Ms. : trois jours et trois nuictz n^ eurent cesse

sant qu'il avoit affaire à autres gens que ceux qu'il avoit trouvez à Mouzon et qu'ils estoient aisez à eslonner ; mesmes de jour à autre les assiégez faisoient des saillies sur le camp de l'ennemy, d'où le plus souvent ils rapportoient et l'honneur et le proufïit, et durèrent en cest estât l'espace d'un mois.

Le Roy cependant estoit à Dijon \ attendant le renfort de son armée, lequel estant adverty par les ducs de Bourbon et de Vendosme que le renfort qu'ils a voient charge de luy amener estoit prest, partit pour prendre le chemin de Troye en Champagne et manda ausdits seigneurs le lieu où ils se dévoient assembler, car il ne faisoit doubte qu'encores que Mesieres fust bien munie de bons capitaines et de bons soldats, loutesfois les vivres qui, au premier bruit de la guerre, y avoient esté mis n'estoient pour suffire longtemps au nombre d'hommes qui estoient dedans. A ceste occasion, manda haster d'assembler son armée et cependant envoya quelque nombre d'hommes d'armes dedans les villes qui sont au long de la rivière d'Aisne pour faire teste à l'ennemy et faveur^ aux assiégez et aussi pour empescher le plat pais d'estre couru. En ce lieu se feirent de belles entreprises, et entre autres une, laquelle je vous descriray, qui^ est la première rencontre que les nostres ont eue contre l'ennemy depuis le commencement des guerres de l'Empereur et du Roy.

1. François I" quitta Dijon le 29 juillet et pendant tout le mois d'août parcourut la Bourgogne; il n'arriva à Troyes qu'à la fin du mois.