SOUBIZE

(Original. Fonds français, vol. 4641, fol. 23.)

Au Roy.

Lyon, 18 mai 15G3.

Sire, j'ay reçu la lettre qu'il vous a pieu m'escriprc du Gme de ce moys, et m'estime très heureux

de l'asseurance qu'il vous plaist prendre de la fiel ellité et obéyssance que je doibs et veulx rendre à Vostre Maté , comme aussi j'attribue à grand malheur de ne vous en pouvoir faire preuve telle et si prompte que je vouldrois. Mesmes touchant le commandement qu'il vous a pieu faire que les habitans de ceste ville posent les armes, ce nonobstant qu'il avt pieu à Vostre Maté de revocquer les forces qu'avoit Monsr de Nemours, et luy se soit retiré en sa maison, pour cela les dites forces, au moings partie d'icelles, ne laissent pas de rauder tousjours icy alentour, tellement que la crainte que ce peuple en avoit le tient encores, et ne peuvent, ce leur semble, en seureté demeurer desarmez, voyans si près d'eulx armez ceulx qui se sont portez pour leurs ennemys. D'aultre part, Sire, les soldats de ceste ville sont la plupart de Provence, de Bourgongne et d'aultres provinces esquelles, quelque édict qu'il y ait, on ne veult recevoir ceulx qui en avoient esté chassez à cause de la Religion, de façon qu'estant bannys de leurs biens et maisons, et ne scachans où se retirer, il seroit malaisé de les licencier ; et ce qui rendra la difficulté plus grande de les faire desloger, c'est que ceulx de ceste ville n'ont pas les moyens de pouvoir si promptement trouver deniers pour les en envoyer, combien qu'ils y travaillent tous les jours.

Par quoy je supplye très humblement Vostre Maté, Sire, que vostre plaisir soit en faisant cesser

ces difficultez, donner moyen à Monsr de Gordes et à moy de pouvoir exécuter vostre vollonté, et rendre là dessus responce aux députez que ceulx de ceste ville ont envoyé vers Vostre Maté, d'aultant que c'est aussy une excuse de laquelle ils nous payent, ledit Sr de Gordes et moy de dire qu'ils attendent le retour des susdits députez , et parce que je m'asseure que mon dit Sr de Gordes vous fera plus amplement entendre touttes choses, je ne vous ennuyeray de plus longue lettre.

Sire , je supplye le Créateur qu'il vous doint en très parfaicte santé et prospérité, très heureuse et très longue vie. De Lion, ce 18me may 1563.

Copie. Fonds français, vol. 20783, fol. 152.)

A la Roy ne Mère.

Lyon, 18 mai 1563.

Madame, encores que je scache bien que Monsr de Gordes vous faict amplement entendre les difficultez qui empeschent que le commandement du Roy et vostre n'est si tost exécuté en ceste ville, toutesfois pour satisfaire à mon debvoir, je ne puis moins faire, ce me semble, que de vous advertir que la crainte que ces peuples ont d'estre surpris et saccagez en est partye cause, car no-

nobstant que Monsr de Nemours se soit retiré en sa maison, pour cela les forces qu'il avoit avec luy ne laissent pas de rauder alentour d'icy, mesmement les Italiens, et ce qui augmente plus la deffiance et soupçon que l'on en peult avoir, c'est, Madame, que Monsr de Mangiron m'a escript une lettre que j'ai monstrée audit &• de Gordes par laquelle il me mande qu'il a retenu expressément lesdits Italiens et gardé de passer la Royne, jusques à ce qu'il ait sceu de Monsr de Nemours s'il trouvera bon de les faire passer par la Savoie, d'aultant qu'il ne vouldroit pas, ce dit il, leur donner passaige par le Daulphiné.

