TU
puisque cestuy-là m'en asseure, je ne craindray point de m'en servir; et là dessus le dépesche pour luy rapporter des nouvelles du camp, au lieu de quoy il tua Monsr de Guise.
Voilà le faict tel qu'il fut à la vérité; mais ceulx de Guise, qui comme j'ay dit, de long temps hayoient le Sr de Soubize, comme un de ceulx qu'ils cognoissoient s'opposer le plus à leurs mauvais desseins, prirent encores ceste couleur pour avoir occasion de manifester du tout leur hayne, et l'en recherchèrent de mesme façon qu'ils firent Monsieur l'Admirai.
Oultre ces ennemys il eut encores de nouveau Honsr de Montpensier, qui, à cause de ce qui fut faict à sa souveraineté de Dombes ( comme il est amplement porté par les mémoires de Lion) , lui voulut beaucoup de mal , et l'en recercha tant qu'il peult, en sorte que neuf ans après sa mort, pendant que le siège estoit devant Fontenay, il s'en vouloit encores venger sur ses maisons du Parc, Moulchamp et Vendrines, lesquelles, en hayne de luy, il tint à fort peu qu'il ne fist razer, ayant tousjours en la bouche sa souveraineté de Dombes,
dont il n'avoit sceu avoir raison durant la vie du dit Sr de Soubize.
Après les premiers troubles, le premier voyage que le dit Sr de Soubize fit à la court fut quand le Roy estoit à Lion, où ils virent Mons1' et Madame de Savoye \ lequel voyage estoit trouvé fort hasardeux, de sorte que, mesmes en Allemaigne, on le trouvoit l'estre beaucoup plus que celuy que Monsieur l'Admirai avoit auparavant faict à Paris , et disoit on que Mons1 l'Admirai y estoit allé , ayant le support du Prince de Condé de qui il estoit proche allié, d'un connétable de France, son oncle , de deux mareschaulx de France , ses cousins , et de ses deux frères , dont l'un commandoit à l'infanterie françoise, et l'aultre avoit grand pouvoir, et si n'alloit qu'à trente lieues de sa maison, là où le Sr de Soubize alloit à six vingt lieues de la sienne, sans tout ce que dessus, ayant les mesmes ennemis que Monsr l'Admirai, et oultre ceulx là un prince du sang. Toustesfois combien qu'il n'y allast qu'avecques son train, si est ce qu'il
1 Le duc Emmanuel Philibert et sa femme Marguerite de France , sœur de Henri IL
— Sise trouva si fort à la court que ses ennemys le craignoient , car tout ceulx de la religion , qui y estoient en assez grand nombre , se rangement à l'accompagner , et oultre ce toute la ville estoit à sa dévotion , à cause qu'il les avoit si bien traictez pendant qu'il y commandoit, qu'ils firent mesme tout ce qu'il peurent pour l'avoir pour gouverneur *.
Or n'avoit-il jusques là sceu perdre du tout l'espérance qu'il avoit eue de la Roy ne, et combien qu'il eust entendu comme elle avoit essayé d'attraper Monsr l'Admirai à Sainct- Germain en Laye, et aultres traits qu'elle avoit faicts , si est-ce qu'il ne s'estoit point encores voulu persuader du tout qu'il n'y eust moyen de la remectre au bon train auquel il l'avoit veue autres fois, se voulant toujours faire accroire que ce qu'elle avoit faict estoit plustost par timidité, ou par persuasion, que par malice. Mais bien s'asseuroit-il de se résoudre la première fois qu'il parleroit à elle, s'il y avoit
1 Ce second séjour de Soubise à Lyon doit se placer en juin-juillet 1564, époque du passage de la cour dans cette ville. Voir le Discours du voyage de Charles IX, par Abel Jouan, dans le recueil du marquis d'Anbais , t. 1, p. <J.
