Jean Petitdé, élu de Bourbonnais

276 MÉMOIRES DE MARTIN DU BELLAY. [Sept.-OCt. 1523

luy pensans persuader de retourner en France 1 , se faisans fors que le Roy mettrait en oubly les choses passées avec bon traittement, tel que le Roy luy avoit offert, passant à Moulins; à quoy il ne voulut condescendre, tellement qu'ils s'en retournèrent en France sans avoir rien exploité. Partant de Liere, ledit de Bourbon, accompagné de soixante ou quatre-vingts chevaux, traversa les Allemagnes, puis au bout de six sepmaines arriva à Trente; auquel lieu, après y avoir faict séjour de deux ou trois jours, alla à Mantoue, où il fut receu du marquis 2 en grande amitié, d'autant qu'ils estoient cousins germains, par ce que la mère dudit duc de Bourbon estoit sœur du feu marquis 3 de Mantoue, père d'iceluy ; lequel meit iceluy seigneur de Bourbon en tel équipage qu'il appartenoit à un tel prince de chevaux, d'armes, mullets et autres choses nécessaires tant pour luy que pour les siens. Le quatriesme jour de son arrivée, partant de Mantoue, alla à Cremonne, auquel lieu il fut bien recueilly par le gouverneur. Le lendemain, avecquesbonneescortedechevaux, fut conduit à Plaisance, ou le vint trouver dom Charles

1. Ms. : Vasseurans de la part du Roy que toutes choses passées seroient mises en oubly, avec tel traictement qu'il avoit demandé par ses instructions qu'il avoit envoiées par tevesque d'Authun; à quoy Une voulut condescendre, ne se povant asseurer du Roy, attendu la faulte qu'il avoit faicte et les ennemys qu'il sçavoit avoir près de la personne du Roy y tellement que lesdits Imbaut et esleu Petitdey s'en retournèrent sans avoir rien exploicté.

2. Frédéric II de Gonzague, marquis puis, 1530, duc de Mantoue (1519-1540), et en 1536 marquis de Montferrat.

3. Jean-François II de Gonzague, marquis de Mantoue (1484- 1519).

Oct. 1523] DEUXIÈME LIVRE. 277

de Launoy*, vice-roy de Naples; lequel venoit pour estre lieutenant gênerai pour l'Empereur au duché de Milan, pour l'extrême maladie en laquelle estoit tombé le seigneur Prospère Colonne.

Après avoir communiqué ensemble des affaires de la guerre, ledit seigneur de Bourbon partit pour aller à Gennes pour s'embarquer et faire son voyage en Espagne ; auquel lieu, attendant lèvent, il séjourna cinq sepmaines, et aussi attendant le retour du seigneur de Lurcy, lequel dès qu'il estoit en Allemagne avoit depesché devers l'Empereur pour entendre sa volonté. Finablement, n'ayant plus d'attente au retour dudit Lurcy, délibéra de passer outre; mais, alors qu'il pensoit s'embarquer, descendit au port de Gennes messire Adrian de Grouy, seigneur du Ru, et avecques luy le seigneur de Lurcy, lesquels apportèrent responce de l'Empereur; c'est qu'il bailloit en option audit seigneur de Bourbon, ou d'aller en Espagne, ou bien de demourer en Italie avecques l'armée. Sur lesquelles offres il conclut de demourer au duché de Milan, pour veoir à quelle fin tourneraient ces deux grosses armées du Roy et de l'Empereur; attendu mesmes que desja nostre armée tout l'hyver s'estoit ruinée devant Milan ; et sur ladite resolution alla trouver le vice-roy de Naples et l'armée imperialle à Binasq 2 .

Issue de la rébellion de monsieur de Bourbon. — Le mareschal de Ghabannes et monsieur le grand maistre

i. Charles de Lannoy, -sieur de Sauzelles, chevalier de la Toison d'or (1516), gouverneur de Tournai (1521), vice-roi de Naples (1522), mort à Aversa (1527).