La Gironde

148 ■ MÉMOIRES [Septembre 1627]

OU en Holonne et que c'estoit nostre ordre. Je le sçavois aussi bien que luy ; mais tant que les ventz et la marée nous seroient contraires, nous ne pouvions afferer* ne l'un ne l'autre. Il persistoit qu'il falloit aller là. J'en avois autant d'envie que personne : mais je ne pouvoit forcer ny les vents ny la mer. Je dis à ces pilottes et maistres de barques qu'ilz fissent ce qu'ilz devroient. Sur quoy, nous eusmes quelques paroles, Monsieur de Gusac et moy. La nuit venue, nous tinsmes tousjours la mer, essaiants d'acoster l'isle Dieu. Nous passasmes la nuit avec grand calme, nous servans tousjours de nos rames.

Le jour venu, nous nous trouvasmes au travers de l'isle Dieu et vismes la terre de l'isle. Je regarday sy tous nos vaisseaux me sui voient. Je vis Monsieur de Gusac, qui avoit essaie de se séparer de nous, lequel fît rencontre de deux pataches des ennemis, dont l'un fît chasse sur luy, ce qui luy fît rendre le bord et faire vent derrière, la partie n'estant esgale. Ge patache l'aprochoit fort, et croy que, n'eust esté que je me mis en devoir d'aller audit patache avec quatre ou cinq de nos traversiers, il eust incommodé Monsieur de Gusac. Nous voyant aller à luy, il reprit le bord de Ré et nous laissast faire nostre chemin.

Nous navigasmes tout le jour sans rien voir, aprochans tousjours d'Olonne. Nous arrivasmes la nuit sur la barge d'Olonne, qui est un grand banc de sable, au bout duquel il y a des roches dont le rencontre est très dangereux. Le jour estant venu, nous vismes le clocher de Saint-Gisles ^ et celuy d'Olonne, ce qui