Jean de la Barre, bailli, puis prévôt de Paris

avoir prins le Roy, et en a voit bonnes enseignes, car il avoit ungne partie de son saye.

Or, revenons à parler des Espaignolz et de ce qu'il fièrent. Le vicheroy y fit merveilleusement bien son debvoir; aussy fit le marquis de Pesquiere, et fut bleschiez de coup de hacquebutte et de coups de picques en cincque ou six lieux le marquis de Voist', son nepveu et son lieutenant gênerai de gens de piedz. Aussy fit le seigneur d'Allarcon^, qui avoit ungne des priiicipalle conduictes et tout leurs affaires, tant pour l'artilleriez que pour pyonniers que pour le faict de tous leurs vivres, et est ung vieil homme de bon sens et de bonne conduite. Aussy fit Anthoine de Levé, qui fut cause de tous le mal que les Françoys eurent, à cause qu'il tint sy bien sa ville de Pavie : de quoy ne m'esbaVs poinct, veue le nombre des gens qu'il y avoit et des vivres qui estoyent dedans. Et il perdirent ung homme de bien de leurs, qui s'appelloit le marquis de Saincte Angèle^, et aussy y mourent aultres capitaines et beaulcoup de leurs gensdarmerie.

Après, je vous veulx nommer à peu près ceulx qui furent prins et tuez du costez des Françoys. Et pour le premier, nous parlerons des prisonniers :

Premièrement, leroy Françoys; leroy de Navarre^; mons'^ de Sainct Pol, chevallier de l'ordre, gouverneur

1. Fernando Francesco d'Avalos, marquis du Guast. Il était fils d'Alphonse d'Avalos et d'Hippolyte Diane deCardona, 1490-