Peyrelade

* Fol, 188 ve.

gent, afin de vous accorder avec eus. » Tellement que incontinent qu'ils furent dedens, ils furent bien trossés et extroictement garroutés. Dont, ils voloient avoir les soldats l’un après l’autre, per avoir le fort; mais il i eüst un laquei que avec finesse avertit les soldats. Dont, sens sela, ils estoient touts morts et le fort prins. Telement que la chose estant descoverte, ce dict Bellargua en mena les prisonniers à Compierre et tua le sergent, nominé Rispet, per les chemins. Ceci fust faict le 24 septembre 1580.

523. — « Le capdet de Couns prisonier ». — * Or, après que ledict Bellargua tint prisonnier ledict Genieis, avant qu'il le volsist faire morir, il se pensa de plustost aler parler avec mossur de Vesin, comme guoverneur du pais de Rouergue per les Papistes, qu’il en devoit faire. De faict, estant en chemin aus environs de Veirieires, le capitaine Rescalon, de Millau, le rencontra ; tellement que de grant furie lui donna dessus ; de sorte que ledict Bellargua se mist en desroute et en fuicte. Dont, laissa le chival et se sauva dens un bois, mussé 1 tout le jorn entremi les ronces, sens que jamais l’on le pust trover, sinon son cheval, que fust vendu 7 cens scuts. Le capdet de Cons fust prisonnier per eslargir Genieis et un o deus tués, car tout le reste, en fuiïant, se saulva.

524. — « La paix pupliée » (4 el 7 janvier). — Le second de janvier 1581, le pausement des armes fust aporté aus consuls de Millau per le puplier ; lequel avoit esté publié à Tolose, Villefranche et Roudés et autres villes. Mais les consuls de Millau ne .la volsirent publier, per le consentement de plusieurs hahitans, suivent lur advis, lesquels aimoient plus la guerre que la paix. De faict,