encores quelque espérance; ce qu'il fit bientost, car dès qu'il eut faict la révérence, et qu'il fut entré en propos avec elle touchant la prise des armes, luy alléguant que ce qu'il avoit faict estoit par son commandement, à quoy elle luy réplicquoit comme elle l'avoit bien voulu retenir à la court, et puis renvoyer chez luy; sur quoy il luy réplicquoit de rechef ce qu'il luy avoit respondu (ainsi qu'il est touché cy-dessus) et luy disoit davantage qu'il ne pouvoit moins faire la voyant prisonnière avec le Roy et Messieurs ses enfants ; elle appella Monsr le Connestable, lequel le maréchal de Vieilleville !, qui estoit parent et fort amy du Sr de Soubize, admusoit, afin qu'il n'ouyst ce que le dit S1' disoit à la Royne, et luy dist : Mais que diriez-vous, mon compère, que Soubize a tousjours oppinion que le Roy et moy estions prisonniers ? A quoy le Connestable respondit : Je le croy, Madame, car s'ils n'eussent pensé cela, ils estoient trop bien advisez pour faire ce qu'ils ont faict.
1 Loyal soldat, respecté de tous les partis, entre les mains duquel Soubise avait remis la ville de Lyon.
Quand le Sr de Soubize vit ce traict là en la Roy ne, il fut, comme j'ay dit, tout résolu qu'elle ne feroit jamais rien de bien, et n'y en eut plus d'espérance. Ce neantmoins il ne laissa de parler tousjours à elle aussy librement que de coustume , qui estoit de telle sorte qu'il n'y avoit homme en France qui eust la privauté de ce faire comme luy, s'estant tellement acquis de tout temps ceste liberté qu'il lacontinuoit tousjours, de sorte que ceulx qui le voyoient parler à elle avecques ceste franchise, et qu'elle le trouvoit bon, pensoient qu'il la gouvernast du tout, et plusieurs courtisans sur ceste opinion se sont, au partir de là, souvent venus offrir à luy. Or tardoit-il fort à la Royne qu'elle le peust faire partir de la cour, pour ce qu'il luy sembloit qu'il luy rompoit tous ses desseins , de sorte qu'elle estoit tous les jours à luy dire : Que faictes vous icy ? Vous y avez tant d'ennemys , que ne vous en allez vous? Et quand il luy disoit qu'il ne les craignoit point, elle luy respondoit qu'elle avoit peur pour luy. Mais, Madame, luy disoit-il, puisque je n'en ai point, vous ne devez pas plus craindre pour moy que moy mesmes;
à quoy elle luy disoit : Je le sçay bien que vous n'avez point de peur, car vous avez la plupart de la court pour vous, et toute ceste ville; mais j'ay peur vous voyant icy si fort qu'il n'advienne de la folie. Je crains tant que vous ne faciez quelque chose. Je me doubtois bien, Madame, dit le Sr de Soubize, que c'estoit la peur que vous aviez pour moy; mais je n'ay rien à leur demander. Si vous avez tant de puissance sur eulx que vous dictes, défendez leur de commencer, et je vous promects, sur mon honneur, que je ne le feray pas de ma part ; mais s'ils commencent, j'acheveray si à bon escient qu'il en sera mémoire.
Et pour ce qu'elle continuoit tousjours à le presser de s'en aller, il luy disoit : C'est grand cas, Madame, que vous ne voulez esloigner du Roy que les bons et anciens serviteurs de ceste couronne , et ceulx qui ont exposé leurs vies pour délivrer Vos Majestés de la captivité où vous estiez, et n'en approchez que ceulx qui veulent la ruine de vous et de vostre estât, tellement que si je voulois estre en vostre bonne grâce et estre approché de la personne
du Roy, je ne tiendrois pas le chemin que j'ay tenu, et n'est pas faulte de sçavoir ce qu'il fauldroit faire pour y parvenir. Et que feriezvous? dist la Royne. Je vous prendrois prisonniers, dit le Sr de Soubize, le Roy et vous, comme ont faict ceux de Guise. Je sémerois des libelles diffamatoires par Paris contre vous, pour animer le peuple, comme ils ont faict. Je prendrois charge de vous estouffer entre deux couettes, comme elle fut donnée à Monsr de Nemours, au Maréchal de Saint- André et à Rocandolphe 1. Je vous menaçerois tous les jours, comme ils faisoient; je me ferois craindre à vous comme ils font, et usurperois le plus d'authorité que je pourrois en diminuant la vostre. Je sçay bien que faisant cela je serois favorisé de vous. Vous ne me presseriez pas de m'en aller. J'obtiendrois tout ce que je demanderois, comme ils font, au lieu que ceulx qui ont hasardé leur vie pour vous délivrer de ceste tyrannie, sont reculez et mal voulus de vous; mais j'aime mieux l'estre en
1 Un de ces chefs de mercenaires allemands mettant leur épée au service des mieux payant , m'écrit le comte H. de La Ferrière. Il périt misérablement en 1563.