Cela, Madame, est pour retarder sept ou huict jours le partement des susdits Italiens, et d'aultre part l'argent qui est deu aux compaignies qui sont en ceste ville, se monte à si grosse somme qu'il n'est pas possible de la recouvrer si promptement. A ceste cause, Madame, je vous supplie très humblement qu'il vous plaise avoir esgard à toultes ces considérations, n'imputant point à faulte de volonté de vous rendre l'obéyssance aussy prompte que je vous doibs, le péché et l'injure du temps, et la longueur des affaires de deçà auxquels pourra grandement remédier la présence de Monsieur le Mareschal de Vieilleville, qui me donnera hardiesse de Vous réitérer la requeste très humble que je vous ay par cy devant faicte de vouloir haster sa venue, laquelle je désire d'autant plus qu'il me tarde fort, Madame, que je n'aye cest

honneur de bayser les mains du Roy et vostres, n'ayant rien plus à cœur que de faire preuve de ma fidellité à l'endroict de Vos Majestés, et vous rendre tesmoignage de l'affection que j'ay toutte ma vie eue de vous faire très humble service. Madame, je supplie le Créateur, etc. De Lion, le 18me de may [1563].

(Copie. Ibidem, fol. 156.)

A la Roy ne Mère.

Lyon, 11 juin 1563.

Madame, Monsr le mareschal de Vieilleville vous faict amplement entendre le peu qu'il a advancé jusques à ceste heure à la charge qu'il vous a pieu luy donner, en ce qui concerne ceste ville de Lion, pour les difficultez qui s'y offrent, et encores, Madame, que je scache bien qu'il ne m'appartient de vous remonstrer et moins conseiller en chose du monde, si est ce que pour ne faillir au debvoir en quoy je suis obligé aux services de Vos Mtés, je prendray la hardiesse, Madame, de vous dire que les remonstrances que ceulx de ceste ville luy ont faictes, lesquelles il vous envoyé par escript, sont dignes de quelque considération, si vous désirez que vostre volonté soit promptement effectuée. Mesmement en deux articles, l'un en ce

qu'ils demandent qu'il plaise à Vos Matés leur permectre qu'ils facent une taille sur eulx pour licencier les soldats, qui est le principal, et sans lequel tous les aultres seroient inutiles; car je vous puis asseurer, Madame, qu'il n'est en leur puissance de trouver plus argent sans ceste permission, pour ce que tous les moyens dont il s'aidoient durant la guerre cessent par la paix. Parquoy, Madame, il vous plaira d'y pourvoir dilligemment, d'aultant que vous désirez prompte exécution au commandement qu'il vous a pieu faire audit Sr Mareschal.

L'autre article , Madame , de leurs remonstrances qui me semble aultant considérable est celuy des temples et lieux qu'ils demandent pour l'exercice de leur Religion, en plus grand nombre qu'il n'est porté par l'édict de la paix, car il n'est pas possible que deux lieux puissent estre capables du grand nombre de personnes qui s'y assemblera tous les jours, principalement aux dimanches, auquel jour il y a douze ou treize temples d'ordinaires où l'on faict les presches, qui en sont si plains qu'il n'y en scauroit entrer d'advantege '.

Quand il vous aura pieu, Madame, faire entendre audit Sr Mareschal vostre volonté sur lesdites remonstrances, il pourra beaucoup plus aisément exécuter le faict de sa charge, en quoy je le servi-

1 La réponse de la reine n'est qu'un refus, avec prière aux réformés lyonnais de ne « s'opiniastrer en une chose déraisonnable ». (Lettre du 16 juin 1563.)

ray -et soulageray en tout ce qui me sera possible, et espère faire en sorte qu'il vous portera tel tesmoignage de mes actions que vous me recognoistrez pour tel serviteur et aultant fidelle subject que je vous ay toutte ma vie esté. Madame, je supplie le Créateur qu'il vous doint, etc. De Lion, le xime Juing 1563.

(Copie. Ibidem, fol. 156.)

Au Maréchal de Montmorency.

Chastillon, 25 juillet 1564.

