Aile, sur la Semoy

veilleusement belle, et fut pendue à la chappelle de Sedan; Tung de leurs capitaines fut prins, appelle Gyllebert le Presseur, que TAdventureulx avoit nourry petit garçon paige. Je vous rencompte ceste histoire pour miraculeuse œuvre affin que les gens de guerres le vueillent croire.

Ce faict, l'Adventureulx s'en alla en court vers le Roy, son maistre, laquelle l'avoit mandé. Ce temps pendant qui faisoyt ce voyage, le seigneur de Saussy, frère de l'Adventureux, fist ungue chose en ce temps qui n'est poinct à oubher. Ung quidem appeliez Branchet, qui se disoit capitaine, vint avecque trois cens hommes de pieds, gens de guerre, courre en France. De quoy fust adverty le seigneur de Sedan, car il estoyent bien avant en France et y envoya le seigneur de Saussy, son filz, avecque ce qu'ilz peult recouvrer de gent, tant de sa compaigne que de la compaignie de l'Adventureux, tellement qu'il fit ung quatre xx ou cens chevaulx et environ viij'' hommes de piedz. Et se vindrent rencontrer auprès d'ung moullin au vent tout près d'ung village nommé Flavigny, auprès de Maisiers, et tous en belle ordres, gens de pied contre gens de piedz et gens de cheval contre gens de cheval. Les gens de piedz bourguignons commencèrent à battre les viij"" François et vindrent, tant les chevaucheurs que gens de piedz, chargier sur l'ung l'aultre. Touttesfoys, quant ce vint au gens de cheval, les Bourguignons commencèrent à plainer et à ce deffaire et furent tous prins, ostez dix huyt qui se saulverent, et fut prins Branchet, le capitaine, et n'en fut tuez que quatre ou cinque. Les gens de cheval deffàis, la gensdarmerie françoyse vint secourir leurs pie-

tons que les Bourguignons avoient fort commenciez à esbranler, tellement que de tous les gens de piedz il n'en eschappa peu que tout ne fut tuez, car, quand les villains veyrent que les gensdarmes les avoyent ainsy renversée, il les tuèrent tous.

Et se retira le seigneur de Saussy avecque son buttin et ses prisonniers à Sedan et les traicta gracieusement et furent tous mys à rençon, et paya ledict capitaine Branchet mille escus pour sa rençon, car il estoit assez riche pour le faire.

Or, laissons les guerres des Ardennes et revenons aulx guerres de Guyenne.

Comment mons" d'Esparot^, frère de mons' de Lotrecht, estant lieutenant de son frère en Guyenne et lieutenant gênerai pour le Roy, eult la charge pour aller reconquester le royaulme de Navarre, ce qu'il fit. Et comment il perdit la bataille contre les Espaignoh auprès d'ung lieu qui s'appelle la Gr oigne et de ce qu'ih y fut faict.

Durant le tamps que mons"^ de Lotrecht estoit lieutenant du Roy en Itallie il estoit aussy gouverneur de Ghyenne, qui sont merveilleussement beaulx offices, mist son frère, mons' d'Esparot, en son lieu audit Guyenne, là où, après que mons' T Admirai- fut revenuz de Fontarrabie, pour le temps de Tyver qui le

1. André de Foix, seigneur d'Asparros ou de Lesparre, était le frère de Lautrec et de Lescun, il mourut en 1547.

2. Ce chapitre traite de faits antérieurs. L'expédition de Bonnivet, dont parle ici Florange, eut lieu au contraire après l'expédition de Lesparre (1521), qui forme la matière de ce chapitre.

pressoyt, fut laissié du Roy entre les mains mons' d'Esparot, lesquel par l'ordonnance du Roy de aller au royaulme de Navarre et le reconquist à peu de gens, pour ce qu'il trouva le pays deffurnys, especiallement Pampellune, laquelle fut prinse et rendue à l'obbeissance du Roy*.

Mons'^ d'Esparot avecque luy ung lieutenant de par mons"" de Lotrecht qui estoit dudict pays, qui s'appelloit seigneur Gollumbe^; lesquelle estoit homme de guerre et vieille routier qui avoit beaulcoup gaignée et par qui le s' d'Esparot se gouvernoit, car il estoit vieilz serviteur de sa maison et estoit homme qui avoit beaulcoup venez.

Touttesfoys il ne se voullut contenter de raison et conseilla à mons' d'Esparot d'aller à la Groigne^, qui est ung lieu et fort chasteau assis sur la rivière^ qui despart ce qui appartient au roy d'Espaigne et ce qui appartient au roy de Navarre, et volloit aller prendre la place de la Groigne, disant que de ancienneté elle appertient au roy de Navarre, et les Espaignolz disant le contraire. Touttesfoys, sans mectre ordres aux villes qui avoyent prinse, speciallement Pampelunne, et sachant que Je connestable de Navarre venoit avecque grosse puissance pour le combatre et reconquester le pays, il ne laissèrent de assiéger ladicte place de la Groigne, et n'estoyent que trois cens

1. D'après Martin du Bellay, le royaume de Navarre fut reconquis en moins de quinze jours (du Bellay, éd. Bourrilly et Vindry, t. I, p. 104).

2. Jacques de Sainte-Colombe d'Esquarra, gouverneur de Bayonne en 1516.