bien faisant que d'estre advancé par tels moyens.
Là dessus la Royne rioit et l'asseuroit que ce n'estoit point cela, qu'elle l'aimoit, et que c'estoit l'amitié qu'elle lui portoit qui luy faisoit dire ce qu'elle disoit; qu'elle n'aimoit point ceulx de Guise , lesquels elle cognoissoit bien , mais qu'elle estoit contraincte de se feindre encores pour quelque bonne occasion qu'elle ne pouvoit dire, mais qu'il s'asseurast que c'estoit pour quelque chose de bon, ce que mesmes elle disoit tous les jours à Madame de Savoye , laquelle le racontant au Sr de Soubize (car c'estoit un des hommes de France qu'elle aimoit et en qui elle se fioit le plus), le dit Sr luy respondit : Je ne m'estonne plus, Madame, si la Royne ne me peult dire pourquoy elle faict ce qu'elle faict puisque c'est chose qu'elle vous celle. Toutesfois il estoit desjà tout résolu de ne faire plus d'estat de ses promesses.
Quand il fut prest à partir de la court il vint le jour avant à la Royne , et luy dist : Madame, j'ay une bonne nouvelle à vous dire. Et quoy, dist la Royne. Je voudrois donc un
beau présent de vous , premier que de la vous dire; et ainsi s'estant fait presser assez longtemps , c'est, dit-il, que je m'en vais demain. Sur quoy la Royne se prenant à rire, il luy dist : Je sçavois Lien , Madame , que je vous ferois bien aise; mais quand vous plaira il que je revienne ? Là dessus la Royne luy dit : nous délibérons d'aller en tel et en tel lieu (qui estoit tout le discours du voyage de Bayonne), puis nous repasserons par tels et tels païs, et quand nous serons en G-uienne vers vos quartiers (qui ne pouvoit estre plustost que de deux ans) envoyez vers moy, et je vous manderay ce que vous devrez faire. C'est à dire, respond le Sr de Soubize, que vous voulez estre asseurée de ne me veoir de deux ans, et au partir delà quand j'envoyeray vers vous, vous me manderez : Il y a encores un chat de la maison de Guise; ne venez pas, car il vous esgratignera. Or je vous diray, Madame, ce que je feray. J'envoyeray vers vous quand vous serez en Guyenne, puisque vous le me commandez. Mais je seray aussy tost près de vous que le messagier ; ce qu'il rît. Car après que le Roy eut faict son grand voyage de Bayonne,
quand il fut à Niort 1 , le Sr de Soubize envoya le cappitaine Puymaict vers la Royne , par lequel il luy mandoit qu'il seroit là tout incontinent après luy, suivant ce qu'il luy avoit dict partant de Lion. Et de faict la vint trouver au dit Niort avecques une fort belle trouppe , estant entre autres accompaigné des plus apparents de la noblesse de Poictou, et alla jusques à la Rochelle, là où sa trouppe paraissoit plus que tout le reste de la court, dont mesme Mons1' de Montpensier se plaignoit, disant qu'il estoit mieux accompaigné que les princes du sang, comme aussy il s'estoit plaint à Lion de ce qu'il passoit tous les jours devant son logis avec si grande compaignie, dont toutesfois le S1' de Soubize ne s'estoit voulu désister, non plus qu'il fit de s'accompaigner, pour les plainctes du dit Sr de Montpensier. Au retour de la Rochelle, il revint chez luy, et dist à la dame de Soubize, sa femme, à laquelle il communicquoit tous ses plus importans affaires, l'ayant cogneue digne de cela, et les sçachant tellement celler qu'elle eust
