La Lys

6. Fauquembergues, cant. de l'arr. de Saint-Omer (Pas-de- Calais).

7. Guillaume de Rochefort, sieur d'Ally, dit le capitaine Pierrepont.

8. François le Vavasseur, sieur d'Esguilly, fils de Geoffroy le Vavasseur et de Marie de Théligny.

Mai 1523] DEUXIÈME LIVRE. 257

Huppen*, maison du Trésorier de Boullenois, sur un hault, tirant le chemin de S. Omer, laissans Terouenne à leur main droicte; lesquels, de loing, nous voyàns marcher en bataille droict à eux, abandonnèrent ce logis, et allèrent camper à Elfaut^, auquel lieu monseigneur de Vendosme les suivit pour les combatre; cependant monsieur de Brion marcha droict à Terouenne avecques le charroy de l'envitaillement, qui estoitceste nuict venu de Montreul. Les ennemis, voyans ledit seigneur de Vendosme marcher droit à Elfaut, et que desja le comte de Dammartin et le seigneur d'Esguilly leur avoient dressé l'escarmouche, entra parmy les Gantois et autres Flamans tel effroy que, sans attendre enseigne ny capitaine, ny tabourin, se meirent à vau de routte, droit à la rivière des Cordes^, crians : « Gau^ ! » , qui vault autant à dire que : « Allons, fuyons », où se noyèrent plusieurs, encores que personne ne les suivist, et n'y eut jamais ordre de les arrester : et sans le seigneur de Dine, lieutenant de monsieur de Fiennes, lequel avecques quatre ou cinq cens chevaux couvrit leur fuitte, la pluspart eust esté taillée en pièces. Je vous asseure que ledit seigneur de Dine feit pour ce jour là grand service à l'Empereur, car qui eust deffaict ceste trouppe, le pais de Flandres eust esté fort esbranlé : mais on dit en commun proverbe que, si l'host sçavoit ce que faict l'host, l'host defferoit l'host. Aussi arriva le seigneur de Brion, qui avoit conduit le charroy à Terouenne, lequel déclara