FORS DE BARONNIE

Entre frères et seurs nobles ou d'iceulx qui les représentent après le décès de père ou de mère, ayeul ou ayeulle ou daustres en ligne directe ascendent, à laisné hoir masle ou à qui le représente appartiennent tous les meubles aussi les deux pars des choses demeurées de ladite succession directes auecques lavantage, qui est le maistre chastel ouhostel et lapourprise diceluy auecques une foy et hommage si elle y est. Et si non ung arpent de terre ou v. s. de rente et le chezé, cest assauoir de terre le vol dun chapon environ ledit hostel, ou quelle chezé il pourra faire garenne à conninz si bon luy semble. Et au puisné ou .puisnés appartient la tierce partie mis hors led. avantaige.

Et si au dedans duditcbezé ou circuit ancien a estang, pescherie, moulin bancquier ou four a ban, fuye, garenne ou doux de vignes, les dites choses demouront à lesné, pour telle valleur quelles seront prisées selon la coustume du pays dont il sera tenu récompenser ses puisnés de leur tierce partie des choses de la succession.

Entre nobles lesné recuilt les successions escheues à luy et à ses puinés et est saisi de tous les héritages, rentes et choses immeubles desquelz est mort saisi le défunct duquel il est héritier et les puisnés ont leur tierce partie par la main de laisné ou qui le représente, lequel la leur doit bailler quand il en est sommé par le puisné ou puisnés ensemble ou chascun a par soy, et auant ladite sommacion lesné aura tous les fruiz des dits héritages, et les autres fruiz escheus depuis ladite sommacion se départiront entre lesné et les puisnez par les deux pars et par le tiers, mis hors ledit auantaige.

Si lesné baille à ses puisnés la tierce partie ensemble et auant que les dits puisnés ayent départi entre eulx leur dite tierce partie, et lung des dits puisnés décède sans héritiers de sa chair la porcion du dit décédé acroist aulx aultres puisnés. Mais s'il auoient partagié entre eulx leur dite tierce partie la porcion du décédé renient à lesné ou à qui le représente.

Après ce que le puisné ou puisnés ayront sommé leur aisné ensemble ou chacun par soy de leur bailler leur contingence et légitime porcion, les dits puisnés par la dite sommacion et chacun de eux sont saisis de leur dite porcion. Et si peut appléger, douloir ou complaindre en cas de nouuelleté contre ledit aisné dedans lan et iour de la dite sommacion. Pourveu que telle sommacion soit faicte au dedans de xxx ans. et après le décès de celuy dont ils sont héritiers.

COOTDBIES. 18

Laisné noble pour le droit de aisneesse et auantage qu'il prend plus que ses puisnés a la charge de faire les foys et hommages des choses bommagées et garantir en franc paraige soubz son hommage à ses puisnés leur tierce partie franche de tout deuoir féodal deu pour raison de Tommage en retenant à foy les deux pars du fief durant le parage, lequel dure jusques à ce que la légnie yssue des dits aisné et puisnés se puissent prendre par mariage qui est de quart à quint en degré de lignaige.

Le puisné en absence ou négligence de son aisné peut faire ses foiz et hommages deuz des droiz et choses de leur succession à eulx escheue les xl iours passés et si le dit aisné est absent pour cause nécessaire, iceluy aisné retourné et receu es dites foiz et bommaiges, ledit puisné sera tenu de luy rendre compte et reliqua des dites choses et non aultrement.

Et si laisné baille à son puisné ou puisnés pour leur tierce partie lieu ou fief entier, dont à cause d'icelles soit deu foy et hommage, le puisné ou puisnés et chacun deulx seront tenus en faire hommage au seigneur auquel lommage sera deu.

Et sil adulent que le dit aisné mourist sans hoir de ' sa chair, laisné des puisnés comme aisné prendra les deux pars de la succession de son frère aisné et Tadvantaige dont dessus est touché, et le tiers d'icelle succession, mis hors ledit auanlaige demeura aux puisnés et seront tenus les dits puisnés sommer le dit aisné de leur bailler partaige par la manière que dit est dessus.