1 La cour y passa trois jours, du 17 au 20 septembre 1565, et se rendit ensuite à la Rochelle.
mieux aimé mourir que d'en déclarer la moindre chose du monde, qu'il voyoit bien, veu la façon dont toutes choses se gouvernoient, qu'il seroit nécessaire de faire ce que depuis on faillit à exécuter à Meaux, qui estoit de se saisir de la personne du Roy, et l'oster des mains de ceux qui taschoient à se servir de son authorité pour un temps affin d'accroistre la leur, et se faire à la fin Rois , s'ils pouvoient ; partant au contraire estoit besoing de les reculer d'auprès de sa personne et d'en approcher les princes du sang et vrais serviteurs de la Couronne, pour bien instruire le Roy, en sorte qu'il fust un jour tel que doibt estre un prince vrayement chrestien et vertueux. Vray est que le tout estoit de faire si bien l'entreprise qu'on n'y faillist point, car s'il advenoit qu'elle fust faillie, c'estoit la ruyne de l'Estat. Cela avoit-il deslors en l'entendement, comme depuis l'a dict la dite dame de Soubize, sa femme, ce qu'elle n'a jamais révélé que depuis sa mort, et suivant ceste proposition, fut ce qui depuis, comme dict est, fut failly à Meaux *.
1 La retraite de Meaux, préInde de la seconde guerre civile, eut lieu le 29 septembre 1567, un an après la mort de Sonbise.
Cependant voyant les affaires en tel estât et les troubles qui se préparoient, il se faschoit et tourmentoit le plus du monde, craignant de ne pouvoir autant servir qu'il eust désiré , à cause de son indisposition , pour ce qu'il y avoit desja deux ans qu'il commençoit à se sentir de la maladie dont il mourut, qui estoit une jaunisse, qui à la fin se convertit en hydropisie, dont il estoit desja lors fort mal, ce que les médecins qui le virent ouvrir après sa mort, attribuoient à poison, et avoient oppinion qu'il avoit esté empoisonné d'une poison longue et à temps , au second voyage qu'il fit à Lion , pour ce que depuis cela il n'avoit jamais faict son profit, et estoit tousjours allé en empirant.
Bientost après il alla trouver la court à Chasteaubriant ', où il eust plusieurs propos avecques la ïtoyne de la Religion, de laquelle il luy parla fort avant, jusques à luy ramentevoirle temps qu'elle feignoit enestre,ce qu'il fit par plusieurs fois. Mais entr'autres un soir
1 On voit par la relation d'Abel Jouan que la cour y séjourna du 16 octobre aux premiers jours de novembre 1505.
qu'il estoit demeuré en son deshabiller, elle — prist, après estre descoiffée, des pseaumes en latin (ce qu'elle a accoustumé de faire tous les jours et d'en lire deux ou trois). Dans les dits pseaumes il y avoit de petites images peinctes, l'une desquelles elle approcha au Sr de Soubize pour la luy faire baizer, lequel s'estant reculé, elle luy dist : Vous penseriez estre damné si vous aviez baizé cela. Non ferois, Madame, respondit-il ; mais ce sont des sottizes à quoy je ne croy point, comme je sçay qu'aussy ne faictes-vons. Si fay par ma foy, lui dist la Royne. Ce n'est pas à moy, Madame, luy dist le Sr de Soubize, à qui vous devez desguiser cela. Pensez-vous qu'il ne me souvienne plus du temps que vous estiez de la Religion, et que vous nous en parliez ouvertement ? Mais quoy qu'il y eust, dist la Royne, j'allois tousjours à la Messe. Ouy, Madame, respond le S1 de Soubize, par crainte du Roy vostre beau-pere et du Roy vostre seigneur, mais non pas que vous la trouvassiez bonne. Par ma foy, si faisois, dit la Royne. Pardonnez , Madame , dist le Sr de Soubize, si je ne vous puis passer cestuy là, car vous sr-avezbieD combien de fois je vous ay ouy
