Tome II , page 24 1 , note
Lettre des députés de la ville d'Amiens relative aux noces
du Dauphin.
Eschevinage tenu le M* jour de juillet l'an mil imc HU" m.
Sire Anthoine Clabault, maieur, a, le jourd'uy, fait rapport à messeigneurs audict eschevinage du voiage par luy et sire Jehan Lenormant nagaires fait pour la Ville devers le Roy nostre sire, contenant pour partie, ledict rapport, les lectres missives par eulx, et depuis leur partement fait de ceste ville pour aller oudict voiage, envoiees à mesdicts seigneurs, escriptes à Amboise, dont la teneur s'enssuit :
m A nos frères et compai gnons, prevost et esquevins de la ville cité d'Amiens.
« Messieurs, nous nous recommandons à vous plus que poons. Et veuillez scavoir que vendredi passé, environ ix heures du matin, arrivasmes à Amboise, là où trouvasmes que le capitaine de la ville avoist la charge de Io«ier ceulx des villes mandez, et nous ordonner logis et aux autres, chacun par ordre : et a esté nostre logis dechà les pons , qui estoil le quartier restant pour les villes. Et le jour de dimanche, x\ir de ce mois, arrivast madame la Delphine, monseigneur d'Albreeh (d'Albret), et autres seigneurs et dames qui esloienl avec elle à son cutrre
à Amiens; et alla au devant d'elle monseigneur le Delphin jusqu'à une métairie estant auprès de ladicte ville d'Amboise , que Ton nomme la Métairie la Royne, et se partit du chasteau dudict lieu d'Amboise, aiant une robbe toute de satin cramoisi doublée de velours noir, monté sur une haquenée, accompaigné de xx archiers pardevant et x après, avec monsieur de Dunois, monsieur de La Trimouille, monsieur le grant seneschal de Normandie, le bailly de Meaulx et autres .seigneurs. Et après qu'il eust fait la revereuce aux dames, il retourna à ung logis auprès dudict pont, là où il deseendy, et changea robe et vesty une longue robe de drap d'or : et ce fait, entra en une place qui a voit este faite auprès dudict pont en manière de escha phau, et à l'en tours fermée de barrières, tellement que l'on ne pooit approcher près de ladicte piache. A l'entour, et au dedans des barrières, estions avec ceulx des villes mandées , et avec nous archiers pour nous garder d'estre oppressés, ainsi qu'il avoit esté ordonné par le Roy : à quoy estoit commis moudict sieur le grant seneschal.
«Et après arriva madame la Delphine, laquelle fust deschendue de sa litière et mise en ladicte piache; et ce fait, furent incontinent iiancés par le protonotairc, nepveu dudict grant seneschal , qui demanda à mondict sieur le Delphin à hautte voix, tellement que chacun le pooit oyr de alentour, s'il voloil avoir Marguerite d'Autriche à mariage? lequel res- |Kindy que ov : et pareillement fust demandé à madame la Delphine, qui en rcspoildil autant. Et refait.
leur touscha les mains ensemble, el baisa mondict sieur le Delphin par deux fois madame la Delphine, et après retourna mondict sieur le Delphin audict chasteau et ladicte dame pareillement. Et estaient les rues d'Amboise tendues de cordes et de draps dessus , comme l'on fait à Amiens à la procession du sacrement. Et au carfour d'icelle ville d'Amboise, avoit une tente, et au dessoubs d'icelle aucuns personnages, dont il en y avoit un, en manière d'une seraine (Sirène) , qui jettoit par les mamelles vin blanc et vermeil, comme l'on dist; autrement n'en poons parler, pour ce que nous n'en avons point goutté. Et après ladicte entrée, nous fust commandé et aux autres des bonnes villes que fussions le jourd'hui audict chasteau d'Amboise aux espousailles, là où avons esté : et ont esté espousés par le curé dudict chasteau, qui, comme Ton dist, avoit baptisé mondict sieur le Delphin. Et pour aller à l'église se parti mondict sieur le Delphin de la chambre là où il se tient, vestu d'une longue robbe de damas blanc, et tenoit monsieur de Beaujeu par la main , et à l'autre lez estait monsieur de Dunois, et au devant clarons, trompetes, et seigneurs pr ordre, deux à deux, après lui. Et attendist à l'huis de l'église, estant en la basse cour dudict chasteau , tant que madame la Delphine fust venue, comme I on laistà célébrer mariage: et à ladicte église fust apportée madame la Delphine par madame de Segre , qui estait à costé de madame de Heaujeti et madame l'admirai : auxquels monsieur el madame la Delphine a esté lait faire serment, comme Ton lait en mariage, c'est à scavoir de
non changier pour pire ne meilleur ; et si lui a mis mondict sieur le Delphin les aigneaux ès dois. Et après a esté la messe chantée haut, et mis soubs le drap; et, eulx y estans, Ton a chanté haut les parolles que Ton dist bas à nous , et tenoient ledict drap mondict sieur le grant seneschal et monsieur de Saint Valers.
« Et après ledict mariage faict et messe chantée, et que ceulx desdictes villes orrent remerchié mondict sieur le Delphin de l'onneur qu'il leur avoit fait de les mander, il deist ces mots : « Je vous remerchié de la « paine que vous avez prins pour moy; si vous avez à « faire de moy, je suis en vostre commandement. »
« Et ce fait, monsieur le chancellier nous a déclaré et aux autres desdictes villes mandées, presens mesdicts sieur de Beaujeu, de Dunoiset d'Albrech, que le Roy nous avoit mandé pour estre presens à la solempnisation dudict mariage, et pour mettre ordre et abrievation en la justice de son roialme, etaussy pour mettre bon et ample cours en la marchandise , et pour mettre, s'il est possible, une loy, ung poix et une monnoie en son roialme, et que, pour ce, ils se trouvassent tous devers luy en la ville de Tours, pour regarder là la meilleure fourme qu'il sera possible pour y bailler provision. Pourquoy nous y convient aller; et, à ceste cause, nous avons bien voulu vous advenir de ces choses, congnoissant que chacun de vous eu sera joyeux. Et après la solempnité faite, a esté envoyé à nous et autres des bonnes villes, vin et poisson, pour disner ensemble el faire grant chiere, comme plus à plain tous dirons, quant seront retournés.
