Le roi fut à Amiens du 14 au 20 novembre

mys que, incontinent son entreprinse faictes, que là où il pourroit trouver le marrischal de Ghastillon devant luy, qu'il luy diroit chose qu'il luy desplairoit, et qu'ilz luy compteroit sa vie. Laquelle chose il fit et compta la manière de la guerre, depuis le commencement jusques à la fin ; et lui dist que c'estoit ung meschant paillart, et qu'il avoit mal servy, et qu'ilz estoyent tous deux en sa présence, et qui les fit prendre, car il tenoit à l'ung de eulx qu'ilz n'avoit esté bien servy, aussy bien que jamais prince fut, et quant il seroyent prins tous deux, qu'il en fist enquest aux bons capitaines qui y estoient à qui estoit la faulte, et que c'estuy qui auroit faict la faulte, qu'on lui fit couper la teste.

Le Roy oyant les propos que l'Adventureulx pressoit sy fort le marrischal de combatre et d'aultre chose, le Roy leur fist deffendre à tous deux de jamais en ouyr parler. Gela faict, s'en allèrent tous deux vers madame la mère du Roy, qui fut merveilleussement marrie de leur débat et mist grand paine de les rapaiser.

Ce temps pendant que le Roy estoit [a] Amyens 1 522!, luy vindrent nouvelles que Prosper Goulonne et le marquis de Pesquilere^ marchoient en sa duchez de Millan et avoyent desjà sy bien pourjecté leurs affaires, avecque les intelligence et ayde qu'il avoyent en la ville de Millan, qu'il surprindrent de telle sorte que les capitaines, comme le viconte d'Estoge, eurent à grande paine loisir de eulx saulver dedans le chasteau de Millan ^ ; et

1. Ils avaient été aidés par Jérôme Morone, partisan de Marie- François Sforza.

2. Milan fut pris le 19 novembre 1521, mais le château demeura aux Français.

mons' de Lotrect^ monte à cheval avecque ce qu'ilz avoyent de gendarmerie se retira autour de Millan, et avecque ce qu'il peult avoir de gens d'armes, mist garnison dedans Pavie, comme Parme et aultres villes là entour, en attendant le secours du Roy.

Et vous asseure que le Roy fut merveilleusement troublé et marry de ces nouvelles et se partit d'Amyens pour venir à Parys mettre ordre en tous ses affaires.

Comment l'Adventureulx, bien accompaigniez, fit une course en Luxembourg et print aulcunes petite villes et places et à son retour à ung vilaige qui s'appelle Ormaville cuida estre surprins de ses ennemys. Et comment le chasteau fut prins.

Après touttes ces choses cy faictes, le Roy à Parys et TAdventureuz devers mons"" de Sedan, son père, fut regardé et advisé que la place de Jamait estoit mal pourveue de vivres, principallement de chair ; et ungne place là où il fault beaulcoup de gens et est assés mal aysés à avitailler pour les passaiges et pour ce qu'elle est ung peu avant en pays. Et pour ceste cause, fit assambler l'Adventureux, print ij'' hommes d'armes,

1. Les Vénitiens qui gardaient la porte romaine sous les ordres de Théodore Trivulce furent enfoncés par Prosper Colonna et se débandèrent malgré les eÊPorts de leur chef qui se défendit énergiquement, mais fut pris. Lautrec, qui s'était réfugié dans la ville près du château, vit qu'il ne saurait défendre Milan après la prise du faubourg. Il confia la garde du château au seigneur de Mascaron et prit le chemin de Côme (cf. du Bellay, éd. Bourrilly et Vindry, t. I, p. 197). Barrillon dit que Lautrec se réfugia à Crémone (éd. Vaissière, t. II, p. 332).

ij mille v'' hommes de piedz, et s'en partit ung aprèssouper, au moys de mai, de Donchery*, petite ville où estoit ungne partye de sa compaignie en garnison ; et marchèrent toutte la nuict, tant gens de piedz et gens de cheval, et allèrent passer bien près d'Yvois^. Et arriva au poinct du jour à ung villaige où y a ungne grosse tour qui s'appelle Marquis^ près de la Frette; et est ungne tour bien fortiffié sur la rivière de Chier. Luy estres arrivez audict Marquis, les villains saillerent à l'escharmouche, de laquelle il furent repoulsez, et se retirèrent dedans ceste grosse tour, là où il avoyent faict touttes leurs amonitions, et leurs femmes et leurs enfans, tous y estoient retirez; et commencèrent à tirer fort grand coupz de hacquebuttes et d'arbalestres aux escharmoucheurs, et en blessèrent tous plains : qui despita à l'Adventureux, et jura qu'il n'en partiroit poinct de là, qu'il ne l'eust prinse. Mais il n'avoit poinct amenez d'artillerie avecque luy; et, pour ce qu'il pensoit en luy mesme qu'il en falloit avoir la patience, ceulx de dedans la tour tiroyent tousjours, et tant tirèrent qu'il n'eurent plus de boulles ne de pierres pour leurs hacquebutte, car il en avoyent oublyé d'en affaire.

Or, je ne veulx poinct oublyer ung compte qui y fut d'ung prestre qui suyvoit les gens de piedz, et parloit à l'Adventureux qui faisoit faire son appareille pour aller assaillir la tour qui estoit grosse et bien furnye.