dire qu'elle ne valloit rien et que vons y alliez à grand regret. Or bien, dist la Royne, mais tant y a que je ne m'y suis pas fondée si avant que vous , et quand vous n'eussiez poiut esté plus avant que moy, vous en eussiez mieux faict. Mais vous voulez arracher tout d'un coup avec ce glaive à deux tranchans. Ce seroit le meilleur de le faire peu à peu. Nous ne voulons, dist le S'' de Soubize, arracher que le mal, lequel il ne se fault point contenter d'oster à demy. Non, non, dit la Royne, vous feriez mieux d'en user comme moy. Aussy vous voyez comme Dieu m'ayde , et comme il m'a délivrée des maulx que j'ay eus pour me faire les grâces qu'il m'a faict. Au contraire vous n'avez que du mal. Regardez comme vous estes malade. Vous avez desjà le col tout jaulne. A quoy le S r de Soubize luy respondit : Madame, les plus grands maulx que j'ay soufferts ont esté pour vous délivrer de la misère et captivité où le Roy et vous estiez, lesquels je plains si peu, que j'estimerois ma vie avoir esté bien employée pour cest effect. Quant aux autres afflictions, ce sont les marques des enfants de Dieu; et là dessus il prit occasion de luy dire une infinité de
belles choses tant pour ce qui concernoit la Religion que sur le faict de Testât des partis. De là il retourna chez luy estant desja fort mal.
Toutesfois il ne laissa d'aller encores trouver la court à Moulins dont il ne revint que cinq mois avant sa mort \ laquelle luy cuyda encores estre hastée là, à cause que ceulx qui ont esté les autheurs du massacre qui est depuis advenu, l'avoient dès lors entrepris , et résolurent de l'exécuter audit Moulins , à cause que tous les principaulx chefs de ceulx de la Religion y estoient, hors mis Monsr d'Andelot, lequel je ne suis pas bien asseuré qu'il y fust. Mais tant y a que depuis les troubles ils n'en avoient sceu tant assembler que lors, qui leur fit resouldre de s'en desfaire tout à la fois ; et desjà le maréchal de Bourdillon et le comte de Brissac , qui en avoit la charge , estoient entrés en la chambre de la Royne (qui cependant se devoit retirer dans un cabinet), estant armez de maille pardessoubs, et devoit le comte de Brissac prendre une querelle d'Al-
1 C'est-à-dire en avril 1566. La cour étoit arrivée dans cette ville le 25 décembre précédent.
lemaigne contre Monsr le Prince , pour avoir occasion de mettre la main à l'espée avec ceulx qui estoientattitrez pour ceste exécution. Mais il prit une soudaine peur à la Royne , comme encores elle luy prit semblable à la Saint-Barthélémy, de sorte qu'elle empescha lors que l'entreprise ne fust exécutée, ce qu'elle vouloit de mesme faire au dernier massacre, de frayeur qu'elle avoit , sans qu'on luy dist que Monsieur l'Admirai estoit desjà mort \
Au retour du voyage de Moulins le Sr de Soubize retourna chez luy, estant desjà fort mal, de sorte que ceulx qui le voyoient n'esperoient plus qu'il peust vivre, ce que luy cognoissoit mieux que personne, et comme j'ay dit, ne se faschoit sinon pour la peur qu'il avoit, s'il advenoit quelque affaire, de ne pouvoir servir, comme il eust désiré, combien qu'il se résolust, comment que ce fust, de se faire traîner en quelque lieu, soit en une ar-
1 Que devient en présence d'un texte aussi positif la thèse de la non préméditation de la Saint-Barthélémy? Le massacre du 24 août 1572 ne fut que l'exécution en grand, sur un théâtre plus propice, d'un projet depuis longtemps conçu et conforme à la triple inspiration de la cour, de Eome et de l'Espagne.
mée ou en une ville, où il peust achever d'employer ce peu de vie qui luy restoit au service de Dieu et de sa patrie. Cependant il s'estudioit à couronner le reste de ses gestes par une mort digne de la vie qu'il avoit menée, se rendant de plus en pi as assidu à ouir la parole de Dieu , et à le prier et invocquer nonseulement en public mais en son particulier, demeurant tous les jours quatre ou cinq heures enfermé dans son cabinet à prier Dieu et à lire en sa parole. Quand il voyoit ses amis il les consoloit de sa mort, laquelle il leur disoit à tous qu'il sentoit tous les jours approcher, hors mis à la dame de Soubize, sa femme, à laquelle il ne le voulut jamais dire, et les prioit tous de ne le luy dire point pour l'appréhension qu'il avoit de son ennuy; mais à tous ses aultres amis il les prioit de ne s'attrister point, et de considérer l'heur qu'il estoit près de recevoir, avec une infinité d'aultres belles choses que la pluspart ont depuis récitées.