Monseigneur, s'en allant Mons'de Cipierres par devers vous, je n'ay voulu faillir de vous escrire ce mot pour vous dire que ung des plus grands plaisirs que je receus il y a long temps, m'a esté apporté par la lettre qu'il vous a pieu m'escrire, car encores que par icelle vous me monstrez que vous m'estimez beaucoup plus que je ne vaulx, si est ce que je ne puis que je ne reçoive un grand contentement de me voir estre estimé d'un si vertueux et généreux seigneur comme vous, à qui je désire avec le hasard de ma vie et de mon bien faire aultant de service que vous cognoistrez que je seray digne d'y estre employé.

Au demeurant, Monsieur, je vous escrivis, ces jours passez, par ung gentilhomme que j'en voyay

à Paris par devers vous, et escrivois par luy mesme à Monsr Delaplanche ' quelques particularitez que je luy priois de vous dire, auxquelles il me semble, sauf vostre meilleur advis, que vous devez penser. Je vous supplie très humblement me faire entendre si vous les aurez eu agréables et quelle sera vostre délibération là dessus.

Et en cest endroict, pour ne vous ennuyer de trop longue lettre, je vous présenteray mes bien humbles recommandations à vostre bonne grâce, et prieray Dieu, Monseigneur, qu'il vous doint en parfaite santé très heureuse et longue vie. De Chastillon, ce xxve juillet 1564.

Je vous supplie très humblement que Madame vostre femme trouve en ce lieu mes très humbles recommandations à sa bonne grâce, et que je luy mande que si j'eusse pensé, quand je la portay au baptesme, qu'elle n'eust esté de ma Religion, je l'eusse laissé tomber dans les fonds 2.

Vostre très humble et obéissant serviteur,

Soubize.

(Original Fonds français, vol. 20507, fol. 134.)

1 Sans doute l'historien Louis Eégnier, sieur de La Planche , fort lié avec les Montmorency.

2 La personne à laquelle se rapportent ces lignes enjouées est Diane, fille légitimée de Henri II, et veuve d'Octave Farnèse, mariée, en secondes noces, à François de Montmorency, fils aîné du Connétable.

Au Roy.

Sans date : premiers mois de 1566.

Sire, le Sr de Soubize, chevalier de votre ordre, •s ous remonstre qu'il a esté adverty que, par certaines confessions faictes par feu Jehan Poltrot, Sr de Merey, estant aux tourmens à luy ordonnez par la justice, est faicte expresse mention dudit Sr de Soubize comme s'il eust esté aucunement consentant ou adhérant à l'entreprinse de la mort de feu Mons1* de Guyse, ce qui ne s'est jamais trouvé véritable, par ce que aussi le dit Sr de Soubize ne luy en donna oncques charges ny mandement, et d'ailleurs ne se trouve aucune preuve ou présomption contre luy de ce faict. Et pour ce que le dit Sr de Soubize craindroit que à l'advenir on ne l'en voulleut accuser ou inquiettcr, soubz le prétexte de telle depposition nulle et non libre et qui n'est aydée d'aucune aultre preuve ou conjecture, comme on a faict à Mons1' l'Admirai, lequel touttesfois en a esté par vous, Sire, décléré innocent ', ledit Sr de Soubize, encorcs qu'il ne soit expressément accusé, vous supplie très humblement, Sire,

' A Moulins, le 29 janvier 156G. — La déclaration de Soubise dut suivre de près la proclamation de l'innocence de l'amiral.

qu'il vous plaise ordonner qu'il soit donné, pour son regard, pareil jugement et arrest par lequel il soit décléré innocent de ce faict, et deffences faictes à tous de ne l'en appeller ou inquietter en quelque sorte que ce soit, sur les peines contenues en l'arrest duditSr Admirai.

Au bas, d'une autre main, à demi-page .

Il fault que, pour la paciflcacion de toutes choses, il meure ung homme pour le peuple, ou qu'il en porte la peine. Et ne donnera ledit Sr de Soubize beaucoup au public, pour ce que aussi bien ne vivera il plus que deux ou troys moys.

Par advis et ordonnance du Conseil.

(Paraphe.)

(Original appartenant à M. Dugast-Matifeux. Copie de M Paul Marchegay.)