Chapitre XIX

Beaidieu organise la défense du port de Marseille, que menacent les Espagnols.

Ainsi, je prins la routte de Marseille et accompagna quatre autres navires de Marseille, qui estoient à Malte et me donnèrent quelque parafante* pour les accompagner. Car ilz avoient peur des corsaires de Barbarie. Ainsi nous nous mismes à la mer. Arrivant entre la Sardaigne et Gorsègue^, au bouche de Boniface, nous feusmes chargés de vent impéteux, qui nous contraignist de donner fonds entre les deux isles, où ne séjournasmes guères. Le mauvais temps nous chassa de là et nous nécessitast de tailler nostre cable et perdre une hancre, qui a esté la seule que j'ay perdu en tout mon voyage.

Je me mis à la mer et sortis de ses isles, et je rencontra, en faisant ma route, deux galères de Florence qui avoient amainé tout bas arbres^ et antennes. Mais me voyans avec mes conserves, arborèrent soudain et prindrent le vent de moy. Messieurs les Marseillois s'approchèrent de mon bord. Je faisois tousjours mon chemin; les dictes galères s'approchant de nous, je leur fis tirer un coup de canon à baie qui leur passa dessus, d'autant qu'ilz n'avoient point de bannière. Lors, ils me firent cognoistre qu'elles étoient galères

1. Pourboire, de l'espagnol />ara guantes, mot à mot « pour les gants ».