Ms. : cinq

Mai 1523] DEUXIÈME LIVRE. 255

environ quatre nmille Picards soubs la charge du seigneur de Sercu, du seigneur de Bournonville, du seigneur de la Bergerie, du seigneur de Fontaine \ fils du seigneur de Heilly et autres, et de cinq cens hommes d'armes, et du seigneur de Brion, que le Roy envoya avecques quatre cens archers de la garde, et le seigneur de la Fayette, maistre de l'artillerie en ce voyage, délibéra, pour aller droit à Terouenne, de marcher par le pais des ennemis, afin de le fouller et soulager le nostre, et aussi en passant raser quelques chasteaux qui estoient sur son chemin et fai^oient beaucoup d'ennuy à nostre frontière.

Prise de Bailleul le Mont. — A ces causes, prit le chemin de Bailleul le Mont, qui estoit une place à mi-chemin d'Arras et Dourlan, assez forte, et dedans y avoit trois cens Espagnols naturels, lesquels avoient promis la garder ou y mourir, mais ils ne firent ny l'un ny l'autre, car après avoir cognu la fureur de la batterie, et quelques-uns des leurs tuez, le cœur leur devint foye, et se rendirent leur vies sauves. Il fault entendre que la pluspart des capitaines n'estoit d'advis de l'assaillir, estant pourveue de gens de guerre comme elle estoit : mais monseigneur de Vendosme demoura en son opinion de la forcer, disant qu'il ne luy seroit reproché qu'une telle place feit la brave devant luy, et que malaisément oseroit-il donner la bataille à l'ennemi devant Terouenne, qui avoit le double d'hommes plus que luy, s'il passoit devant une telle place sans l'attaquer. Aussi luy mesmes feit les approches en plain midy, où fut blessé près de luy

1. Adrien de Pisseleu, sieur de Fontaine-Lavagan, fils aîné de Guillaume de Pisseleu, sieur de Heilly.

256 MÉMOIRES DE MARTIN DU BELLAY. [Mai 1523

le seigneur de Tiennes d'une arquebouzade au travers du bras, et trois cannoniers tuez à ses pieds, qui ayda bien à estonner les ennemis, de se veoir approcher en plain jour et sans tranchées ; monseigneur de Vendosme, après avoir rasé ledit chasteau et faict bondir les tours, print chemin à Rouchauville ^ et à Gincourt^. Or, l'ennemy estoit logé à Andinctun^ et à Dellete*, à demie lieue de Terouenne ; et parce qu'il n'estoit raisonnable de l'assaillir dedans Andinctun, qui est fort logis à cause de la rivière du Lis^, ordonna au seigneur du Lude, qui estoit mareschal de camp, aller faire l'assiete de son camp à Fouquemberge^, afin qu'aisément il peust avoir vivres de Montreul, et l'ennemy à grande difficulté, parce qu'on luy couppoit le chemin de Sainct Omer. Et ceux de la garnison de Terouenne, dedans laquelle estoit le capitaine Pierrepont''' avec la compagnie de monsieur de Lorraine, et le seigneur d'Esgueilly^ lui couppoient le chemin d'Aire.

Les ennemis, se voyans approchez de si près, deslogerent la nuict d' Andinctun, et allèrent loger à