Mesme fort peu auparavant il escrivit une lettre à Monsr le cardinal de Chastillon, par où il luy disoit adieu pour la dernière fois, et luy mandoit qu'il perdoit en luy un des meil-
leurs amis et serviteurs qu'il eust en ce monde, ce que le dit Sr cardinal dist incontinent qu'il sceust sa mort, et monstra la lettre à ceulx qui estoient près de luy.
Bncores la semaine avant qu'il mourust, envoyant un gentilhomme vers Mons'' de Martigues 1, comme le gentilhomme luy demandast en partant s'il vouloit plus rien luy commander, il luy dist tout aussy en riant que s'il eust parlé de quelque voyage qu'il eust eu à faire : Dictes à Mons1' de Martigues que s'il veut mander quelque chose en paradis, que je suis prest d'y aller; et comme le gentilhomme monstrast estre fasché de ce qu'il luy ouyoit tenir ce langage, le S1' de Soubize lui dit : Ne faillez pas à le luy dire, et que je luy mande cela pource qu'il ne sçauroit trouver messager plus asseuré que moy, et que s'il y a quelque affaire, qu'il faut bien qu'il la commecte à un aultre, pource que quand à luy il n'ira jamais, mais qu'il se haste, car je suis pressé de partir.
1 Sébastien de Luxembourg, seigneur de Martigues, grand ami du duc de Montpensier et grand ennemi des huguenots.
Or ne fust il arresté au lict que dix-huict ou vingt heures avant qu'il mourut, de sorte que le samedy dont il mourut le dimanche, il estoit près d'onze heures du matin qu'il se promenoitencoresavecun gentilhomme lorrain qui avoit épousé une de ses niepces, fille de Monsieur de Pons, nommé le Sr de Besicourt, avec lequel il avoit discouru deux grandes heures d'affaires d'Estat, dont il estoit tenu pour sçavoir auss3r bien parler qu'homme de France, de telle façon qu'un sien secrétaire qui le suivoit, disoit ne l'avoir jamais ouy mieux parler. Au partir de là, il revint, se trouvant plus mal que de coustume et se mict au lict. Toutesfois il ne luy empira bien fort que sur le soir, qui luy dura toute la nuict jusques au lendemain matin, tousjours voulant qu'on luy parlast de Dieu et qu'on luy fist la prière.
Environ un quart d'heure avant mourir, il voulut voir sa fille pour luy donner sa bénédiction, avant partir de ce monde, puis la fit retirer, et un quart d'heure après rendit l'esprit, ayant dist pour la dernière parole : Mon Dieu, je recommande mon ame entre tes mains ;
et (qui est une chose incroyable) la dame de Soubize eut la constance de demeurer auprès de luy et de le consoler jusques à l'article de la mort, ce qu'elle eust juré peu d'heures auparavant estre hors de sa puissance; mais elle s'y contraignit de ceste façon pource qu'elle voyoit qu'il avoit plaisir qu'elle y fust, et qu'il oyoit plus volontiers ce qu'elle luy disoit que ce que les autres luy pouvoient dire. Je vous laisse à penser "si au partir de là elle demeura désolée, et si elle eut besoing des consolations qui luy furent adressées \
Le jour qu'il mourut fut un dimanche, le premier de septembre 1566. Le lendemain son corps fut porté à Moulchamp, paroisse du lieu où il fut enterré. Là où se trouva une telle quantité de noblesse pour l'accompaigner à la sé-
2 Voir dans le Bulletin du Protestantisme français (t. II, III et V) les lettres consolatoires adressées à sa veuve par les plus illustres personnages du parti, Jeanne d'Albret, Coligny, Charlotte de Laval, Charlotte de Roye, Théodore de Bèze, etc. Entre ces épîtres diversement touchantes, celle de Coligny brille d'un singulier éclat. {Bull., t. II, p. 550).
