VIT

Le combat de la Goulette, suwant une j'elation hollandaise'^.

En ce temps, plusieurs pirates de toutes nations se mirent en mer, prenans et pillans plusieurs navires. Et pour ce qu'ils ne sçavoient point bien où ils pourroyent aller vendre leur pillage, cela fut cause qu'ils se retirèrent es quartiers du Turc, comme es havres de Thunis, jadis nommée Carthage, ou près du lieu où jadis Carthage souloit estre, et à Argile : pareillement en Barbarie, à Larrache et ailleurs, où les gens vivent du pillage qu'ils vont prendre sur les Chrestiens.

Entre iceux, estoit un certain Anglois, qui avoit autrefois esté pescheur, et estoit maintenant devenu un fort renommé capitaine, nommé Warde. Cestuy-cy print plusieurs riches navires des Vénetiens et autres, tellement que s' enrichissant par ce moyen, cela fut cause qu'il attira beaucoup d'adhérans, qui amenoyent leurs prinses à Thunis, et se bandèrent là avec les gouverneurs et bassas. Plusieurs autres pirates se vindrent aussi ranger de son costé, entre autres le capitaine Bisshop et autres; pareillement,

1. Emmanuel Van Meteren, V Histoire des Pays-Bas, ou Recueil des guerres et choses mémorables advenues tant es dits pays qu^ es pays voysins depuis Van 1515 jusques à l'an 1612 : traduit de flamand en françoys par I. D. L. La Haye, 1618, in-fol., fol. 666-668.

un chevalier anglois nommé François Verney, qui avoit dépendu en peu de temps en Angleterre bien trois cens mille florins de son propre patrimoine. Ce Warde devint fort riche avec ses pirates, et demeuroit à Thunis comme un petit seigneur, envoyant ses navires en mer pour aller piller.

Il y avoit aussi un patron de navire de Dordrecht, nommé Symon le Danser, qui avoit receu commission des Estats, s'estoit équippé en guerre; et comme il estoit venu à Marseille pour y achapter des vivres, despendit presque tout son vaisseau à faire bonne chère avec des putains et gens de mauvaise vie, tellement qu'il fut privé de sa navire, et, par ainsi, estant réduit au désespoir, il print avec un petit vaisseau un grand, et se banda avec les Anglois et Turcs; et devindrent si forts de navires et de gens qu'ils osèrent bien attaquer quelques flottes. Car ils avoyent des navires sur lesquelles il y avoit 60 pièces d'artillerie, avec deux ou trois cens hommes : de sorte que, se tenans pour la pluspart au destroict de Gibraltar, ils prenoyent beaucoup de navires du Levant, et, par ce moyen, se rendirent redoutables à toute la Chrestienté. Enfin ces deux pirates se séparèrent. Warde demeura à Thunis, et Danser s'alla tenir à Argile, où il se banda pareillement avec les bassas et gouverneurs des susdits lieux; équippoyent-ils eux-mêmes leurs navires, pour ce qu'ils ne s'osoyent autrement point bien fier parmy ce peuple impie, craignans d'estre un jour massacrés.

La perte de tant de navires fut cause que tous les roys et princes commencèrent à consulter comment c'est qu'ils pourroyent rendre la mer libre ; notamment les Estats des Provinces-Unies se bandèrent avec les Roys. Car les marchands recherchoyent la protection de leurs princes et souverains. Aussi estoit-ce une chose dangereuse de voir que les Chrestiens apprenoient aux Turcs la manière de

g^ouverner leurs navires à leur mode et autrement qu'ils n'avoyent faict jusques ores, pour ce qu'ils ne sont accoustuméz d'aller à la guerre qu'en des galères et brigantins.

