TESTAMENT DE JEAN MAILLEFER
(Du 16 Décembre 1661)
Ce fut dans l'une des salles basses de sa maison de la rue Saint-Étienne que Jean Maillefer dicta ce testament, au cours d'une longue maladie qu'il contracta à son retour d'un voyage en Hollande, sur la fin de l'année 1660. Cet acte de dernière volonté se trouva annulé par un second testament écrit à Cormontreuil en 1680, et dont nous n'avons pu malheureusement retrouver la minute (1). Celui-ci ne manque pas d'intérêt, et accompagne utilement le tableau généalogique ci-contre, préambule indispensable pour l'intelligence des Mémoires.
Par devant les notaires du Roy nostre Sire, héréditaires au baillag-e de Vermandois demeurants à Reims, fut présent en sa personne honorable homme Jean Maillefer, bourgeois dudict Reims, demourant rue et paroisse Sainct-Estienne, et revestu de ses habits en une chambre basse de la maison en laquelle il demeure, quoy que incomodé de corps, sain d'esprit et d'entendement comme par l'inspection de sa personne et ses paroUes il est apparu auxdits notaires : Considérant la mort estre certaine et l'heure d'icelle incertaine , ne
(1) Voir plus loin, aux pages 70, 74 et 296.
voullant touteffois décedder de ce mortel monde intestat, mais désirant disposer de ses intentions ;
A ces causes, il a faict son testament et ordonnance de dernière volonté en la forme et manière quy ensuit, qu'il veult et entend avoir lieu et sortir son plain et entier efîect, en cassant, révocquant et adnullant tous autres testamens qu'il pouvoit avoir faicts :
Premièrement a recomandé et recomande son âme à Dieu nostre père, créateur, et Jésus Crist son fils, au benoist S' Esprit, à la glorieuse et bien heureuse Vierge Marie et à toute la cour céleste de Paradis, priant le bon Dieu de tout son cœur luy pardonner ses faultes et faire miséricorde, se recomandant aussy à son bon ange gardien, S' Jean Baptiste et l'Évangéliste, et les saincts François de Paul, S' Remy et S'^ Barbe ;
Désire son corps après son trespas estre inhumé et enterré en l'église S' Pierre le Viel près du lieu où sont inhumés ses père et mère; Et au regard des prières, luminaires, funérailles, le sieur Testateur a le tout laissé à la discrétion de dam"" Marie Lefebvre, sa femme, sçachant qu'elle en fera son debvoir;
A donné et légué à la paroisse et fabrique dudict Sainct Pierre dix livres tournois pour estre recomandé aux prières des paroissiens;
A donné et légué à la fabrique de Sainct Estienne sa paroisse la somme de douze livres tournois pour estre pareillement l'âme dudict testateur recomandé aux paroissiens de ladite église;
A donné et légué aux pauvres honteux et nécessiteux de ceste ville de Reims la somme de cent cinquante livres tournois à leur distribuer par congnoissance de cause et aux plus indigens ;
A donné et lég-ué aux révérendz pères Minimes de Reims la somme de vingt livres tournois ;
Veult ledict sieur Testateur ses debtes estre paies et acquittés, sy aucunes il en doibt ;
Item ledict sieur Testateur a dict et déclairé que, le
dernier apvril mil six cens cinquante quatre, dam"*
Marie de Nelle, vivante vefve de Monsieur Dehu, luy
fournit la somme de cincq mil livres tournois pour les
conserver à Jehan Maillefer, filz du sieur Testateur et
de ladicte dam'" Marie Lefebvre, à quy ladicte dam''*
de Nelle en faisoit don comme le sieur Testateur nous a
dict, pour lui estre rendu au temps de son mariage ou
aage de majorité, ou quand il sera parvenu à Testât
ecclésiastique, s'il y estoit appelle de Dieu, avec l'in-
terest au denier vingt, soubz condition néantmoins que
sy ledict Jehan Maillefer, fils dudict s' Testateur et de
ladicte dam'" Lefebvre, déceddoit avant ledict estât de
mariage, que lesdictz cincq mil livres tournois et in-
téretz quy coureront, soyent et appartiennent aux autres
