CAHORS RENDU AUX CATHOLIQUES

voient la reste du peuple et des plus apparens, que ceste publication ne se fasoit point, tout le corps de la ville se assemblarent et firent apeler lesdicts consuls à la court roïale de Millau, assistans le juge, lieutenant et toute la court. De faict, lesdicts consuls furent requis de puplier le pausement des armes ensuivent le mandement qu'ils en ont receü, avec protestations contre lesdicts consuls, nomméement de touts mals et domages que sen porroit ensuivre et advenir d'ici en avant, adjoint le percureur du roi non consentant point à la retardation de ladicte puplication. Les consuls respondent dirent : que cant à euls, ils l’eussent pupliée, mes suivent le mandement que mossur de Panat leur avoit faict, ils atendoient sa venue. Et fust pupliée ledict 4 dudict mois, au grant mescontentement de plusieurs 1.

* Le 7 jenvier 1581, fust pupliée la paix dens Millau, avec grant solenité, le juge et consuls, sens i avoir aucun comissaire exprès, car fust envoiée per un simple messager, laquelle est imprimée. Vous assurant que touiz ne avoient plaisir d'isselle ; car aus lerrons lur faict un grant mal cant ils ne peuvent piller; joint aussi que les Papistes ne la voloient pas, car ils disoient qu'ils avoient grant avantage sus la Religon et que en peus de jons, ils en eussent la fin aeuüe.

525. — « Caours rendu ». —"*" Après que la puplication de la paix fust faicte, seuls de la Religon et les Papistes rendirent les villes que avoent estés prinses, les uns aus autres, per le faict de guerre, ensuivent les articles de la paix. Seuls de la Religon rendirent Caours, à lur grant regret. Toutesfois ils en emportèrent l'artillerie et misrent les grandes en piesses et aprindrent tout et dévarisérent ladicte ville 2.

1. Sur la publication de la paix de Fleix dans le Midi et en Roucrgue, V. Cabié, 655, 658, 669-670.

2. Lacoste, Ilist. du Quercy, IN, 262; Cabie, 6614, 681; Lettres miss. de Tenri IV,

* Fol. 189 vo. — ** Fol. 190 ro.

526. — « Le capitaine Merle dans Pierrelade » (25 février). — Le 25 de février 1581, un orfèvre de Millau, nommé La Boissière, beaufraire de Genieis, cappitaine de Pierre- Jade, estoit et tenoit ledict fort per ledict Genieis qu’estoit prisonier. Cest Boissière ne se sentent assés fort de tenir ledict fort, le baïlla au capitaine Merle. Car Genieis le lui avoict relanxé o bien vendu avant qu'il fust prisonnier, 6 bien promis. Lequel Merle i entra le susdict jorn, au grant regret dels Papistes et mesmement de Belargua.

527. — « Pierrelade prins per thruïson per Bellargua » (29 avril). — Le 29 apvril 1581, le fort de Pierrelade fust prins per {rhaïson, estans en temps de pais. Mais nonobstant que ledict fort fust inprenable, la trhaïson est plus forte : car le capitaine Merle, per la perservation dudict fort, il i tenoict un soldat auquel il se fioit, avec autres sinc ou six soldats, que comendoit là-dedens, au nom dudict Merle. Lequel, ce dict jorn, balla voie aux soldats. A l’un disi: «a Va-t-en en un tel lieu per faire aporter du bois » ; aux autres, l’aun, sercher des herbes, per faire une aselade, ou du vinaigre, tellement, sens que ce dict cappitaine pensast à la chose que devoit advenir. De faict, pendant sela, cest capitaine, estant sulet, avec un autre soldat, dens ledict fort, or, dens le vilage i avoit un autre soldat, lequel estoit suspect, et ne entroit pas al fort, nommé l'Espaignolet ; ce cappitaine le invita. De faict, ce traistre monta et une grosse chambrieirasse avec ledict traistre. Telleinent, que ledict Epaignolet estant dedens avec Îladicte * chambrieire, se rendirent maistres ; tellement que tuarent ce dict cappitaine et aussin le soldat ; et le reste dels soldats, qu'estoient dehors, furent tués per les païsans. De faict, le fort fust guaigné aus Papistes, car Bellargua avoit esté caché dens de maisons, dens le vilage, per sinc o six jours 1, que les païsans tindrent, come tosjors sont

1. V. n°52. — La prise de Peyrelade fut l'occasion de plaintes assez vives de la part du roi de Navarre, qui pria le s. de Panat, son lieutenant en Roucrgue, d'en écrire au comte de Caylus, sénéchal. « Mais à ce que j'ai pu entendre c'est

* Fol, 190 ve.

1581 PRISE DE RÉQUISTA 457

estés contre la Religon. Tellement qu’estans maistres dudict fort, ce dict Bellargua i mist dedens 6 hommes de ses soldats per le guarder, ce dict fort ; et lur donna toute la despoulle et armes dudict fort. Le capitaine Merle estant adverti du faict, come lui estant prest de renndre Mende, ne le rendist pas après, quel mandement qu’il eüsse, mais tant de gens qu'ifl] trevoit apertenens à mossur de Sainct-[ Vidal], ledict Merle les faisoit morir sans nulle merci.

