Ward

2. « Il y a deux ans et demy », ajoute Foucques dans ses Mémoires^ soit en 1606 ou 1607.

susdits, où il s'y seroit délivré deux milles chrestiens : car ils se sauvarent à la portée du mousquet desdites gallères chrestiennes : qui est cause d'une grande ruyne pour la chrestienté, que pour le proffit particullier d'aulcuns, tant de mal ce face. Ceux-cy dessus dénommés de vostre ville de Marseille ont escrit audit Carosseman qu'il ce donnast de garde d'un capitaine anglois qui s'appelle Robert Eliat, bien affectionné à vostre service*.

Luy estant il y a longs temps au service du grand duc de Florance, qui ha heu l'honneur de ce voir au service de Vostre Magesté, et estant au service du grand duc, la disgrasse l'accompagna et le temps qui luy fut contraire, ce trouvant en ces parties, y vint mouiller l'ancre auprès de La Gollette, près du lieu où les navires d'ysy sont ordinairement, qui est distans de la ville de Thunes de trois lieues. Où estant alhors ledit Carosseman, lequel ce voyant sans aulcune autre considération, fit armer comme estant tout prest trois vaisseaux qui l'alarent aborder et le prindrent esclave.

Il n'y avoit gayre qu'il estoit party de Marseille, là où Monsieur de L'Autière^ l'avoit fort favorisé comme estant de ses amis. Mais sachant à Marseille sa prise, ceux ysy dénommés de Marseille escrivirent à Carosseman qu'il se donnast de garde de luy et qu'il estoit veneu pour brusler ces vaisseaux et gallions, et que, pour l'affection qu'ilz portoient à sa prospérité et le désir de son bien, son repos et sa victoyre, qu'ils l'advertissoient au vray de cela, et à cause de la bonne conversation et alliance qu'ils avoient

1. « Un gentilhomme anglois appelé Liât estoit allé exprès, il y a dix mois, pour brusler leurs navires à La Goulette », spécifie Foucques dans ses Mémoires.

2. Peut-être Montigny de La Hottière qui possédait deux vaisseaux dès 1598 (A.rch. nationales, K1601, p. 25; E 2^, fol. 121). Dans ses Mémoires, Foucques cite à propos d'Eliat un autre nom : « M. d'Alincourt le cognoist », écrit-il.

ensamble et qu'ils le fissent mourir, d'autant qu'il estoit l'ung des premiers à l'antreprise de Bonne*, ne désirant autre chose en ce monde que son amitié et son commerce comme de tout temps. Les lettres ont estes leues et confrontées devant tout le peuple audit capitaine Robert Elyat. Et aussy font trafic de nous, car s'ils ce vouloient monstrer vertueux François, nous fussions tous délivrés. Mais il ne veullent poinct en fère ma[n]syon que premier, ils n'ayent toutes leurs marchandises, lesquelles ils prétendent.

Mesmes par leurs moyens, est venu en ce lieu un maitre fondeur de canon amené [par] Suberan^, lequel a faict deux piesses de canon, et mesme n'ont apporté de Marseille deux piesses toutes montées; et mesmes jusques aux chesnes pour enchesner les povres chrestiens, ils les font venir toutes faytes de Marseille, et cependant demeurons ysy à souffrir milles cruautés. Et s'il venoyt dix ou douze bons navires des Etats avecq sept ou huict gallères, ils confondroient et ruyneroient tout ce qui est ysy, et mettroient tout le détroict libre, partant que ses susdits Marseillois non feussent advertis, car ils sont plus Mores que François. Il reste encores à tirer d'isy par les moyens de vostre othorité et des Teurs qui restent en vostre puissance, employant quelque honnorable gentilhomme et vertueux François qui pourra recognoistre la vérité de ceste affaire, qui sera à l'onneur et contantement de vostre royalle Magesté et au grand service de Dieu, vous asseurant que Vostre Magesté aura conpassion de ses povres subgectz. Nous demeurons tous prier Dieu pour l'heureuse