Le manuscrit porte : ot
n MÉMOIRES [1522
tout le monde en bonne ordre et envoya devant iiij chevaulcheurs arbalestriers et xij piétons, hacquebutiers que arbalestriers, pour les suyvir et sçavoir que chemin il prenoyent. Il n'allèrent pas quatre jectz d'arcque qu'il ne les trouvèrent à la monté d'ugne montaigne, et tuèrent deux desdictes piétons de coup de hacquebuttes, car il en n'avoyent v% et les gens de cheval qui estoient six retournèrent à l'Adventureux et luy fièrent rapport comment il estoient là, mais il ne les avoient poinct nombrez pour le boys.
Incontinent que TAdventureux sceut ses nouvelles, il fit amasser tout le monde et n'alla guerres avant quant il les trouva. Quant il vit le nombre des gens qu'ilz estoient, sans poinct de faulte, il se repentit d'y estre venuz, car il n'y avoit poinct de raison de les assaillir, veu le peu de gens qu'il estoyent, car il estoyent iij mille v*" hommes de piedz, et n'y avoit que xvj*" hommes armez de halletres et gorgerin et avant bras et secrettes, et estoient plus fort de gens de cheval que l'Aventureux.
Pour vous le faire court, quant l'Adventureux vit qu'il avoit faict et commencée la follie, il a voullu achever du tout, crier : de main à main, que nulz ne prenist nulle prisonnier, et fist haster les gens de piedz, et, tous d'ugne hurtée, avecque les femmes qui suy voient le buttin, les vindrent chargier, et n'avoyent que trois lances, dont il en avoit l'ugne le seigneur de Besansy, l'aultre Guillaume, homme d'arme, et Taultre Jehan le Pan.
Quant leurs gens de cheval veyrent qu'on y alloit de telle sorte, il se misrent en fuytte; mais les gens de piedt les receuverent merveilleusement d'ugne très
bonne sorte et fut jecté par terre mous' de Bessansy de coup de picque et tuèrent beaulcoup de hacquebutte et tuèrent beaulcoup de gens de piedz, et fut ceste premier charge sur ung petit ruisseaulx, entre deux montaigne, et ne povoit bonnement TAdventureux ne les gens de cheval les approchier que par ung chemin en descendant de la montaigne. Les gens de piedz arrivez et les gens de cheval, confus et enfondrez, tournèrent incontinent le dos et se misrent en fuytte et furent chassiez parmy les champs, tousjours en tuant : qui tellement^ estoyent sy las de courre qui jectoient leurs harnoys parmy les buyssons, et aulcuns y gaggnerent bien des halletres. Et y demeura bien neuf cens hommes, sans ceulx qui furent prins et blessiez, et furent enterré en quatre fosses, et on donna congiet aux femmes de là à l'entour qui y avoyent leurs marrys de les venir quérir.
La chasse dura trois grande lieues, jusques une lieu qui s'appelle Ailes ^, de la duché de Bouillon, dessus une rivière qui s'appelle Semoy, qui passe audict Bouillon ; et furent sy très effreez de ceulx qui eschapperent de leur deffaicte qui sailloient faire prendre aulx villes frontières, comme à Maisiers et à Mouson, pensant estre en leur pays.
Et estoient gens que mons"" de Roche fort a voit ainsy faict accoustrer pour venir faire la guerre sur mons' de Sedan, son cousin, et en France et pour la garde de son pays, et estoient cousin luy et le seigneur de Sedan et l'Adventureulx et tout d'ung nom et d'ugnes armories; leur enseigne fut prinse, qui estoit mer-
