SIÈGE DE L’ISLE-JOURDAIN

Après, tout le monde se retira, chescun en sa guarnison, le dernier septembre 1580. Vous assurant que per se coup, il costa à Millau plus de 1500 scuts, et sens rien fère. De faict, les Papistes aiant pillé et sacagé, ils misrent le fu en plusieurs maisons de la Keligon et rasérent les forts, tout en un monseau, et puis s'en alèrent; vous assurant que se mal vint el dict Seinct-Lions per un juste gugement de Dieu. Car en premier lieu ils ne faisoient poinct l’exerssice de la Religon crestienne, mais entretenoient la pure idolatrie ; les soldats estoient de briguans, ils maintenoient pallardise de joueurs, blasfemateurs, telement que non sulement desroboient leurs contraires, mais aussi à seuls de la Religon mesmes. Mais tel le maistre, tel est le varlet.

544. — « Siège devant l'Isle-en-Gordan » (oclobre). — * En ce mois de ouctoubre 1580, entre les Papistes et habitans de Tolose et mossieur de Biron 1, lieutenant du roi de Navarre, aussi Papiste, se asemblèrent per déterminer la exécution d'autre arrest et conclusion qu'ils avoient faicle entre euls, qu'est qu'en ce dict mois, ils assigeroient l'Isle-en-Gordan ?, catre lieues delà Tolose, en Aquitaine, et aussi Montesquieu, en Lauraguois, sus le grant chemin françois, aussi 4 lieues de Tolose, toutes deus en un coup, toutes deus de la Religon. Tellement qu'il feüst faict einci. Mais seus de Tolose aïant promis al dict Biron lui envoiïer forces per lui secourir et se trover al dict siège de l'Isle, il n’en firent rien. Or, estant ledict Biron devant l'Ile avec son camp, de sorte que seuls de l'Isle feirent une sortie en tele furie, qu'ils misrent le camp dudict Biron en desroute et si en desfirent une bonne partie, en telle faisson, que ledict Biron se saulva de vistesse, lui dotzesme, vous asseürant qu'il i eüust une grant oxision. De faict, le camp que estoit