Jeanne du Fay-Châteaurouge

4. Ms. : Rumeny. Il s'agit probablement de Robert de Mailly, sieur de Rumesnil.

338 MÉMOIRES DE MARTIN DU BELLAY. [Janv.-févr. 1525

du costé d'Aire, où il fut envoyé quelque cavallerie pour entendre que c'estoit; la jeunesse, sans commandement, y alla à la file, en espoir un chacun de rompre sa lance, ainsi qu'est la coutume le plus souvent des jeunes gentilhommes de France de porter peu d'obéissance à ceux qui leur commandent. Toute ceste trouppe sans chef estant arrivée près un village nommé RoudS environ mi-chemin de Terouenne à Aire, rencontrèrent la garnison dudit Aire et Betune, laquelle venoit en espérance, avecques l'ayde de ceux de la garnison de Sainct-Omer, de pouvoir empescher nostre retraitte; ceux desdites garnisons d'Aire et Betune pouvoient estre le nombre de huict à neuf cens Espagnols naturels et de cinq à six cens hommes de pied wallons et trois cens chevaux de leurs ordonnances. L'escarmouche se dressa par nostre jeunesse contre leur cavallerie, de sorte que les plus vieils et les plus sages des nostres furent contraints de suivre la jeunesse pour la conduire; le seigneur du Pontdormy, adverty de ladite escarmouche, cognoissant que d' estre là arresté il n'auroit moyen de se retirer à Fouquamberge, ains seroit contraint de loger à Terouenne, qui ne se pou voit faire sans manger les vivres qui estoient dedans, envoya le comte Dammartin pour faire retirer l'escarmouche. Mais, y estant arrivé, la trouva si meslée qu'il estoit impossible de la retirer sans mettre en hazard tous ceux qui y estoient, car le seigneur du Pontdormy, avecques la grosse trouppe, estoit lieue et demie en arrière : par quoy se retirans sans avoir personne pour les sous-