La Valette

48 MÉMOIRES [Juillet 1609]

niers, eurent la corde. Les François disoient que s'estoient les Espagnols qui ne pouvoient souffrir les François. Les Espagnols disoient que c'estoient les chevaliers qui me portoient envie de voir un séculier dedans leur port, armé comme j'estois. Je m'en rapporte à ce qui en est. Mais ilz me traittèrent de la sorte et croyoient, par ces canonades, mettre mon navire à fondz. Gela ne m'empescha pas de continuer à demander leur bannière : dont le conseil fust assemblé par plusieurs fois, et fust la résolution prinse qu'ilz ne me la pouvoient donner, disant que les Espagnols ne le vouloient pas et que ce grand armement affameroit l'isle. Les Espagnols disoient de leur costé que s'estoient les François qui ne le vouloient pas.

De sorte que je me résolus de ne leur en plus parler et d'envoyer à Florence, et despescha une faluque* avec un gentilhomme que j 'envoya à Son Altesse Sérénissime. Le retour duquel attendant, je me résolus de ne perdre temps, et fis partir mon patache et ma tartane pour aller en Levant essayer de faire quelque chose, et moy, en attendant, je partis ayant pris le congé du grand maistre en plain conseil, où le comte de Sommerive estoit, qui, aprenant le dessein que j'avois d'aller à La Goulette brusler l'armée de Barbarie qui estoit assamblée pour le siège de Malte, me tesmoigna y vouloir venir. Ce que tout le Conseil ne luy voulust permettre, voyant le danger éminent auquel je me mettois et le peu d'apparence qu'il y avoit de venir à bout d'une telle entreprise, qui estoit un effect

1 . La felouque, petit navire à voiles et à rames, pourvu d'un seul mât et gréé à la latine d'une voile triangulaire.

[Juillet 1609] DE BEAULIEU-PERSAC. 49

digne des galères : lesquelles s'estoient assemblées et faiet plusieurs corps d'armée pour ce subject et n'y avoient rien peu faire, et qu'il ne voyoit rien qui m'obligeast à penser à cela. Je leur dis alors que je l'avois entrepris et avois dict en partant de France que je le fairois et que, pour ce subject, mon vaisseau estoit à la voile hors du port qui m'attendoit : ce que je suppliois Sa Seigneurie Illustrissime et tout le chapitre de croire que je mourrois ou que je exécuterois mon dessein, et que pour ce subject, je prenois congé d'eux.