Le roy d'Espaigne s'estant cest esté armé par mer, tant pour s'opposer au Turc que pour faire quelques entreprinses, il envoya Don Louys de Faysardo, admirai, pour aller vers le destroict de Gibraltar, avec huit gallions ou navires de guerre, en intention de se joindre à quelques autres navires souz la conduite de Thomas Schorleye, lesquelles il pensoit rencontrer à Palermo en Cicile, pour par ensemble s'opposer aux pirates.

Les François avoyent aussi équippé quelques navires à Saint-Malo, ce qui se fit de la part des maistres du commerce et de quelques autres marchands, sur lesquelles commandoit le sieur de Beaulieu, qui pensoit qu'on pourroit aysément mettre le feu es navires, lesquelles estoyent au havre de Thunis, au dessouz du chasteau de la Golette. Ces François estans arrivez en la mer du Levant, s'escartèrent par tempeste, tellement que les uns arrivèrent à Malte, les autres à Sardaigne et ailleurs, où ils entendirent nouvelles de ces pirates, à sçavoir qu'ils estoyent empeschés en leurs havres pour se mettre en mer au mois d'aoust. Et après qu'ils eurent faict un convoy de Marsiliens et s'estre bien informés de tout, ils allèrent vers Tunissa, où ils rencontrèrent les huict gallions susdits de Don Louys.

Comme, ils se furent entre-recognus, et qu'ils demandèrent l'un à l'autre ce qu'ils cherchoyent, les Espaignolz dirent qu'ils cherchoyent le pirate nommé Symon le Danseur et ses consors. — Sur quoy les François leur dirent qu'il s'estoit mis au service du roy de France, duquel il avoit eu son pardon. — Et comme ils s'estonnèrent de cela, ils demandèrent aux François où ils vouloyent aller. — Ils dirent qu'ils vouloyent aller vers le fort de la

Golette pour mettre le feu es navires des pirates. — De quoy les Espaignols s'estonnèrent, et dirent que cela estoit impossible et qu'il faudroit bien une plus forte flotte et qu'ils en vouloyent aller quérir une grande en Cicile pour ce faire. — Les François dirent que, s'ils se vouloient arrester là autour, ils verroyent bien ce qu'ils pourroyent faire. Et ainsi en raillant, ils se séparèrent et furent contraincts de s'arrester es environ de Byserta, pour ce que le temps estoit calme. De jour, ils s'esloignoyent de terre, pour n'estre point descouverts ; le mesme fit aussi Don Louys ; tellement qu'enfin ils consultèrent par ensemble et virent que l'entreprinse estoit faysable.

Les François ayant prins résolution, les Espaignols dirent qu'ils vouloyent estre de la partie, et qu'ils feroyent l'arrière-garde et qu'il ne falloit pas estre beaucoup pour exécuter ce faict. T^e troisiesme jour, le vent estant bon, ils entrèrent dans le havre, sur les deux heures après midy, et allèrent jusques au dessouz de l'artillerie du fort de la Golette. Beaulieu fit tirer bien cent et cincquante coups de canon contre ledit fort pour leur tailler de la besongne ; et comme les navires ne peurrent point approcher de plus près, le lieutenant de Beaulieu se mit en une barque avec cincquante hommes pour aller mettre le feu es navires des pirates, en grand danger de leur vie, à cause des coups de canon qu'on tiroit du fort. Car ceux qui y estoyent, ne cessoyent de tirer contre eux et contre les navires avec quarante pièces d'artillerie.

Ils attacquèrent le premier vaisseau nommé la Madaleyne, du port de trois cens et cincquante tonneaux, sur lequel il y avoit vingte quatre pièces de fonte. Le vaisseau appartenoit à un certain Espaignol renié : c'estoit bien le meilleur, mais non le plus grand vaisseau. Comme ils y eurent mis le feu, le vent s'esleva, tellement que le feu se mit aysément es autres. Les Espaignols qui s'estoyent

mis en trois petites barques, mirent pareillement le feu es autres vaisseaux, en telle sorte qu'ils bruslèrent trentetrois navires et une galère, car il n'y avoit nulle opposition, pour ce que ceux qui estoient èsdits vaisseaux, s'estoient enfuis à terre.

