Cf. Franz de Sickingen, par Miinch, 1827, 2 vol. in

2. Philippe, comte palatin du Rhin. Il était alors au service de la France. Il existe de lui un très curieux portrait au crayon, au Cabinet des Estampes de la Bibliothèque nationale.

de Lorraine, y besongna, et que les choses se dreschoient en AUemaigne pour luy faire ungne bonne venue; et du moins, s'il n'en s'en voulloit meller pour l'amour du roy de France, qu'il souffrit* que sur sa querelle il peult defFier le duc de Lorraine, et qu'il luy voulloit monstrer qu'il avoit puissance de faire plaisir à ses amys et desplaisir à ses ennemys.

De quoy fit responce mons"^ le ducque de Lorraine et que de sa part il s'en rapportoit à luy, qu'il seroit bien aise s'il en povoit faire son profiît.

Le dict Francisque avoir ouy la responce et entendus que les aultres contes allemans marchoient, il fît ungne petite armée à part de vij à viij" chevaulx et cincque ou sept mille hommes de piedt; et les aultres conte avoient en leur armée mille ou xij cens chevaulx et dix mille hommes de piedt, avecque leurs artilleriez qui estoit assez mal esquippez ; et surprindrent mons"" le ducque de Lorraine de telle sorte qu'il n'eust pas grandt loisir de mettre ordre à son affaire, et envoya au secours vers le roy de France.

Où, en ceste equippaige, allèrent assiéger ungne ville qui avoit nom Saincte Ypolitte, laquelle ne valloit guaire, et la prindrent et pillèrent; mais tout incontinent que le secours de France fut venuz, qui estoit de iiij ou (a) cincque mille chevaulx, il myrent de l'eaue en leur vin. Touttes fois, mons"^ le ducque de Lorraine fît appoinctement avecques les dicts contes qu'il s'en retournèrent, et bailla à Francisquez Sequinghen quelquez argent comptant et v" florins de pension sa vie durant, et par ainsy chascun se retira.

1. D'après VigneuUes (p. 294), Robert de la Marck aurait été complice de l'agression.

Ce pendant que Francisquez faisoit les choses, fut advei tis le Roy par le seigneur de Sedan et de l'Adventureulx que Francisquez estoit bien personnaige pour luy faire grant service en Allemaigne et eult volunté le Roy de le tirer à son service et de le bien traicter.

De quoy fut advertis le dict Francisquez et vint à Sedan, où il trouva mons' de Sedan et l'Adventureux qui le print en charge et le mena devers le Roy * par Ghasteau Thiery et par toutes les bonnes villes de France, luy faisant bonne chiere. Et vous asseure que le dict Francisquez trouvoit le royaulme de France quelquez chose de beau et la manière de vivre fort à son appétit.

Et a[i]nssy le mena l'Adventureulx à Amboyse vers le Roy, laquel il luy fit très bonne chiere et bon recueil; et estoit le dict Francisquez bien accompaignez, car il avoit ungne x® de gentilz Allemans avecque luy. Le Roy le trouva fort honneste homme et fort bien parlant, et si le Roy luy fit bonne chiere, aussy fièrent touttes les dames tellement que le dict Francisquez ne povoit partir de luy. Et lui donna le Roy trois mille francs de penssion; et, sans poinct de faulte, il

1. « Durant ce temps, à Amboise arriva devers le Roy le comte Franciscus de Sekinghen, du pais d'Alleraaigne, et estimé homme de crédit pour lever gens de guerre audict païs, lequel promit au dict seigneur de le servir envers tous et contre tous, excepté contre messire Robert de la Mark, son grand ami, et contre quelque aultre prince d'Alleraaigne, et ayder de tout son povoir que ledict seigneur seroit esleu Empereur, la vaccation de l'Empire advenant, et à ce faire se obligea solemnellement. Moyennant ce, icelluy seigneur luy promist donner grosse pension par chascun an » [Journal de Jean Barrillon, t. I, p. 251).

les eut bien deservy, sy le Roy l'eut tousjours tenuz à son service ; mais il ne fut pas ainsy faict, comme il vous sera sy après declairez.

