De Launay, gentilhomme de la chambre du roi

y estoient venuz, s'en retournèrent à belle enseigne desployée et se misrent en fuycte. De quoy la gensdarmerie françoyse et les piétons furent bien marrys et ne vollurent poinct fuyr et demeurèrent tout quoy.

Et estoit mons'^ de la Palice en ung aultre endroict, là où les Suisses prindrent leur chemin et avecque luy mons"" de Pont Remy qui estoit gentilz capitaine avecque ij'' hommes d'armes, et vint donner sur six mille Espaignolz qui estoient saillis dudict fort pour achever de tuer les blessiez et en y eult beaulcoup de tuez desdictz Espaignolz, qui fut cause de quoy il ne sieuverent poinct leur execusion. Et avoient desjà la gensdarmeriez et les gens de piedz gaignée tout le bagaige de l'armée de l'Empereur et du ducque de Millan, et demeurèrent là avecque leur gaing, et s'en allèrent avecque les Suisses loger à vj ou vij mille. Et y demeura beaulcoup de gens de bien de ceulx qui c'estoyent mis à piedt à la poinct des Suisses, dont y estoit mons"^ de Montfort et le seigneur de Lannoy et aultres gentilz hommes françoys, et y morrut le capitaine Albert de la Pierre, Suisse, et Hallemchier, porteur d'enseigne de la garde des Suisses du Roy, et xl compaignons de ladicte garde qui furent là tuez et beaulcoup de bons capitaines suisses qui seroyent trop longz à les vous nommer, et croy qu'il y perdirent bien mille où xij"" hommes de coups de hacquebuttes sans coup de mains, et en perdirent près d'aultant à la saillie que fièrent les Espaignolz sur eulx quant il se retiroyent.

Ce faict, tout le monde se retira^ en bonne ordre,