On peut lire également dans le Bulletin (t. XIII, p. 306-313) le testament de Mme de Soubise, daté de la Rochelle 16 août 1570.
pulture qu'il estoit incroyable qu'en si peu de temps on en peust assembler tel nombre. Et ceste mesme sepmaine plus de cinq cens gentilshommes vinrent s'offrir à la dame de Soubize, sa femme, en mémoire de luy, de sorte que chacun disoit que puisqu'un corps mort pouvoit mettre si tost tant de gens ensemble, que c'est qu'il eust peu faire estant vif.
Si vous trouvez bon de dire quelque chose de l'humeur dudit feu Sr de Soubize , il estoit d'un naturel fort doulx et pitoyable, combien que ceulx qui le voyoient de prime abordée, le jugeassent mal accostable, ce quivenoit à cause qu'il n'avoit pas à tout le monde ce grand accueil et ceste chère ouverte qu'ont quelques uns, et ne prenoit plaisir à offrir à personne que ce qu'il vouloit tenir, joinct qu'il avoit une façon grave et une grande maiesté, tellement qu'il avoit plustostla mine d'un roy que d'un simple gentilhomme. Mais aussy ceulx qui le cognoissoient faisoient plus d'estat d'une parole qu'il leur avoit dicte que d'une douzaine d'embrassades d'un autre; et pense pouvoir comparer son naturel à ce quej'ay quelquefois leu de Pompée, duquel on disoit que la gravité naturelle qu'il
BIBUOTHECA
avoit n'estoit point fascheuse, ains estoit sa compagnie et conversation familière fort plaisante et agréable ; ce que le Sr de Soubize avoit semblablenient, car parmy ses familiers amis, il estoit d'une conversation si douce et aggréable qu'il ne se faisoit moins aymer d'eux que craindre de ses ennemys.
Au reste il estoit homme véritable et droicturier, qui ne manquoit jamais où il avoit promis amitié, et qui n'estoit point à racointer; qui ne pouvoit applicquer son esprit à petites choses , mais falloit qu'il l'eust tousjours occupé à quelque chose de grand. 11 estoit fort malaysé à surprendre, à cause qu'il estoit vigilant, et mesmes dormoit fort peu, employant une grande partie de la nuict à dépescher affaires, de sorte qu'encores qu'il feust à sa maison , il ne se couchoit qu'à minuict , et se levoit à quatre ou cinq heures , employant le soir et le matin à faire depesches, ou à autres occupations nécessaires, dont il avoit tousjours assez, et ne s'en trouvoit jamais las, pourveu que ce ne fussent point affaires de sa maison, car de ceulx là il n'en vouloit jamais ouir parler, et s'en remectoit du tout sur la dame de Sou-
bize sa femme, ne pouvant se soucier que de celles de dehors et qui importoient le général.
Il estoit au demeurant un peu long à se resouldre. Toutesfois quand la nécessité pressoit, il prenoit sa résolution promptement, de sorte qu'à faulte de cela il n'a jamais perdu une bonne occasion. Mais s'il avoit le loisir il vouloit toujours prendre du temps pour y penser, afin de se resouldre à propos, et de n'estre point après contrainct à changer. Oultre tout ce que dessus, il avoit la crainte de Dieu, qui est plus à priser que tout le reste, en laquelle il a tousjours vescu et persisté, comme a esté dit, jusques au dernier souspir de sa vie.
Je vous ay bien voulu dire ce que dessus en passant, touchant l'humeur du S1 de Soubize, à cause que je voy que c'est une des choses que les historiographes qui escripvent les vies de quelques uns, recerchent aussy dilligemment, jusques à remarquer leur forme, leur stature, et les traicts et linéaments de leur visaige, mectans pour cest effect leurs effigies et médailles au commencement de leurs livres.
