Le pertuis de Maumusson, au sud de l'île d'Oléron

[Septembre 1627] DE BEAULIEU-PERSAC. 147

quelz me coupèrent chemin et nous contraignirent de mettre le cap à la mer, nous esloigner d'eux et leur oster la cognoissance de nous. Nous navigasmes toute la nuit, tenans le large, essaiants néantmoins d'accoster l'isle Dieu* : mais ce fut ce que nous ne peusmes, les vents nous estans contraires, si peu qu'il en faisoit, car nous eusmes de grand calme, ce qui nous servit aucunement, aians tous des rames qui nous servoient bien fort, faisant voguer nos soldats et mariniers. Il le faloit ainsi, car nous avions tousjours à nostre veue les ennemis.

Gela durast trois jours et trois nuits, ce qui ennuioit grandement nos gens, tant nos capitaines que nos soldats et mariniers qui se plaignoient de voguer continuellement : ce qui m'empeschoit fort, car ilz crioient tous après moy, disant qu'il faloit relascher à la rivière de Bourdeaux^, ce que je ne désirois aucunement. Car, si nous eussions relasché, tous nos mariniers et soldats s'en fussent fuis, et par conséquent nostre convoy perdu. Je ne sçavois de quelle sorte contenter ces mariniers. Je priay Monsieur de Launey qui les cognoissoit tous, auquel ilz avoient créance, de parler à eux, ce qu'il faisoit. Néantmoins, ilz ne se pouvoient résoudre à tenir la mer, l'eau nous manquant, de sorte qu'un soir nous parlasmes tous ensemble, et prenoit l'avis des uns et des autres, pour gaigner tousjours temps et couper chemin à leurs crieries.

Je voulus prendre celuy de Monsieur de Cusac comme des autres. Il me dit qu'il faloit aler en Ré