Castriotto Ferrante, marquis de Civita Sant'Angelo

Pévr. 1525] DEUXIÈME LIVRE. 355

estons ses lansquenets deffaicto, et les Suisses retirez, tout le fais de la bataille tomba sur luy, de sorte qu'en fin son cheval luy fut tué entre les jambes et luy blessé en une jambe, et de ceux qui estoient près de luy furent tuez l'amiral de Bonnivet, le seigneur Louis de la Trimouille, aagé de lxxv ans, le seigneur Galleas de Sainct-Severin, grand escuier de France, le seigneur de Sainct-Severin 1 , premier maistre d'hostel du Roy, le seigneur de Maraphin 2 , aussi son premier escuier d'escuyrie, et furent pris le mareschal de Foix et le Bastar de Savoye, grand maistre de France, lesquels depuis moururent des blesseures qu'ils y receurent. Le comte de Sainct-Pol y fut pris près du Roy, estant blessé tant au visage qu'ailleurs, si qu'on en estimoit plustost la mort que la vie; toutesfois, il fut guery dedans Pavie, où il fut mené. Le mareschal de Chabanes, avecques l'advant garde dont il avoit la charge, combattoit de l'autre part, lequel n'eut meilleure fortune que les autres, car estant nostre armée tant ruinée que plus ne pouvoit, n'y eut ordre qu'il peust soustenir le faiz de son costé, parquoy tomba soubs iceluy et fut tué sur le lieu, et la pluspart de ceux qui estoient avecques luy eurent pareille fin. Le mareschal de Montmorency qui, le jour précèdent, avoit esté envoyé avecques cent hommes d'armes et mille hommes de pied François, qui estoient (ce me semble) soubs la charge du seigneur de Bussy d'Amboise, et deux mille Suisses à Sainct-Ladre 3 pour