Pizzighettone, sur l'Adda, à 20 kil. à l'est de Crémone

202 MÉMOIRES DE MARTIX DU BELLAY. [NoV.-déc. 1521

Antoine chef avecques sa compagnie de cinquante hommes d'armes et la compagnie du mareschal de Foix de cent hommes d'armes et quelques gens de pied Italiens, de ceux du seigneur Federic de Bozzolo ; envoya pareillement quelques compagnies de gens d'armes dedam les terres dudit seigneur Federic. Puis depescha ledit Federic de Bozzolo pour essayer à reprendre Parme, qui s'estoit révoltée, ainsi qu'avez ouy; mais ce luy fut chose impossible à faire, parce que les papistes y avoient desja pourveu.

Prise d'Alexandrie et Pavie. — Sur ces entrefaictes, le seigneur Prospère Colonne, qui s'estoit retiré dedans Milan avecques toutes ses forces, adverty qu'Alexandrie estoit demourée en garde aux citadins, y alla, luy ayant la faveur des Gibelins; arrivé audit heu, les habitans, sortans à l'escarmouche par la menée desdits Gibelins, furent repoussez, de sorte que les Espagnols y entrèrent pesle-mesle. Semblablement ceux de Pavie, ayans pour garnison en leur ville la compagnie de monsieur de S.-Pol, leur firent entendre qu'ils eussent à se retirer, autrement qu'ils n'auroient moyen de les sauver qu'ils ne fussent saccagez ; ce que firent ceux de ladite compagnie, n'estant la force pour eux, et se retirèrent en Ast^.

Mort du pape Léon. — En ce temps, le pape Léon ayant nouvelles de la perte que les François avoient faicte de ladite ville de Milan, en print telle joye, qu'un catarre et une fièvre continue en trois jours le firent mourir^ ; il fut bien aise de mourir de joye.