Jean VIII de Créqui, seigneur de Pontdormy

prestz et de trouver bonne bende de gens de piedz et de cheval dedans Guyse pour aller faire les approches. Gela fait, l'Adventureux print congiez de mons' de la Trimouille avecque touttes la compaigniez, mons' de Bryane avecque luy et le conte de Bryane. Quant il furent audict Guyse, TAdventureulx se alla loger avecque le conte de Brayne et alla regarder ce touttes les choses estoyent prestes, car il ne failloit pas dormir et estoit desjà tart, et trouvèrent là ung capitaine de viij cens hommes de piedz, honneste hommes et gentilz compaignon, maistre d'hostel de mons"" de Vendosme, qui s'appeloit mons*^ de Longueval qui, comme mons'' de Bryane, disoit avoir la charge de faire lesdict appareil, et s'en allèrent ensamble pour veoir ce que en estoit. Quant l'Adventureulx fut dedans et vit ledict appareil, il troueve de ce que mons"" de Bryane luy avoit promys, et se commença à excuser mons"^ de Bryane sur ledict Longueval. Quant l'Adventureulx veit cela, jamais homme ne fut sy marrys, car mons"" de la Trimouille se reposoit sur luy et se debvoit trouver le matin à la reprinse de ladicte ville et, somme toutte, il n'y avoit riens de tous le cas prestz. Touttesfoys, il fît chargier forces planches sur aultant de char et charioth qu'il en sceut trouver et assambler, et luy faillit faire de nécessitez vertus, et fit chargier six pièces d'artilleriez pour commencer à faire la battriez, trois coulverines bastardes et trois coulverines moyennes, et les fit soudainement partir et les gens de piedz dudict seigneur de Longueval pour accompaigner ceulx qui estoyent à Guyse. A ungne heure de nuict partirent le conte de Bryane et TAd^^entureulx avecque L hommes d'armes pour

s'en aller droict à Bohain achever leurs entreprinses qui estoit commencée*, et le s' de Bryane demeura dedans Guyse jusques à la minuict pour amener la gensdarmerie, celle que l'Adventurelx avoit amenez de Ghampaigne et aultre de Picardie. L'Adventureulx et le conte de Bryane avecque toutte l'esquippaige qui avoyent vindrent à Bohain et laissa derrière deux jectz d'arqué ou trois, l'artilleriez et les gens de piedz et les gens d'armes à cheval, et ne print que trois cens hommes qui les suy voient d'assés près pour l'amour des saillies de ceulx de la ville, et estoit avecque luy le conte de Brayne et le seigneur de Longueval et x hacquebutiers qui descendirent aulx fossés, et vint à la porte là où estoit délibérez de faire le pont par le raport de ceulx qui avoyent visitez le lieu et la place.

Touttesfoys, quant il l'eut veu et revisitée, il trouva qu'en huyct jours on eult sceu faire le pont, car tous les pilliers qui soustenoyent ledict pons estoyent tout couppez et abbatus. S'il fut bien marrys du commencement en Guyse, encoire le fut il plus à cest heure là. Touttesfois, pour séavoir le plus foyble de la ville et qu'il failloit entrer dedans, il voullut veoir à l'entour de la ville quelle remède on y pourroit mettre et, soudainement, il trouva quelque endroict des fossés qui estoyent secque et ungne vieille tour tout à demy fondue et une lavache d'eaue qui venoit tomber dedans lesdicts fossés quant les eaues estiont grandes, et pour Ihors estoit secque.

Incontinent cela avoir veu, il fit sa conclusion de faire passer son artillerie par là et fit marchier les pionniers qui estiont xl avecque l'artilleriez, avecque pallons et hoyaulx, beeches et tous ostes, fit faire le

trenchis par ledict lavache et aulx fossés et rompre la muraille de la ville, de telle sorte qu'il fit passer toutte son artillerie et pour passer tout le demeurant que ce que mons'" de la Trimouille debvoit ammener, car il estoit ordonnez que, au poinct du jour, sy debvoit trouver avecque v'' hommes d'armes, cincque milles hommes de piedz et xij double quennons.

Le chemin bien faict et l'artilleriez dedans la ville et sur le bordz des fossés du chasteau, l'Adventureulx fit commencer la battrie qui dura bien ij ou iij heures; laquelle chose ouye par le seigneur de la Trimouille, se hasta de venir avecque les quennons et le demeurant.

Et tirèrent lesdys quennons quatre ou cincque coups; et furent tellement espoventéz qu'il rendirent la place, leurs baghes saulves ; de quoy il eurent tout, car la place estoit encoire fort assez pour tenir, et l'intention de mons'' de la Trimouille et de l'Adventureulx et de ceulx qui l'avoyent assiégiez n'estoit pas de demeurer là plus hault d'ung jour, pour ce que l'armée des Angloys n'estoit poinct encoire du tout retirez*.

La place prinse, mons'^ de la Trimouille mist des gens dedans de mons"" de Vendosme et ung gentilz-

1. 27 novembre 1523. — Voici le récit que donne du Bellay de cette reprise de Bohain : n Le seigneur de la Trimouille, sçachant l'ennemy estre retiré avant que monseigneur de Vendosme fust arrivé, marcha droict audit lieu de Bohain avecques six canons, dont il feit si furieuse batterie que ceux de dedans se voyoit sans espérance de secours, pour estre leur armée séparée se rendirent. Ce faict, le seigneur d'Estrée fut ordonné capitaine de la dicte place et partit ledit seigneur de la Trimouille de Picardie, ayant eu une armée si puissante sur ses bras et si peu de gens pour la garde du pais, sans que l'ennemy, au partir, tint un pied de terre de sa conqueste » (du Bellay, éd. Bourrilly et Vindry, t. 1, p. 299 et 300).

homme de sa maison, capitaines de là dedans, jusques à ce que mons' de Vendosme en eult ordonné, pour ce que la place luy appartenoit. Et, ce faict, tout le monde s'en retourna à ses garnisons pour ce qu'il n'y avoit plus riens à faire; et fut le lieu reprins.

L'Adventureulx eult congiez de mons"" de la Trimouille pour soy en aller ung tamps chiez luy, pour ce qu'il avoit longtemps qu'ilz n'y avoit estez. Mons"" de la Trimouille se retira à Sainct Quentin avecque tout equippaige et l'artillerie à Guyse avecque l'Adventureulx qui print son chemin par là.

Comment le conte de Brayne fit ungne entreprinse et print Couvin, petite ville du pays de Liège, et, à sa retreicte, deffyt ungne bende de Bourguy gnons à piedz et à cheval. Et comment mons" d'Aymery surprint la garnison dudict conte de Bryane qui estoit à Vervins qui se rendirent à luy, leurs bagues saulves.

Le conte de Brayne, qui estoit jeune homme et plain de bonne vollunté et qui alloit voluntier à la guerre et menoit bien ses gens et gentilment, fit une entreprinse avecque sa gensdarmerie qu'il rassamblit avecque les siens, et avoit mille hommes de piedz ou xij cens, dont estoit chiefz le seigneur de Longueval de Montbrun, gentilz compaignon et qui avoit bonne bende. Ledict conte de Brayne fit son entreprinse le plus couvertement qu'il peult et alla avecque ses gens que je vous dis à ungne petite ville nommée Couvins^, du pays de Liège. Et quant il fut assés près