Gravellone

assés suffisant, pour ce que l'adrnunition des pouldres faillit : qu'il vint merveilleusement mal à poinct, car on enseignoit ceulx de la ville par où on les voulloit assaillir, on se arrestoit, et on ne fit plus de battrie, faindant de la voulloir faire aultre part. Et, ce pendant, fut envoyé devers le ducque de Ferrare, qui estoit bon amy et serviteur du Roy, et tout temps bon Fran(;oys : lesquelle envoya au Roy force ammonition de pouldres; de quoy le Roy fut fort joyeulx, et, sans poinct de faulte, c'estoit ung grant reconfort pour luy, car tout ce qui estoit par les villes avoil estes apportez, et pour assaillir ungne telle ville il en fault beaulcoup.

L'artillerie venuez, il y eult ad vis qu'ilz y avoit ungne tour à Gravellon, là où estoit le marrischal Montmorensy, qui portoit merveilleusement grand dommaige; car les Espaignolz passoyent avecque ung batteau la rivière et s'en alloyent dedans ceste tour, qui tenoyent fort jour et nuict et tuoyent beaulcoup de gens et sy destonnroyent beaulcoup des affaires de tout le camps. Gela advisé par le Roy, envoya Sisonne, maistre de l'artillerie et lieutenant de l'arteillerie et quattre quennons avecque luy devers le marrischal de Montmorensy, qui fit battre ceste tour : et fut prinse, et la rendirent à volunté ceulx de dedans, qui estoyent XXV ou XXX tous Espaignolz, lesquelz furent tous pendus. De quoy fut fort mal content le s"" Anthoine de Leva, et jura Dieu que s'il tenoit le marrischal Montmorensy mesme qu'il le feroit pendre; et y eult tout plain de lettres qui portoyent parolles de combat, que portoit la plus grande part ungne trompette de l'Adventureulx ^ .