Marville, dép. de la Meuse, arr. et cant. de Montmédy

ung villaige assez près de Jamais, et fut menez le buttin à Jamais S là où il bailla une partie de la gensdarmerye et gens de piedz, qui estoyent avecque luy. Et ne vollut oncques aller au dict Jamais pour chose qu'on luy sceut dire, et ainssy il n'en estoit poinct de besoing, car s'il ne fut demeurez avecque ses gens, tout fut mal allée, comme cy après vous seraz declairé.

Il se logèrent sur les cincque heures du soir dedans Ormaville, et fist venir de la gensdarmerie qui estoit à Jamais environ xxx homme d'armes pour faire le guet, pour ce que ses gens avoyent esté xxxv heures sans repaistre que estoit groz rompement pour à ceste heure. On fit bon guet, l'Adventureux mys ordre, tout le monde alla reposer pour ce qu'ilz estoyent las, et avoit ordonné son enseigne et son guydon pour le guet devant et après minuict, et l'avoit faict devant mynuict le s"" de Bessancy et son filz et l'Adventureulx.

Il y avoit ung chemin par où les ennemys povoyent venir à la couverte dedans le boys. Or, touttes les garnisons de là à l'entour sceurent la venuez de l'Adventureux et se myrent enssamble gens de guerre, tant à pied que à cheval, pour venir audict Ormaville, affin de leur donner l'alarme de nuyct, et vindrent à la couverte de ce petit boys que je vous ai dit.

Or, ne dormoit point l'Adventureulx, et par le guet fut advertys qu'il oyoit quelque bruict, et vestoit sa cuirasse et fit sonner l'allarme et tout le monde à cheval.

La trompette n'eult pas sonnez trois coups que l'allarme vint. L'Adventureux monta à cheval avecque vingt hommes d'armes et sa trompette, vint à l'en-