Le dict Francisquez départit du Roy avecque gros présent du Roy et ungne chaine de trois mille escus, et tous les aultres gentilz hommes allemans chaînes de cincque [cent] et mille escus. Et se partit fort content du Roy, sinon une chose, laquelle, comme l'Adventureulx l'alla conduire, il luy compta et luy dict : « Le Roy ne m'a poinct declairé de son affaire de l'empire, ne vous aussy; touttes fois, je sçay bien ce qu'il en est. Je vous prie, dictes au Roy que je me recommande très humblement à sa bonne grâce et que je le serviray bien et luy tiendray le serment que luy ay faict qui est de le servir encorre envers tous et contre tous, ostez la maison de la Marche, et que la raison pour quoy je luy demandoye des gens d'armes n'estoit poinct pour moy, mais pour son honneur et pour gaigner des gentilz hommes en Allemaigne, et les gentilz hommes qui entreront à son service ne le tromperont poinct et luy feroye du bon service, et dict luy que les grant princes le tromperont, ce qu'ilz n'y aura poinct de faulte. » Laquelle chose l'Adventureux dict au Roy : « Je l'ay tenuz tousjours véritable ^ »

Comment le roij de France donna charge à l'Adventureux de mener des practicqiies en Allemaigne pour gaigner les princes et électeurs de l'Empire; et aussy fit mons^ de Sedan, son père, 1518.

Or, le roi de France prendant l'empereur Maximi- 1. Ces dernières lignes, depuis : et pour gaigner des gentilz

lian vieil homme et caducque, et veuillent venir au poinct d'estre Empereur, fit mener plusieurs practicques^ en Allemaignes pour avoir les électeurs de vers luy et à sa cordele, de quoy estoit les principaulx meneur de ceste practicque mons' de Sedan et l'Adventureux, son filz ; et furent gaignez trois ou quatre électeurs pour le Roy, desquelz je ne veulx dire les noms pour ceste heure, ne parler plus avant, de telle sorte que le Roy pensoit avoir bonne part à l'Empire, sy l'Empereur venoit à mourir. Et entre aultres allant et venant aulx Allemaignes, y avoit ung gentilz homme qui dist à l'Adventureux, lesquelz s'appelle Piere de Buysson et estoit marrischal des logis de sa compaignie et estoit provençoys, gentilz homme et saige, et parloit aussy bien alleman que le françoys. En allant et venant par le pays, Francisquez de Sequinghen vollut parler à luy, quant il sceut qu'il estoit au dict Adventureulx, luy pria qu'il voulsist dire à mons"^ de Sedan et à l'Adventureux qu'il avoit ouy dire tout plain de biens de eulx, et que s'il estoit plaisir ou service que leur pourroit faire il estoit à leur commandement, et qu'il desiroit aultant l'alliance de la maison de la Marche que de nulle maison d' AUemaigne ; et pour leur faire quelques service, il avoit tousjours deux mille chevaulx et x mille hommes de piedz à leur commandement et arteilleries à l'advenant et qu'il avoit

hommes, ont été reportées fautivement dans le manuscrit au milieu du chapitre suivant.

1. Allusion aux négociations de François I*"" avec les électeurs de l'empire, dans le but de se faire élire empereur. Cf. Mignet, Rivalité de François I" et de Charles-Quint, t. I, p. 125 et suiv.

trois places à iuy, dont la première s'appelloit Uttembour^*, et avoit part à une vingtaine d'aultre, qui seroient ouvertes à touttes heures pour mons"^ de Sedan et l'Adventureux contre tous et envers tous.

Laquelle alliance et amytié Iuy fut accordée par le dict seigneur de Sedan et l'Adventureulx ; et affin qu'il eussent plus grande fiance en Iuy, il n'avoit que deux filz et les donna à chascun ung : l'aysné s'appelloit Succre et le second Hans, le dict aysné au seigneur de Sedan et le second à l'Adventureux; lesquelz depuis ont estez gaillart, très gaillartz hommes. Et rapporta ce raport le dict Pierre Buysson, de lacjuelz fut très voluntier ouy.

Depuis cest heure, le seigneur de Sedan et l'Adventureulx ne cessèrent jamais, tant que le dict Francisquez de Sequinghen fut au service du Roy; et s'adressèrent beaucoup d'affaires d' Allemaignes au dict Francisque; et a durez cest alUance et amytié jusques à la mort du dict Francisquez.

Or, le dict Francisquez fit assambler ungne armée pour venir contre ceulx de Messe, pour la querelle d'ung gentilz homme que le dict Francisquez soustenoit ; et les avoit requis plussieurs foys de venir en appoinctement, et en estoit arbitres mons"" de Sedan et l'Adventureux ; mais jamais n'avoient trouvez façon de les faire venir en appoinctement. Pour laquelle raison le dict Francisquez les envoya deffier et vint à Messe, accompaignié de iiij mille chevaulx et xvj mille homme de piedt et xij pièces d'artilleriez ; avoit envoie prier(e) l'Adventureux de s'y voulloir trouver et le venir veoir. Pour ce qu'ilz estoit bien fort malade à Messancour,