Sans doute : Ebernburg, près de Kreuznach

(et) luy envoya cincque cens chevaulx, que menoit le seigneur de Jamais, son frère, ausquelle il en a voit baillez la charge. Et arriva devers le dict Francisquez et furent faictes tout plain de belles escharmouches devant la dicte ville de Messe et practicques et menées entre le dict Francisquez et ceulx de Messe pour faire la paix; et, affin que vous entendiez* la plus grande revenuez que ceulx de Messe ayent^, c'est(e) en vignes et le dict Francisquez, pour leurs faire plus grande craincte et plus grant paour, avoit faict amener trois charriotz de sarppes pour coupper les vignes; lequel^ incontinent qu'il vit que ceulx de Messe dissimuloyent, commença à les faire couper. Et incontinent que ceulx de Messe le sceurent, vindrent en appoinctement avecque luy, et luy donnèrent x mille francqs en florins de Messe, qui sont xxx sols pour le florin, et encorre quelquez présent aux capitaines ; et là se levèrent et ne fut pas sans leur faire grant dommaiges. Et revint le seigneur de Jamais avecque les gens d'armes du dict Adventureux.

Gela faict, le dict Francisquez avoit quelquez querelle avecque le lantsgrave de Hessen^, gros prince d'Allemaigne, mais il estoit jeune homme et jeune garçon, mais beaulx filz . Le dict Francisquez mena son armée , au partement de Messe, tout droict dedans le pays et commença à brusler ; quant ceulx du pays veyrent cela et la mere^ du dict lantsgrave, il luy donnèrent trente