Lillers, cant. de l'arr. de Béthune (Pas-de-Calais

Janv.-févr. 1525] DEUXIÈME LIVRE. 337

berge. Passans auprès d'Arqués*, qui est à demie lieue de Sainct-Omer, la cavalerie dudict Sainct-Omer sortit, ayant mis les gens de pied dedans des carrières qui sont assez prez de l'église pour soustenir leurdite cavalerie, de laquelle une partie se jetta à l'escarmouche, en espérance de nous amuser, pendant que ceux d'Aire et de Betune se pourroient venir joindre avec eux. L'escarmouche s'eschauflfa de sorte qu'enfin les Bourguignons furent renversez sur leurs gens de pied. A ladite charge, le seigneur de Licques^, lieutenant du duc d'Anscot, lequel ce jour-là avoit espousé la sœur du seigneur de Fonquesolles^ (de laquelle le seigneur d'Estrée, guidon de monseigneur de Vendosme, avoit esté serviteur), estant demouré sur la queue pour soustenir ses hommes, fut chargé par ledit seigneur d'Estrées et par le seigneur de Rum^ et fut pris prisonnier : tellement que ce jour-là il ne coucha point avecques son espousée.

Le seigneur du Pontdormy, craignant ce que les ennemis attendoient, qui estoit que ceux d'Aire, de Betune et Lilliers se vinssent joindre avecques eux pour empescher sa retraitte et celle de ceux de Terouenne, vint luy-mesmes retirer l'escarmouche; estant arrivé près de Terouenne, au lieu où se devoit séparer ladite garnison d'avecques luy, l'alarme vint

1. Arques, comm. du cant. sud et arr. de Saint-Omer (Pasde-Calais).