528. — « Réquesta prins per les Papistes » (5 juin). — En ce mois de juin, 5, 1581, nonobstant que l'on fust en temps de passification, si esse que les chivallès que estoient de la lignée du baron de Berfuelh, stans ou fraires ou cosins, gens papistes et pervers et de malvaise nature en toutes sortes, estans dissolus, ils vindrent à Réquista, et estans dens ledit lieu per susprinse, ils i feïrent de grans maus : car ils ne laissèrent femme ni fille faicte à lur gré qu'ils ne violessent tout et tuèrent quelques 20 ou 25 homes, et du reste, feirent prisonniers. Ils pillèrent ledict lieu et saquagèrent et puis s'en alèrent, al bout de 15 jorns ou un mois ; mais non point qu'ils n’eüssent plustost ranson des vilageois et paiement aussin dels messieurs de Roudés de avoir faict un tel cas comme est este-là 2. Dont, il i eüst trois sojdats

un de la Religion qui l'a pris et puis s'est fait Catholique s'étant rendu cet ne le vouloir bailler au propriélaire, qui prétend étre sien et non au roi de Navarre, » Lettre du comte de Caylus à J. de Saint-Sulpice, 20 mai, Privezac. Cabié, 677-678. — De Gaujal, 11, 448. — La prise de Pevrelade, comme celle de Réquista (v. n° suivant) fut pour les Protestants un prétexte pour ne pas rendre la ville de Mende. (Lettre de l'assemblée de Lunel à Merle, 16 juin). De Pontbriand, 264 (Pièces justificatives).

1. Sur la restitution de Mende, v. ci-dessus, n° 520, p. 452, n. 2.

2. Réquista (arr. de Rodez) aurait été pris le G juin d'après le Journal de Faurin (19, d'Aubais, III). Sur cet événement, v. la lettre des Eglises de Languedoc (16 juin 1581, Lunel) et du roi de Navarre (15 juin, Nérac) au capituine Merle. Le roi de Navarre s'était adressé au duc d'Alençon pour obtenir la restitution de Réquista. De Pontbriand, 266-267, 269; Lettr. miss. de Henri IV, 1, 385 (6 juillet). — Arch. comm. de Millau, CC 450 (° invent.) : M. de la Vacquaresse envoye un porteur pour annoncer la prise de Réquista, ete. ; Arch. comm. de Saint-Affrique, BB 14, fol, 358-359 (9 juillet). « L'on a entendu que les Ca-

papistes lesquels vindrent en la maison d’un soldat de la Religon estant noveau marié. Se compaignon estant surprins de fraïeur, il se mist dessous une coistre d’une cochele basse. De faict, ces soldats estans entrés, ne treuvens point l’homme, ils prindrent la femme et per forsse la volsirent violer * sus ceste cochete, là ont l’homine estoit caché. De faict, cest home se voiant einci deshonoré et sa femme aussi, il se leva dessous la coistre, lellement qu'il print une broche de cuisine, sive aste, qu'il en persa un et le tua ; car se aima plus tost morir que veoir une tele vilenie. De faict, les autres deux le tuèrent et puis feirent à lur volonté de la femme.

529. — Nouvelle publication de la paix (mai-juin-juillet). — Le roi, entendant que beaucoup de dissolutions se faisoient per tout le roiïialme per les complaintes que le roi de Navarre lui en fist, de faict, le roi estant à Blois, il dressa son consel per ceste cause. Dont, il fust conclu et aresté qu'il serait redressés articles per confirmer la paix que avoicl esté per avant pupliée. Lesquels articles furent pupliés al dict Blois, le six de mai, et à Tolose, le 25 ou 26 dudict mois et à Millau, le neufiesme de juin 1581; faisant hinibition et défence à toutes personnes de quelque calité ou condition qu'ils soient, sens aulcune exeption de religon, de ne prendre ni saisir villes, chasteaus ni fortcresses, ni piller ou desrober le peuple, mes que chescun se contienne en toute modestie ; donent authorité à touts séneschaus, juges, bailifs dudict roialme de les prendre et saisir ou les assiger, faisant levée de gendermes, apeler van et rière-van, les persuivre à son de cloche, mener artillerie, si besoin en est, et les mestre tout en piesses 1.

tholiques ont surprins, ces derniers jours, Réquista, en temps de paix, y ayant faict meurtre et pleusieurs autres insolences, viollemens de filles, femmes... »

1. Bibl. nat. n. acq. fr. 7189 (Brienne 207), fol. 518-519 : (Blois, janvier 1581) public. de l'édit de pacification ; Cabié, 673-676 : Déclarat. du roi de Navarre (7 mai); ist. ae la gucrre civile en Languedoc, 30, (d'Aubais, II).

* ol. 191 r°.