Toiras

184 MÉMOIRES [Novembre 162Î]

homme nommé Dalbier à Monsieur de Chombert touchant les charges des prisonniers d'une part et d'autre, dont il n'avoit eu aucune résolution, mondit seigneur de Chombert s'en remettant à l'attente des commandements du Roy, lesquels il vouloit recevoir sur ce subjet. — Je luy dis qu'il n'avoit pas subjet de se plaindre de Monsieur de Chombert, veu que cela dépendoit véritablement du Roy et qu'il n'avoit garde d'entreprendre de faire les changes sans ordre exprès.

— Il me respondit là dessus qu'il le feroit bien, luy.

— Je luy dis qu'il y avoit plus d'apparence qu'il le peust faire, luy qui estoit à 200 lieues de son maistre que Monsieur de Chombert qui n'estoit qu'à deux lieues du sien.

— J'ay du desplaisir de cela pour l'amour de vous autres. Je seray contraint de vous emmener en Angleterre.

— Cela dépend de vous, dis-je, nous sommes vos prisonniers.

Là-dessus, on lui dit que son disner estoit prest. Il me dit : Allons disner. — Et appellast quatre ou cinq coronnels escossois et hirlandois, me disant :

— Ceux-cy sont catoliques.

Il ne se voulut jamais seoir devant moy et me mit sur sa main droite, malgré que j'en eusse. C'estoit sa trop grande courtoisie qui l'obligeoit à cela. Après le disner, chacun se retirast, et demeuray seul avec luy. Il me dit mille choses qui seroient trop longues à raconter. C'est pourquoy je laisse cela pour revenir au désir qu'il avoit de retirer ses prisonniers, jusques à me dire que, hors le baron de Monjoye^ on ne tenoit