Et au regart des debtes personnelles, si laisné à prins les meubles du décédé, les créanciers se pourront adresser pour le tout au dit aisné et ou dit cas sera

tenu paîer les dites debtes, parce que par la coustume les meubles suyuent les debtes personnelles. Et si la femme du noble décédé auoil prins les meubles, ledit aisné ainsi conuenu par les créanciers pour les dites dettes personnelles aura son recours à rencontre de la dite femme diceluy noble.

Laisné doit faire partaige à ses puisnés, et silz ne sont contemps de la tierce partie que laisné leur baille par partaige, les puisnés mis hors le droit d'aisneesse des deux tiers de laisné sont tenus de faire deux porcions desquelles laisné en prendra une auecques la tierce partie qu'il auoit baillée à ses puisnés et Taultre porcion demourra aux dits puisnés.

Et quant successions directes ou collatérales qui procèdent du chef de nobles escbéent à nobles filles, laisnée viendra à saisir des choses nobles et les tiendra et possidera, fera les foys et hommaiges à la conservacion d'elle et de ses seurs puisnées ou d'aultres ses cohéritiers ; et fera les fruiz siens iusques à la sommacion faite par ses puisnées; et depuis la dite sommacion deuement faicte succéderont par teste, forsque Taisnée aura le maistre hostel ou hébergement et le chezé par auantaige, par la forme et manière dessus déclairée, que prend laisné masle par auantaige sur ses puisnés, et les partages faitz, laisnée garentira en paraige à ses puisnées leurs porcions soubz la foy et hommage durant le paraige pareillement que a fait laisné masle à ses puisnés, sil ny a fief entier qui eschée en partaige des puisnés ; ouquel cas celles qui auroîeot flef entier seroient tenus faire les foiz et hommages aux seigneurs auquelz ils sont deus, ainsi et en ia manière que dit est.

Si le filz aisné ou fille aisnée nobles ou qui les repré-

sentent qui ont recueilly les succédons dessus dites dont ils doiuent faire les hommages aux seigneurs auxquels les hommages sont deuz pour eulx et pour leurs puisnés par la manière dessus dite, et font deffault de les faire dedans temps deu, qui est xl iours après le trespas du décédé et par deffault de ce les seigneurs lieuent touz les fruiz des dites choses dont est deu hommaige, les dits puisnés en auront leur action de leur interestz et dommages contre les ditz aisnés des fruiz et revenues escheus depuis sommacion faite à laisné par les dits puisnés.

Et si le fllz aisné ou fille aisnée ou qui les représentent vendent ou transportent le maistre hoslel ou hébergement et droit d'aisneesse, lesdits puisnés doiuent estre garantis par l'acquéreur durant le paraige soubz la foy et hommage que doit faire ledit acquéreur ayant le droit de laisné ou aisnée iusques ad ce que le paraige soit failly, et si par deffault de faire la foy et hommaige iceulx puîsné ou puisnés y ont dommaige, tel acquéreur sera tenu les desdommager à Tesgard de iustice de fruiz et reuenues depuis la sommacion comme dessus.

Quant aucun fief des puisnés a esté garenty en paraige par laisné et iceluy paraige est failly et finy en la manière que dit est dessus, lesdits puisnés qui auront esté garantis en paraige seront tenus de faire foy et hommage des choses quilz tiennent et qui garanties leur auoient esté en paraige au chef parageau ou à celuy qui le représente, lequel hommage chet en action pour la première fois.

Et si aucun des parageaux vend le fief qui luy estoit garenty en paraige à ung estrange, iceluy acquéreur sera tenu de faire foy et hommage à cause du dit fief par lui acquis au chef parageau qui icelluy fief auoit garanty en paraige au dit vendeur, telle que faisoit le chef du paraige

à son seigneur. Et payera deuoirs à Tesgart de ce qu'il tient, et que le seigneur auquel il fera hommage paye à son seigneur de fief»

Sil aduient que celuy qui garentissoit en paraige vende le fief à cause duquel il garantissoit en paraige sans riens en excepter, ledit paraige finy et failly, lesdits parageaux feront hommage à cause des choses qui leur auoient esté garenties en paraige par leur dit chef parageur audit acquéreur, pour ce que l'acquéreur d'iceluy chef parageau a acquis ledit chef auecques tous les droiz.