C'estoit une chose espouvantable de voir ainsi brusler ces vaisseaux, desquels il y en avoit six apparienans à Carosseman, gouverneur de la Golette; entre lesquels, il y avoit un vaisseau nommé la Pe/^le, de Saint-Malo, un autre flamend du port de sept cens et cincquante tonneaux, sous la conduitte d'un certain renié de Corsique nommé Elie, encores un de cincq cens tonneaux, avec trente-un pièces d'artillerie, souz la conduitte d'un certain renié de Malte nommé Soliman rey. Il y avoit encores trois autres navires, desquelles trois, il y en avoit deux flamendes, lesquelles appartenoyent à un certain Morat, Genevois. Le bassa de Thunis y avoit aussi trois vaisseaux, entre lesquels il y en avoit un nommé le Comte Maurice, du port de sept cens et cincquante tonneaux, sur lequel il y avoit bien cincquante pièces de canon, souz la conduite d'un certain renié de Corelleri nommé Saphan rey, et encores deux vaisseaux, l'un flamend, l'autre françois. Un certain Mahomet rey y avoit aussi trois vaisseaux, l'un de Portugal nommé le Faulcon, l'autre anglois et le troisième françois, tous commandés par certains Italiens ou Chrestiens reniés. Tellement qu'il y avoit seize vaisseaux de guerre et une galère du roy d'Argile : le reste n'estoyent que des navires prinses sur les Genevois et François. Mais il y avoit un grand vaisseau chargé, qui estoit venu de Constantinople pour le roy d'Argile. On conta que ces pirates perdirent bien en ces seize vaisseaux et en la galère quatre cens et trente-cincq pièces d'artillerie, et, en marchandises, bien la valeur de quatre cens mille escus. Ward, Bisschop, Varney et autres estoyent comme admiraux.

Ce faict ayant esté exécuté, les François et Espaignols s'entresaluèrent et estèrent encores quelques navires à une certaine galère de Biserte, lesquelles avoyent esté prinses, entre autres un vaisseau François chargé de bled, lequel fut mis en liberté. Le lendemain, le gouverneur de La Golette leur envoya une lettre par un patron de Tholon, dissimulant le tout, et comme si le faict des pirates ne luy eust point touché, leur présentant tous rafraichissemens, desquels ils pourroient avoir à faire, et comme amateur de gens valeureux, il loiia fort leur exploict et les pria de luy vouloir envoyer quelques Turcs prisonniers qu'ils avoyent prins auparavant; et que s'ils ne le vouloyent point faire, qu'ils luy donneroyent occasion de faire du mal et du dommage aux Chrestiens, etc. Mais on ne luy rendit point de responce, et par ainsi les flottes se séparèrent et rendirent grâces à Dieu.

Les François allèrent vers Malte, où ils furent fort bien reçeus pour avoir faict un si bel exploict. Par ce moyen, les pirates furent fort affoiblis et perdirent du tout leur crédit envers les Turcs, n'avoyent point aussy les moyens d'équipper encores quelques navires. Warde, Varney et autres y faisoyent encores leur demeure, mais ne pouvoyent plus aller en mer, tellement qu'il y avoit apparence qu'ils demeureroyent au service des Turcs ou qu'ils deviendroyent Turcs. lU avoit à diverses fois envoyé en Angleterre pour avoir son pardon, et avoit présenté une grande somme d'argent; mais le roy de la Grande Bretaigne ne le luy voulut point octroyer; ce qu'aussi les Vénetiens empeschèrent, requérans qu'il peust estre puni pour les grands dommages qu'il leur avoit faict. Sur la fin de décembre, le Roy fit pendre à Londres en Angleterre dix-neuf pirates en un jour, entre lesquels il y avoit trois capitaines.