques doutse que ne consentoient pas * à se rendre ; et mesmes se bon home vieus que s’estoit accompaigné avecque eus, lequel feüst fort regreté per seuls que l’avoient coneü, car il disoit tousjorns qu'il ne i avoit point de foi en la promesse de son enemi, veü qu'ils sont Papistes, come aussi d’ensieneté ils ne ont jamais teneüe la foi promise.
De faict, ils se misrent à composition entre leur enemi, q'estoient per chef al dict camp : mossur de Cailus, séneschal de Rouergue, le marquis de Canillac, mossur de Fraisinet, mossur de Vesin, le traistre, toute Ja noblesse Papistes du Rouergue, Bellargua, fils d'un prestre, estans du nombre de deus mille sinc cens ou environ, tant à pié que à chival. De faict, estans entrés en parlement, ils acordèrent que touts soldats et autres estans dans le fort ils sortiroient à vies et bagues salves, portans lurs armes et laisseroient la plasse vuide, e que ledict marquis de Canillac les accompagneroit jusques aux faux bourcs de Millau, avec toute asseürence, dens lequel accord iestoient sisnés : ledict séneschal, Canillac, Vesin, Fraissinet, Bellargua et autres jusques al nombre de 21 ou 22 gentilshomes traistres ou cappitaines papistes. Or, estans sortis dudict Seinct-Lions, le 29 septembre au matin 1, à la salveguarde dudict Canillac. De faict, ledict
1. « ... Je me crains que M. le comte de Caylus ne puisse revenir de part de çà qu'il n'ait exécuté son entreprise, comme il a commencé à Saint-Léons, lequel il print hier matin ; et on a taillé en pièces 80 hommes qu'estoient de-
* Fol. 184 ve,
Vesin print l’espieut du capitaine Santus, puis devarisèrent les soldats l’un après l’autre, leur dostant leurs armes. Ce capitaine Santus voiant sela, il leur dist : « Se nest pas la promesse que vous nous avés faicte ! » Tellement que incontinent, touts les Papistes en blasfemant criérent touts : « Tue, tue tout! » De faict, ledict Canillac voient que l'ons avoit rompeü la foi promise, il en tua un o deus Papistes. Dont, il s’en ala tout despité. Mais sependent à mossur de Vesin la coulpe sus lui fust comise, comine estant auteur accostumier de trhaïsons de tout temps, et sus touts les autres, comme estans adérens à lui.
* Or voiant, ledict marquis, que l’on avoit rompu la foi promise, se sentent grevé des murtres faits per trhaïson, que en 1 avoit catre vints o sent, tant dels habitans dudict lieu que aussi des autres, saulf le traistre Guodal, lequel se révolta incontinent, de sorte que ledict marquis, du gran despict qu’il en estoit faché, il s'en ala tout en colère et Iur dict, en jurant, que tant qu'il vi. vroit, il ne donneroit aide ni secours à ces meschans traistres de Rouvergue. Telement que en s'en alant, il saquagoit, il pilloit, il frapoit les Papistes et brusloit les maisons des Papistes ; de sorte que, en un vilatge, à la Montaigne, nommé Cossergues !, ils i firent beaucoup de mauls, car tant de femes et de filles que treuvèrent, ces gens aviolèrent tout et en autres lieus aussi. Vous assurant que si ledict Seint-Lions eüst teneù bon se jorn et le soir, ils avoient le secours bien près: car à Seinct- Bausille, i avoit desjà de remassés de 6 à 7 cens hommes, tant à pié que à chival, et tousgorn les forces se remassoient, q'estoient environ de 12 à 15 cens hommes 2. Dont, là se demonstra la couvardise du général du pais, perce que son beau père, séneschal de Rouergue, i estoit, al dict camp, avec les Papistes.
dens, » Lettre de Mad. de Cavlus à J. de Saint-Sulpice, 29 sept, de Privezac. Cabié, 629. — La date donnée par le Journal de Faurin (20 sept) est certainement erronée (Journal, 18, d'Aubais, I). - Cf. de Gaujal, IE, 446, 447,
