Le 8 novembre

326 MÉMOIRES DE MARTIN DU RELLAY. [Nov. 1524

la brèche, ordonna de faire différer l'assault, et feit retirer la gendarmerie.

Quelque temps auparavant ^ le duc Claude de Longueville, jeune prince de grande volonté, estant dedans les tranchées en sortit pour recognoistre quelque chose le long de la ville ; mais, si tost qu'il fut descouvert, fut frappé d'un coup de mousquet dedans l'espaulle, venant de dessus la muraille, duquel coup il mourut sur-le-champ. Plusieurs qui cherchoient de faire service au Roy mirent en avant un moyen de forcer la ville qui estoit tel : le Tesin coule le long de la ville, duquel costé les ennemis, se fians à la force de la rivière, parce qu'elle n'est gaiable, n'avoient faict aucun rampar ; parquoy ils entreprindrent de divertir ladite rivière avecques des toilles, mettans en avant, qu'estant divertie et le cours asséché, et faisans en cest endroit une soudaine et furieuse batterie, la ville seroit aisée à forcer, premier que l'ennemy eust loisir d'y pourvoir, chose qui avoit apparence de raison, et estoit chef d'icelle entreprise Jacques de Silly, baillifde Caen, lieutenant de la compagnie du duc d'Alançon. Il y meit gens en besongne; mais après avoir beaucoup despendu d'argent et de temps, tomba une pluye soudaine, dont la rivière augmenta, de sorte qu'en une heure elle emporta ce qui avoit esté faict en plusieurs jours, et par ce moyen leur labeur fut inutil.

Traitiez d'accord entre le Roy et VEmpereur par le pape Clément. — Estant le Roy devant Pavie, comme vous oyez, le pape Clément, voulant mettre en repos l'Italie, envoya devers le vice-roy de Naples, qui estoit à