CHAPITRE PREMIER
De l'ordre qu'a mis le Roy en ses Estatz de Pays Bas A son parlement d'iceulx.
I. Ayant le Roy, par la grâce de Dieu, mis ses pays et Estats d’embas en paix et tranquillité, contre ses adversaires et ennemis estrangères, délibéra, pour aulcunes grandes causes et raisons à ce le mouvantes , de partir vers ses royaumes et Estatz d’Espaigne, en l’an de grâce mil cincq cent et eincquant neuf. Et afin que durant son absence les dits Estatz fussent régiz et gouvernez en bonne tranquillité et justice, establit, apres longue et meure délibération de conseil, tant en général que particulier, l’ordre et provision qui s’ensuict.
II. Premiers, commeit et ordonna Sa Majesté pour le gouvernement général des dits Estais et pays son lieutenant madame Margaritc d'Austrichc duchesse
de Parme, sa sœur, fille naturelle de feu l’Empereur Charles V (que Dieu ayt en gloire) à laquelle, oultre plusieurs et diverses instructions, tant publicqucs que secrètes , furent aussy donnez , pour son assistent, trois consaulx ordinaires. A savoir le conseil d’Estat pour les affaires et occurrences publicqucs de paix et de guerre, protection et défense desdits pays, le consaulx privé pour les négoces de grâce, de justice, et d’aultres choses politicques, et le conseil des finances pour les domaines de Sa Majesté. Ayans ces trois consaulx chacun apart soy, leurs instructions, avecq commandement très exprès que l’un ne s’entremectroit ou mesleroit des affaires de l’aultre. Et comme les consaulx privé et des finances avoient long temps auparavant esté ordonnez et establiz avec l’ordre qu’y convient, et désirant Saditte Majesté que celluy d’Estat (estant sy principal) fust semblablement furny des personnages principaulx, si comme des prélats, des seigneurs, et d'aultres, commoit pour conseilliers ordinaires du dit conseil, le très reverendpère enDieuAntlioinc Perrenotevesque d’Arras, Guillaume de Nassau prince d’Orenges, Ladmoral d’Egmont prince de Gavere comte d’Egmont, Philippe de Stavele sieur de Glayon, Charles baron de Barlaymont chef des finances, le docteur Viglius van Zuichem chevalier, chef président du dit conseil privé, ausquelz fut depuis adjoutez Philippe de Montmorency comte de Hornes admirai de la mer, et puisCharlesdeCroyducqd’Arschot, comme plus amplement se dira par après. Aussy ordonna Saditte Majesté que tous chevaliers de l’Ordre de la Toison d'or eussent entrée au dit conseil d’Estat cs-
DH0P1>KBU8.
tans à Bruxelles et appeliez par la duchesse, et semblablement les cunseilliers des consaulx privé, et grand de Malines, tenant confraternité avecq le privé conseil, ès choses qui touchent la justice ordinaire.
III. Oultre jeeluy ordre général, furent semblablement pourveuz les pays et provinces, chascune en son endroit, de gouverneurs et consaulx provinciaulx, et de mesmes de gens de guerre ordinaires à cheval et à pied pour les frontières et aultres lieux semblables, et demeurant le duché de Brabant à charge particulière de laditte duchesse, fust mis pour gouverneur et capitaine général des comtez de Flandres et d’Arthois le dit comte d’Egmont; pour Hollande, Zélande et Utrecht le dit prince d’Orenges, qui du depuis eust aussy le gouvernement du comté de Bourgoigne; pour Frize, Overyssel, Groeninghe, etLinghen, Jehan de Ligne comte d’Arenberghe ; pour Gueldres et Zutphen, Charles de Brimeu comte de Meghem; pour Lutzenbourg, Pierre comte de Mansfeldt; pour Haynault, Valenciennes, et la citadelle de Cambray, Jehan marquis de Berges, et pour Namur, le baron de Barlaymont; pour Lille, Douay et Orchies, Jean de Montmorency, sieur de Courrieres; pour Tournay et Tournesys, Florent de Montmorency, baron de Montigny, frère du dit admirai, tous chevaliers de l’ordre de la Toison d’or, et seigneurs bien principaulx, ayant chascun en sa province, non seullement charge du gouvernement et des gens de guerre , mais aussy de la justice avec les consaulx provinciaulx , le gouvernement de la Flandres seullement excepté, qui n’a rien de commun avecq la justice. Saditte Majesté feit venir avecq
MKM0IKKS
soy messire Charles de Tisnacq chevalier pour conseillier d’Estat et garde de seaulx desdits Pays, et deux secrétaires, Josse de Corteville et Paul de Phintsing, pour avoir charge chascun en sa qualité des affaires des dits Estais réservez à Saditte Majesté et d’aultres qui se pourroient offrir. Suyvit en ce mesme temps la personne de Sa Majesté ledit comte de Hornes admirai de la mer, pour servir esdites affaires et aultres qu’il plairoit à Sa Majesté.
