Tome II, page

Lettre de Charles VIII au duc de Bourbon , portant avis de son

entrée à Naples.

Mon frère, depuis les autres lettres que derreniereraent vous ay escriptes, par lesquelles je vous faisoye savoir mon entrée à Capponne, je vous advertiz que je suis venu à Averse et l'ay mys en mon obéissance, et ce jourd'uy je suis entré en ceste ma cité de Napples, et me suis venu loger au chasteau de Cappouanne , lequel est près de la porte de ladicte cité, pour ce que n'ay voulu pour ce jour tenir ne faire forme d'entrée, et vous asseure que de ce que j'ay veu jusques icy du royaume ce [est] ung bon et beau pays , plain de biens et de richesses. Au regard de ceste cité, elle est belle et gorgiase en toutes choses autant que ville puet estre.

Damp Ferra tid et Damp Federic se sont retirez au chasteau de l'Ove, et ont laissé dedans le chasteau neuf de ceste ville le marquis de Pescaire et quelque nombre de gens; mais j'ay fait dresser et asseoir mon artillerie devant, et espère que en bien peu de temps je le réduira y en mon obéissance : et desja la baterie leur a osté toutes leurs défenses. Et estoit demouree leur espérance en quelques gallees qui estoient au pic dudict chastel de l'Ove, èsquelles ilz se sont mis à l'ex-

tremité, et ont prins lediet Ferrand etFedericla mer pour leur derrenier reffuge.

Mon frère, vous ne pourriez croyre la grant affection et voulenté que les gentilz hommes et peuple demonstrerent avoir à moy; carde chascune ville du royaume m'a esté apporté les clefs des portes, et m'ont fait les gentilz hommes et cytoiens d'icelles toute fidélité et serment comme vrais et loyaulx subgectz doyvent et sont tenuz de faire.

Au surplus , j'envoieray d'icy partout pour remettre le demourant de mon emprinse en mon obéissance , et donner ordre ès affaires et seureté d'icelles, et tousjours vous escripray et feray savoir de mes nouvelles et autres choses, ainsi que elles surviendront; je vous prye mandez moy des vostres.

Et advertissez les bonnes villes et autres lieux de mon royaume de France, ainsi que verrez es ire affaire de ce que vous escripviz cy dessus, aflin qu'ilz saichent la bonne prospérité et victoire qu'il a pieu à Dieu me donner en ceste mon emprinse et recouvrement de mon royaume de Napplcs. Et a Dieu, mon frère, qui vous ait en sa garde. Escript en mon chaste] de Cappouanne, en ma cité de Napples , le xxiT jour de février. Ainsi signé, Chari.ks, et contresigné, Ro-

BERTF.T.

Très chers et speciaulx amys, puis nagueres vous ay escript et fait savoir comment le Roy devoit en brief entrer dans sa ville et cité de Napples, et depuis, ce jourd'uy, ay eu lettres dudict seigneur par les postes m. 2G

escriptes audict lieu de Napples, dont je vou9 envoyé les doubles cy encloz, pour ce que ce sont si bonnes nouvelles que meilleures ne pourroient estre , et dont chascun doit louer Dieu et luy en rendre grâces. A ceste cause, vous prye que si les processions et louenges n'en ont esté faictes, que les vueillez faire faire ainsi qu'il est requis pour ung tel bien advenu. Et, très chers et especiaulx amys, Nostre Seigneur vous ait en sa garde. Escript à Molins , le xe jour de mars. Le duc de Bourbonnois et d'Auvergne, lieutenant gênerai du Roy; Pierre Robkrtet'.