Quant aulcune succession chet à filles nobles et il nya hoir masle,<les meubles de la dite succession viennent à laisnée à la charge de paier les debtes personnelles.

La succession du puisné ou puisnés yssus de puisnés qui ont eu leurs partaiges divisés, décédés sans hoir de leur chair, revient à la table de laisné dont ilz sont descendus ou à ses représentans, qui est Taisné ou l'aisnée du décédé.

Si à aulcun puisné ou puisnés est baillé partaige la tierce partie daucun fief, icelle tierce partie sera départie ainsi que dit est dessus.

Et celuy qui aura lesdites deux pars ensemble lavantaige qui y appartient» garantira le tiers chef à son puisné soubz le garenlaige du premier chief, et seront tenus garentir enuers le seigneur suzerain tant que le paraige premier durera.

Entre nobles les successions collatérales viennent à laisné ou aisnée ou à leurs représentans, et ny prennent riens les puisnés, fors en deux cas : Tung quant les dits puisnés tiennent leur parlaige ensemble, Taullre quant la succession nest du frère aisné ou d'aultre parent chef le lignage ou souche dont ilz sont descendus, ou de

ceulx qui les représentent. Car si telle succession aduient, tous les membres en sontabreués, cest assavoir à l'aisné les deux pars, ensemble Tauantaige comme en succession directe, et à tous les puisnés le tiers.

Fille noble mariée par père ou par mère souffissamment aparagée et qui a eu don de mariage, est forcluse de succession de père ou de mère, d'aïeul ou aïeule de celuy qui luy aura fait ledit don, tant qu'il y ayt hoir masle, ou hoir descendent de hoir masle, et ne luy euston doné que ung chappel de rose, si expressément ne luy a esté réservé en faisant ledit mariage.

Si le frère noble marie sa seur, et il luy donne moins que aduenant, le mary d'elle mort, elle pourra demander à son frère le sourplus quil luy appartient de son droit de partaige. et si !a feme décède auant son mary les enffans délie pourront demander le parfait du droit de succession de ladite mère.

Si fille noble est prouuée soy estre fait despuceler par auant laage de vingt et quatre ans elle peut estre priuée des successions directes non aduenues, et non pas collatéralles.

Si femme noble ayant bail de ses enffans se marie elle pert son dit bail.

En succession tant noble que routurier représentacion a lieu en Touraine.

Femme noble suruiuant son mary n'est tenue aux debtes de son feu mary, si elle n'y est expressément obligée, en renunçanl touteuoyes par ladito femme au meubles et acquests communs d'entre eux.

GOMME BARONNIE DOIT fiSTRE DEPPARTIE

Baronnie ne se deppart point pourveu que laisné ou aisnée ait de quoy recotnpencer le puisné ou puisnés de leur porcion, en chastel et chaslellenie d'une mesme succession dont est venue ladite baronnie. Et sil nv auoit de quoi recompencer en la manière que dit est, les puisnés auront leur porcion par la main de laisné mis hors de droit d'aisneesse.

Et lequel droit de aisneesse est le chastel, foussez et pourprinse diceluy auecques le droit de guet, une foy et hommage en chastellenie à son choys, droit de patronnaige, don d'aumosneries et nialaderies, ensemble le chezé qui est le vol d'un chappon à Tentour du chastel hors les foussés, pourveu que au dedans d'icelluy vol n'y ait ville, moulins ou four à ban ; esquelx cas il prendra pour le dit chezé au plus près quatre arpens de terre, et les dites villes, moulins et four à ban et aultrez droiz comme de iustice, foires, marchés, seaulx à contraitz, banc à vin, preuosté et peaige, ilz se diuiseront entre Taisné et puisnés en la manière dessus déclairée en successions de nobles ou pour iceulx laisné pourra récompenser lesdits puisnés des choses de la succession; ou les retiendra à soy si bon lui semble.