PRISE DE PÉRIGUEUX

Ictem, un peu de temps après, à Tolouse, feüst rectifiée et puplié un autre édict et, à Millau, le 28 de jullet, reconfirmant les pacés, fesant hinibition et défense de ne se assembler ni porter armes, confirmant tout se que a esté dict ; et mandement faict à touts perboscs de en faire justicie telle que sera de raison, et que de touts et tels malefices, depuis la première puplication, le roi les a désadvoués et les désadvoue dès à présent ; vous assurant que quelques mandement que le roi fisse ni cries, l’on coneüst jamais que justicie füst exercée, ains le roi connivoit tosjorns en touts affaires.

530. — « Prise de Périgueux par les Papistes » (fin juillet). — * En ce mois de juillet, sus la fin, 1581, les Papistes, per trhaïson, prindrent Peiregues 1, car seuls de la Religon l'avoient prins et le tenoient ; toutesfois le roi de Navarre les avoit accordés, car ils faisoient guarde touts ensemble en la ville, sauf que la Religon tenoient la sitadele. Or, croïés que le jorn susdict, auprès de la sitadelle, les Papistes firent leur enbuscade et deus costuriers vindrent à 1 sitadelle, portans quelques acostremens qu'ils avoient faicts per quelques uns del dict fort. De faict, estans dedens, ils se rendirent maistres de la porte ; tellement que l’embuscade sorlit et entrèrent dens la sitadelle et furent maistres du tout. Il i a d’autres que disent que pendant que la presche se disoit, deus soldats traistres estans dedens le fort, ils misrent dedens les Papistes que estoient bien armés, de sorte que le gouverneur estent à la preche, il, entendent le bruit, i voleüt aler, mais il fust tué et plusieurs habitans de la ville, car ils n’eürent loisir de prendre les armes. Bien est verai que, dels Papistes, en moreüt quelques uns ; toutesfois les Papistes furent maistres du tout. Mais de

1. Périgucux fut surpris pendant la nuit du 26 juillet 1581, par la noblesse de Périgord, aidée des troupes royales. Henri HI, sur la plainte du roi de Navarre, désavoua cet exploit et offrit des compensations. Faurin, Journal, 19, (d'Aubais, III) ; Lettres de Cath. de Médicis. VII, 500, note ; Lettr. miss. de Henri IV, » 378, 394, 397 ; VIII, 207 ; Mémoires de La Huguerye (S. H. F.), 11, 100, note 3, 141, note 1,

sela le roi n’en fist aulcune punition, ains cant les Papistes faisoient quelque chofse]...

534. — Les Réformés surprennent Villeneuve-la-Cremade (août). — Ors, en ce temps, juillet et aous 1581, les puples de la Religon, voient que le roi ne faisoit entretenir ses édits de passification, les puples de la Religon en estoient fachés ; ensemble pleusieur Catholiques, gens de bien et de paix, voient que Sa Majesté ne faisoit aulcunne punition des forfaicts, prinses de villes, forteresses et murtres que jornelement les Papistes cometoient contre seulx de la Religon et avoient fait tout les jorns, despuis la puplicalion d’iceus. De faict, voïant qu'il ne * i avoit point de justicie per ladicte Religon, ains tout ce que les Catholiques faisoient, feüst mal o feust bien, le roi connivoit tousjorns et advouoit, dessoups queue de reinard, tout ce qu’ils faisoient, pleusieurs gens, soldats de la Religion, voient que chesque fois se perdoit un fort tenent per la Religon et aussi des soldats, ils se misrent à leur devoir de en faire autant, per faire condessendre le roi en une perfaicte justicie.

De faict, plusieurs feürent esmeüs de teles choses. Dont, se assemblèrent un nombre non guières grant, au pais de Lenguedoc, de la Religon, en ce temps mesmes, et s’en vindrent un matin à Vile-Neule-la-Cremade , qu'est auprès de Bésiers ; lesquels misrent le feu dans de gerbes de bled, de sorte que les habitans dudict lieu, voient le feu, ils sonnèrent la cloche come l’on faict à un feu. Tellement que de la ville sortirent per esteindre le feu ; de sorte que, avec le bruit de la cloche, sependent que la pluspart dels habitans esloient sortis au feu, l’embusche se leva et ballarent per un autre cousté de la ville l'escalade et entrèrent et furent maïstres ; de sorte que d'un cousté el d'autre i eüst beaucoup de murtres. Bien est verai que dels habitans, il en eüst au double. Aussi, ils prindrent la sitadele. Dont, se rendirent maistres du tout, de sorte qu'ils treuvèrent dedens de 10 à 12 mille cestiers de bled, et de laines une infinité, que les mer-