Donchery, Ardennes, arr. et cant. de Sedan

2. On ne comprend guère ce détour. Yvoix étant au sud du département, on ne peut l'expliquer que par une confusion de Florange.

3. Margut, dép. des Ardennes, arr. de Sedan, cant. de Carignan, près de la Ferté-sur-Chiers.

Ledict prestre en parlant, ung coup de hacquebutte à crochette vint et enterra à ses piedz et regarde, et commença à dire à TAdventureulx qu'ilz n'avoyent plus de pi ères dedans ladicte tour, et dit : « Par le morbleu ! je le scaray à ceste heure ! ». Et s'en va mettre, maulgrez l'Adventureulx, devant le treu, et leurs dict : « Tirés, villains. » Laquelle chose il fièrent, mais il n'y avoit que du foin dedans leurs hacquebuttes, et luy une grande plaie. Et du coup qui luy donna, le fit reculer trois ou quatre pas en arrière.

Ce faicL, l'Adventureux besongnoit tousjours pour apprechier le pied de cest tour, car, comme je vous ay dict par cy devant, il n'avoit poinct d'artillerie. Pour l'approchier plus seurement et plus vistement, fit prendre des charioth à quatre roueix et fit mettre des planches de portes de granges et de maisons, tellement que ceulx de dedans ne leurs povoient mal faire à ceulx de dessoubz, tournoyent mesmes les rues, tellement qu'il vindrent au piedz de la tour et de la muraille, et commencèrent à myner. Il y avoit ungne esglize tout prez de la ville, là où il fit mectre tout plain de hacquebuttes qui tiroyent sur ceulx de dedans ladicte tour, qui se voulloyent mettre en deffences.

Ceulx qui la mynoient fièrent ung troux dedans la tour ; le trou faict, l'Adventureux fit prendre du foin et de la paille et myrent le feu dedans, tellement que ceulx de dedans se rendirent à miséricorde; et les adventurieres donnoyent desjà l'assault, mais l'Adventureux les fist cesser et estaindre le feu, pour ce qu'ilz y avoit dedans tout plain de femmes grosses et des petys enfans; et furent ceulx de dedans tout prins II 4

prisonnier et menez à Sedan, et le feu fut mist dedans la tour.

Cela faict, TAdventureulx s'en alla le chemin de Monmedy*, une petite ville appartenant à l'Empereur, pays de Luxembourg, que le conte Félix tenoit ; et print son chemin par là l'Adventureux pour faire groz butin pour mener à Jamais, qui estoit la principalle cause de son entreprinse, pour le ravitaillement de la place de Jamais. Et vint à passer par ung groz bourg, qui s'appelle Nostre Dame d'Amans^, qui estung très beaulx pellerinaige ; pour ce, ne vollut l'Adventureulx qu'on ne print riens au dict villaige, pour l'amour de Nostre Dame; nonobstant quelque deffence qu'il fist, il ne peult estre qu'il ne si fist quelque dommaige, pour ce qu'il y avoit beaucoup d'aventuriers et gens sans gaiges.

Ce faict, ne fut pas sans grande escharmouches, quant ce vint à passer la ville de Monmedy, qui dura long temps, jusques à tant que le butin fut assamblée et passé. Il partirent dudict Monmedy en bonne ordre, et leur butin tousjours devant, et bonne garde sur le derrière ; et passèrent ainsy une petite rivière, là où l'Adventureux eult une grande paine à faire passer ses gens, car tous les passaiges estoyent rompus, et n'avoit on apportez picques ne hoyaulx ne aultre choses pour fonder. Touttesfois, avecques hallebardes et aultres choses, le passaige se fyt, et passèrent l'eaue avecqne tous leurs butin. Et de là s'en alla tout droict à Ormaville^, à