enffans dudict s' Testateur et de ladicte dam"* Marie
Lefebvre, ainsy que ladicte dam"* de Nelle l'a désiré et
fait entendre audict sieur Testateur, comme il nous a
dict, à l'exclusion de François Esly Maillefer, filz du
premier lict dudict Testateur, et lesquels cincq mil livres
tournois et interest le sieur Testateur veult estre rendu
et fourny audict Jean Maillefer son filz, suivant et au
désir de l'intention de ladicte dam"* de Nelle devant
rapporté ;
A aussy ledict sieur Testateur dict et déclairé que ladicte dam"* de Nelle luy a fourny la somme de deux cent vingt livres tournois, pouremploier à l'achapt d'ung bassin d'argent pour bailler à dam"* Anne Maillefer, fille
dudict sieur Testateur le jour de ses espouzailles ; ce que le sieur Testateur veult eslre effectué ;
A pareillement le sieur Testateur déclairé que dam'" Magdelaine Roland sa mère, vefve de honorable homme Charles Maillefer, luy a fourny soixante livres tournois pour estre baillé à Charles Maillefer, filz dudict sieur Testateur, au temps de son mariage ; lequel sieur Testateur a dict et déclairé qu'il recongnoist ladicle dam"" Lefebvre, sa femme, très capable pour gérer et administrer les biens desdicts enffans : c'est pourquoy il désire qu'elle ait la garde bourgeoise de ses dilz enffans, soubz le bon plaisir de messieurs ses parents ;
Item ledict sieur Testateur a dict et déclairé qu'il veult et entend que la part afférente quy poura appartenir par sa succession audict François Hely Maillefer, son filz et de feue dam"" Magdelaine Ravaux, sa première femme, tant en meubles que immeubles, luy tienne lieu de propre et naissant paternel, et à ceste fin que le prix des meubles quy luy escherront soit emploie en achapt dhérilages ou mis à conslifulion de rente par l'advis des parens paternelz dudit François Ilely Maillefer, le décès duquel arrivant sans enffans, ledict sieur Testateur veult et entend que ce quy luy sera escheue comme dict est, tant en meubles que immeubles et revenuz desdictz meubles et immeubles tant escheuz que à escheoir depuis le décès dudict sieur Testateur jusques à celluy dudict François Hely Maillefer, soit et appartienne aux autres enffans dudict si<mr Testateur naiz et à naistre, lesquelz il substitue audict cas audict François Hely Maillefer, et néantmoins ledict François Hesly Maillefer, aiant atteint l'aage de vingt cinq ans, veult et entend ledict sieur Testateur que ses biens quictent leur fiction et retournent à leur véritable nature, raesme que
s'il prend estât de mariage avant le susdict aage de ving-t cinq ans, il en puisse disposer raisonnablement avec advis de ses parens paternels pour ses conventions matrimonialles ; auquel François Hely Maillefer ledit Testateur désire estre pourveu d'ung tuteur dudict costé paternel.
Pour lequel présent testament acompli et mettre à deue et entière exécution de point en point selon sa forme et teneur, ledit Testateur a nommé et esleu pour exécuteur d'icelluy ladicte dam^'" Lefebvre, sa femme, à laquelle il a baillé pouvoir et puissance de ce faire et soubzmis entre ses mains tous ses biens jusques à plein et entier accomplissement d'icelluy, lequel présent testament a esté nommé, dicté et devisé par ledit Testateur auxdictz notaires, et quy luy a esté leu et releu motz après aultres par l'ung desdicts notaires, l'autre présent, qu'il a dict avoir bien entendu et telle estre sa volonté. Ce fut faict et passé au lieu devant dict, environ les cinq heures de relie vée, le seiziesme décembre mil six cens soixante ung, et a le sieur Testateur signé. Signiffié le scel suivant l'eedict.
(Signé : ) Je8iaM.MLhEFER. Roland. Rogier.
(Extrait des minutes de Guillaume Rogier, notaire à Reims, i66i . Pièce transcrite et communiquée par M. Dl'chénov.)
