Couvins, Belgique, prov. de Namur
de la ville, il fit arrester ses gens de pied, là où estoient les deux capitaines Longueval et Montbrung, qui estoient des premiers et entendoyent bien ladicte entreprinse, et fut sy bien entendue qu'ilz furent sur les murailles de la ville avant que jamais le guet le sceut et commencèrent entrer à la fille en prenant, pillant et tuant tout.
Et conte de Bryane avecque sa gensdarmeriez commença à marchier. Et ainsy fut prinse la ville de Couvins par le conte de Bryane, laquelle fut pilliées et les prisonniers prins ne voullut poinct souffrir qu'on mist le feu dedans, et eussent beaulcoup faict plus groz buttin qu'ilz ne fièrent, n'eust estez que les plus groz de la ville se retirèrent dedans le cliasteau dudict Convins qui n'est poinct prenable sans artilleriez, et soudain qu'il l'eut prinse il se retira en meilleure ordre qu'ilz peult avecque son buttin.
La ville de Convins estoit bien avant en pays et en furent advertys les garnisons bourguygnons et vindrent pour luy coupper le chemin à l'entrée des bois de Tyrasse gens de cheval et gens de pied, là où vindrent assaillir le conte de Bryane qui se retiroit en merveilleusement bonne ordre et bonne conduicte. Et quant il ouyt l'alarme, encoire il mist meilleur ordre, car il se doubtoit bien que, veu qu'il estoit sy avant en pays, qu'il auroit quelque affaire à sa retrecte. Il se vindrent joindre gens de cheval et gens de piedz contre gens de piedz, et nonobstant qu'il fussent aussy gros nombre ou plus que le conte de Bryane, sy furent il repoulssée, et amena son buttin sans perdre des gens.
Ladicte entreprinse faicte, le conte de Brayne se
retira et fit retirer les gens d'armes en leurs garnisons, et estoyent bien ayse, car il avoyent gaygné ung bon buttin.
Mons' d'Aymery avoit de long temps ungne entreprinse dessus la ville de Varvins^ qui est de la garnisons du conte de Brayne, et là où il y avoit son lieutenant qui s'appelloit mons'" de Sissonne et ne luy estoit demeuré en sa garnison que v homme d'armes et X archiers, et assés grande villette, mais ung homme d'armes peult venir rompres la lance contre la muraille, nonobstant qu'elle est bien en lieu pour estre forte et en bonne assiette pour la fortiffier.
Le seigneur d'Aymery estre arrivez devant la ville de Varvins aveque viij"" chevaulx et iiij mille homme de piedz et quelques pièces d'artillerie legieres, ceulx de la ville ne sçavoyent nulle nouvelles de leur venues et furent tous esbahys quant il les veyrent devant la ville. Il ne voulloyent pas tenir, car il ne leur estoit pas possible, car il n'avoyent ne gens, ne arteillerie, ne vivres et la ville qui ne valloit riens. Mons"" d'Aymerie les envoya sommer par ungne trompette et leur fut faict responce par le seigneur de Sissonne qu'il estoit content d'abandonner la ville, la gensdarmerie et quelques gens de piedz, leurs bagues saulves et la lance sur la cuisse, laquelle chose leur fut accordée par le seigneur d'Aymerie et s'en allèrent. Le pillage de la ville n'estoit pas grand, car, pour ce que la ville ne valloit riens, les bonnes gens avoyent tout saulvez leurs biens es bonnes villes de là auprès. Mons"" d'Aymery estre dedans la ville, après le pillage faict, n'y