« Nous vous prions que nous recommandiez aux bonnes grâces de révérend pere en Dieu monseigneur l'evesque d'Amiens et à monsieur le bailly, en les advertissant de ces nouvelles. Et au surplus, s'il est rien survenu de nom eau par delà qui soit à rescriprc que le nous faites scavoir par ce porteur : et le envoyez par Paris et Orléans, là où il a intention nous rencontrer à nostre retour. Nous prions au benoist fils de Dieu qu'il vous ait tousjours en sa garde.
m Escript à Amboise, ce lundi, nuict sainct Jehan Baptiste, xxme de juing, an cccc un xx m.
« Vos frères et compaignons, signé Antoine Clabault, mayeur,et. Jehan Lknormant, eschevin d'Amiens \ »
Et oultre a moudict sieur le maieur fait aussy rapport comment, après ladicle déclaration ainsy faite par mondict sieur le chancellier à ceulx desdictes bonnes villes, fust depuis repondu que la chose touchoit beaucoup, et qu'ils ne entendoient estre mandez, synon pour estre presens à la solempnisation dudict mariage, mais mesraes ils estoient délibérez de faire le plaisir du Roy : et le vendredi , xxvf jour dudict moi> de juing, avoit mondict sieur le chancellier dit aux delleguez pour lesdictes bonnes villes, eulx estans en la ville de Tours, que le plaisir du Roy estoit que
• Pierre Verse
* Cette lettre a été publiée dans h s Me mat n de la Société royale ftr< Antiquaires de France, tome XI, 277-^80; niais le rapport <ln maieur d'Amiens est inédit
chacun qui voloit user de marchandise le poist faire en son roialme, sans deroguier à la noblesse, ne autre privilège, comme l'on faisoit es Ytalies et ou roialme de Engleterrc : et aussy que tous péages fussent mis jus, sauf ceulx qui se levoient ès extrêmes dudict roialme de Franche, à quoy l'on mecteroit provision, et que nuls ne congnoistroit des marchans , synon les juges ordinaires des lieux où seroient lesdicts marchans, dont ceulx desdictes villes remerchioient le Roy, de quoy mondict sieur le chancelier dist qu'il luy feroit rapport.
Et, le mardy enssuivant, le Roy manda ceulx desdictes villes au Plessis du Parc lès Tours, et luy mesmes les remerchia de la bonne obéissance qu'ils luy avoient faite, disant qu'il metteroit volentiers ordre en son roialme, qu'il voldroit bien que la marchandise y eust cours, et qu'il fust entretenu en paix : mais sondict roialme estoit sy grant , que à grant paine se povoit il faire. Dist oultre que de chacune desdictes villes se trouverait ung homme devers lui, en dedans vi sepmaines enssuivans, aux despens des païs, pour oir ce qui serait surtout ad vise et conclud. Et aussy dist qu'il scavoit bien que ceulx desdictes villes amoient mieulx le veoir viel homme que mort. Et à tant avoient tous prins congié de luy.
Enssieut les noms des villes mandées de par le Roy, et ceulx qui ont esté envoies pour les villes à la solempnisacion du mariage de monseigneur le Delphin et madame Marguerite ri* Autriche*
Et primes ,
Clermont, en Auvergne, Guillaume Savaron, Guillaume Fauze , et le procureur de la ville ;
Caen, en Normendie, Jehan Degrossepanny, escuier, sieur de Beaville;
Chartres , Jehan Plume, receveur;
Rouen, Colin Marguerite et Guillaume Auber;
Limoges, Jehan Lahoue, csleu, Jean de Joulieu;
Angers, maistre Jehan Bernard, esleu;
Amiens , sire Anthoine Clabault, maieur, et Jehan Lenormant , esleu ;
Tours, Estienne Ragueneau, maire, Jehan Guerin , Jehan Galocheau, maistre Guillaume Benard ;
Bains, maistre Jehan Couchon ;
Poitiers , Jehan Favereau ;
Le Mans , maistre Raoul Amerelau et Jaque Vaugon;
Maistre Jehan de Rains pour la ville de Imoii , Jbbeville , maistre Jehan Caudel , maistre Nicol le Postel ;
Troyes , maistre Jehan Huai t , chanoine, et Franchois de Merizy ;
Franchise*, Jehan Crochet, maire, Jehan Pcner, esleu ;
Therouane , maistre Marseul Leroy et Simon Ourse t ;
Orléans, Jehan Compaing et Pierre Compaing;
1 \iras.
La Rochelle, sire Robert Guy, maire, maistre Jehan Guilbert, maistre Pierre Darmichon;
Lyon y maistre Jehan Blanchefort , maire , Estienne Marguereau , comptable ;
Bourges , Peon Amys et Jehan Turpin ;
Auxerre, Jehan Renier et Jaque Sezaire;
Paris , maistre Henry Deliart, prevost des marchans, Loys Sanguin, escuier, maistre Yves de la Thieulloire, advocat du Roy au Chastellet, et Henry Guibart.
Les acolez cy dessus , est assavoir ceulx de Lion , Bordeaux \ Bourges, Auxaire et Paris, non venus aux nopces , mais aprez la solepnilacion faicte
