Biriatou, arr. de Bayonne (Basses-Pyrénées

3. Fontarabie, ville du pays basque, sur la rive gauche et à l'embouchure de la Bidassoa.

4. Béhaubie, gros hameau de la comm. d'Urrugne, sur la Bidassoa.

156 MÉMOIRES DE MARTIN DU BELLAY. [Oct. 1521

nostre camp deçà, qui estoit bien cause (comme j'ay dit) qu'on ne les pouvoit recognoistre au vray. Ladite rivière passe au pied des montagnes qui viennent de Navarre et tombe en la mer devant Fontarabie. Toute la nuict nostre armée fut en bataille, par ce qu'il estoit la pleine lune, et la mer qui reflotte estoit si haulte qu'il estoit à nous et à eux impossible de passer la rivière. Mais le lendemain, environ huict heures du matin, estant la mer retirée, monsieur de Guise, après avoir ordonné ses lansquenets, et avecques luy le reste des gens de pied et la gendarmerie se meirent en bataille sur le bord de l'eau ; puis, les lansquenets ayans baisé la terre (ainsi qu'ils ont de coustume quand ils marchent au combat), ledit seigneur de Guise, la picque au poing, tout le premier se meit à l'eau, accompagné de sa trouppe, pour aller combattre son ennemy. Lequel fut si bien suivy que les Espagnols, qui pouvoient estre nombre égal (avecques l'avantage que pouvez estimer que ceux qui attendent en terre sèche ont sur ceux qui les viennent combattre, mouillez au travers d'une rivière), estonnez de la furie et hardiesse de noz gens, se mirent en fuitte au travers des montagnes. Et estoit le chef de ceste armée espagnolle dom Diegue de Vére*, une partie de laquelle se retira dedans Fontarabie.

Le soir, monsieur l'amiral vint avecques son armée loger à Saincte-Marie^, gros village auquel on ne trouva personne, car hommes et femmes s'estoient retirez aux montagnes; auquel lieu nostre armée